Քրիստոֆեր Մառլո

Վիքիպեդիայից՝ ազատ հանրագիտարանից
(Վերահղված է Քրիստոֆեր Մարլոից)
Picto infobox auteur.png
Քրիստոֆեր Մառլո
Christopher Marlowe

Christopher Marlowe.jpg
Քրիստոֆեր Մառլո

Ծնվել է 1564 թ., փետրվարի 26 (1564-02-26)
Քենթերբերի, Մեծ Բրիտանիա Մեծ Բրիտանիա
Մահացել է մայիսի 30, 1593 (29 տարեկան)
Դեպտֆորդ, Մեծ Բրիտանիա Մեծ Բրիտանիա
Մասնագիտություն բանաստեղծ, դրամատուրգ, թարգմանիչ
Լեզու անգլերեն
Ազգություն անգլիացի
Քաղաքացիություն Մեծ Բրիտանիա Մեծ Բրիտանիա
Ստորագրություն Christopher Marlowe Signature.svg
Վիքիպահեստ Քրիստոֆեր Մառլո
Քրիստոֆեր Մառլո Վիքիքաղվածքում
Քրիստոֆեր Մառլո Վիքիդարանում
Վեբկայք christophermarlowe.com

Քրիստոֆեր Մառլո, անգլ.՝ Christopher Marlowe (1564, փետրվարի 26 - 1593, մայիսի 30), անգլիացի բանաստեղծ, դրամատուրգ։

Կյանքը[խմբագրել]

Ծնվել է 1564 թվականի փետրվարի 26-ին Քենթրբերիում, կոշկակարի ընտանիքում: Ընկերների աջակցությամբ կարողացել է ընդունվել Քեմբրիջի համալսարանը, որտեղ ինքնագլուխ, անհնազանդ ու հախուռն բնավորության տեր ուսանողի համբավ է ունեցել: Ավարտել է (1583) թվականին։ Միայն Անգլիայի կառավարական օրգան Գաղտնի խորհրդի միջնորդությամբ է համալսարանի խորհուրդը համաձայնվել նրան մագիստրոսի աստիճան տալ: Դա վկայում է, որ նա պետական գաղտնի գործունեության մեջ է եղել: 1587 թվականին տեղափոխվել է Լոնդոն, որտեղ կապվել է ժամանակի լուսավորյալ ազնվական սըր Վալտեր Ռոլիի «աթեիստական» խմբակի հետ:

Մառլոն ունեցավ կարճատև կյանք: 1593 թվականի մայիսի 30-ին քսանինը տարին նոր բոլորած, նա սպանվեց Լոնդոնից ոչ հեռու գտնվող Դեփթֆորդի մի պանդոկում: «Թեթևաբարո կնոջ պատճառով» բռնկված սարքովի վեճի առասպելն անհուսալի քող էր՝ ծածկելու համար նշանավոր «աստվածագողի», վտանգավոր ազատախոհի սպանության իրական քաղաքական էությունը: Շեքսպիրի նախորդներից ամենատաղանդավորը դարձավ Եղիսաբեթ I -ի կառավարության զոհերից մեկը, իսկ «ինքնապաշտպանության դիմելիս» նրա աչքը դաշույն խրած ոմն Ինգրեմ Ֆրիզեր արդարացվեց և ողորմած թագուհուց լիակատար ներում ստացավ:

Ստեղծագործություններ[խմբագրել]

Մառլոի առաջին ողբերգությունը «Լենկ-Թեմուր Մեծ»-ն է (1587-1588, հրատարակությունը 1590)՝ դրամայի վերածված կենսագրությունը Թեմուրի, որի բերանում ասավածամարա հանդուգն խոսքեր են դրված։ «Դոկտոր Ֆաուստի ողբերգական պատմությունը» (1582, հրատարակությունը 1604) պիեսի կենտրոնում կերպարն է գրբացի, ուսյալ դոկտորի, որի համար իմացությունը վեր է ամեն ինչից, հանուն դրա նա ըմբոստանում է նան կրոնի դեմ։ Տիտանականությունն է բնորոշ «Մալթացի հրեան» (մոտ 1588, հրատարակությունը 1633) ողբերգության հերոսի համար։ «Էդուարդ II» (1593, հրատարակությունը 1594) պատմական ժամանակագրության մեջ Մառլոն արդեն հերոսներին զրկել է բացառիկությունից՝ նրանց մոտեցնելով կյանքին։ Նրա պատմական ժամանակագրության մեջ, ինչպես հետագայում Շեքսպիրի ժամանակագրության մեջ, քննարկվում են քաղաքական այժմեական խնդիրներ։ Մառլոի ստեղծած ողբերգությունը նոր փուլ էր այդ ժանրի զարգացման ասպարեզում։[1][2]

Աղբյուրներ[խմբագրել]

  1. (1981) ՀՍՀ։ Երևան: հ.7, էջ 265։ 
  2. Ռընե Ուելլեք, Օսթին Ուորրեն (2008)։ Գրականության տեսություն։ Երևան: Սարգիս Խաչենց, էջ 475։ 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png