Օդրի Տոտու

Վիքիպեդիայից՝ ազատ հանրագիտարանից
Picto infobox film.png
Օդրի Տոտու
Audrey Tautou
Audrey Tautou Cannes 2013 2.jpg
Օդրի Տոտուն 2006 թ.-ի Կաննի կինոփառատոնին
Բնօրինակ անուն Audrey Tautou
Հասակը 160 սմ
Ծնվել է՝ օգոստոսի 9, 1976 (1976-08-09) (38 տարեկան)
Ծննդավայր Բոմոն, {{{2}}} Ֆրանսիա
Ազգություն {{{2}}} Ֆրանսիա
Մասնագիտություն Դերասանուհի
Ակտիվ շրջան 1992–այժմ
Ժանրեր Դրամա,
Մելոդրամա
Ընտրանի "Ճակատագրական գեղեցկուհին",
"Դա Վինչիի ծածկագիրը"
IMDb ID 0851582
ԿինոՊոիսկ ID 433

Օդրի Տոտու (ֆր.՝ Audrey Tautou, օգոստոսի 9, 1976, Բոմոն, Ֆրանսիա), ֆրանսիացի կինոդերասանուհի և մոդել։ Առաջին անգամ հեռուստադիտողին երևացել է 18 տարեկանում։ Դրանից անմիջապես հետո նա ստացավ «Ցեզար» մրցանակը։ Հետագայում նա էկրան բարձրացավ 1999 և 2000 թվականներին։ Տոտուն մեծ ճանաչում ձեռք բերեց «Ամելի» ֆիլմից հետո, որը նկարահանվել է 2001 թվականին։ Սրանից հետո նա մեծ արագությամբ կառուցեց իր կարիերան և ձեռք բերեց ճանաչում։ Հանդիսատեսին հայտնի է «Ամելի» (2001), «Դա Վինչիի ծածկագիրը» (2006), «Կոկո դը Շանել» (2009) և «Քնքշություն» (2011) ֆիլմերից։

Վաղ կյանք[խմբագրել]

Օդրին ծնվել է Բոմոնում և մեծացել է Մոնտլուքոնում։ Հայրը եղել է ատամնաբույժ, իսկ մայրը ուսուցչուհի։ Տոտուն դեռ փոքրուց է ցանկացել դառնալ դերասանուհի, այդ իսկ պատճառով նրա ծնողները նրան տարել են դերասանական պարապմունքների։

Կարիերա[խմբագրել]

1990-2000 թվականներ[խմբագրել]

1998 թվականին Օդրին մասնակցեց «Նոր աստղեր» մրցույթին և հաղթեց՝ ստանալով «Լավագույն երիտասարդ դերասանուհի» մրցանակը։ Թոնի Մարշալը «Ցեզար» մրցանակաբաշխությանը Օդրիին հանձնեց մրցանակ՝ «Գեղեցկուհի Վեներայի համալսարանը» ֆիլմի համար։ 2000 թվականին Տոտուն արժանացավ «Ամենախոստումնալից երիտասարդ դերասանուհի» մրցանակին։

2000-2010 թվականներ[խմբագրել]

2001 թվականին Օդրին հասավ հաջողության խաղաղալով ռոմանտիկ կատակերգությունում՝ «Ամելի» ֆիլմում (Ֆրանսիական անվանումը « Le Fabuleux Destin d'Amélie Poulain»), որի ռեժիսորն է Ժան-Պիեռ Ժենեն։ Ֆիլմը արագ ճանաչում ձեռք բերեց և քննադատվեց։ «Ամելի» ֆիլմը ճանաչվել է տարվա լավագույն ֆիլմ։

2002 թվականին նա նկարահանվել է «Կեղտոտ հմայքներ» բրիտանական ֆիլմում, որի ռեժիսորն է Սթիվեն Ֆրիրզին։ 2004 թվականին նա խաղացել է «Շատ երկար ներգրավվածություն» ռոմանտիկ, պատերազմական ֆիլմում, որի ռեժիսորն է Ժան Պիեռ Ժենուտը։

2010 թվականից մեր օրեր[խմբագրել]

Օդրի Տոտուն 2012 թվականի Կաննի մրցանակաբաշխությանը

Օդրի Տոտուն նկարահանվել է մի ֆիլմում, որտեղ նա մարմնավրում է Կոկո Շանելին։ Դա նորաձևության թագուհի համարվող Կոկո Շանելի կենսագրական ֆիլմն է։ Ֆիլմի ռեժիսորն է Աննա Ֆոնտաինը։ Նկարահանումները սկսվել են Փարիզում 2008 թվականին և էկրան է բարձրացել 2009 թվականի ապրիլի 22-ին Ֆրանսիայում։ Ֆիլմի հիմքում հիմնականում ընկած է Էդմոն Շառլ-Ռուխի «L’Irrégulière» գիրքը։ Այն բանի փոխարեն, որ «Կոկո դը Շանել» ֆիլմը հեռարձակվեր Ամերիկայի Միացյալ Նահանգներում « Warner Bros. Pictures» ընկերության կողմից, ֆիլմով զբաղվեց « Sony Pictures Classics» ընկերությունը։ Ֆիլմի ցուցադրումը Ամերիկայի Միացյալ Նահանգներում արժեցավ 6 մլն. ամերիկյան դոլար։

Մոդելի կարիերա[խմբագրել]

Օդրի Տոտուն սկսեց իր մոդելային կարիերան շատ վաղ հասակից՝ մասնակցելով մոդելային դասընթացների և միջոցառումների։ Դրա շնորհիվ նրա նկարները հայտնվեցին հայտնի դարձած ամսագրերի շապիկներին, այդ ամսագրերի թվին են պատկանում հետևյալները. Vogue, Bazar, Elle, Harpers և այլն։

Տոտուն 2009 թվականին ստացավ Շանել №5-ի հաջորդ գլխավոր մոդելըէ փոխարինելով Նիկոլ Քիդմանին։ Գովազդի և ֆիլմի հեռարձակումների տարեթվերը համընկան (2009)։ Նա դարձավ այնպիսի ակցիաների դեմքը, ինչպիսիք էին՝ L'Oreal, Montblanc և շատ ուրիշ ակցիաներ։ Օդրի Տոտուն տարիներ շարունակ հայտարարվել է, որպես «Տարվա նորաձևություն», քանի որ հայտնվել էր իրաից տարբերվող բնագավառների ամսագրերի շապիկներին (Հիմնականում նորաձևության, գեղեկցության և մշակութային թեմաների ամսագրերի շապիկներին)։ Նա մասնակցել է շաբաթվա խոշոր իրադարձություններին տարիներ շարունակ։

Անձնական կյանք[խմբագրել]

Տոտուն սովորել է Փարիզի կաթոլիկական ինստիտուտում։ Երբ նա սովորում էր ինստիտուտում հայտարարեց, որ նա «կեղծ» կաթոլիկ է։ Տոտուն ասում է, որ նրա ապագան Ֆրանսիայում է, որ նա պետք է իր ապագան կառուցի հենց Ֆրանսիայում, այլ ոչ Ամերիկայի Միացյալ Նահանգներում։

Նա իր հարցազրույցներից մեկում նշել է հետևյալը. «Ես օրվա վերջում ֆրանսուհի դերասան եմ: Ես չեմ ասում, թե երբեք չեմ նկարահանվի անգլերեն լեզվով, բայց իմ տունը իմ համայնքն է, իմ կարիերան արմատավորված է այստեղ՝ Ֆրանսիայում, ես երբեք չեմ տեղափոխվի Լոս-Անջելես»։