Քրիստոֆեր Լամբեր
| Քրիստոֆեր Լամբեր | |
|---|---|
.jpg) |
|
| Բնագիր ԱԱՀ՝ | |
| Ծննդյան օր՝ | մարտի 29, 1957 |
| Ծննդավայր՝ |  Գրեյթ Նեք, Նյու Յորք ԱՄՆ |
| Ամուսին՝ | Դայան Լեյն (1988-1994) Ջերնիզ Հաֆթ (1999-2000) Սոֆի Մորցեաու (2007-այժմ) |
| Կայք՝ | Պաշտոնական կայք |
Քրիստոֆ Գի Դենի Լամբերը (ֆրանս.`Christophe Guy Denis Lambert, ծնվ.` մարտի 29, 1957թ.), առավել հայտնի որպես Քրիստոֆեր Լամբեր, Միացյալ Նահանգներում ծնված ֆրանսիացի դերասան է, ով նկարահանվել է ամերիկյան, ֆրանսիական և եվրոպական արտադրության ֆիլմերում: Նրա առավել հայտնի դերերից են Քոնոր Մաքլեոթը (Լեռնցին ֆիլմապատումում), Ջոնը (Տարզանի լեգենդը ֆիլմում) և Ռեյդենը (Մահացու պայքար [Mortal Kombat] համակարգչային խաղի վրա հիմնված առաջին էկրանավորման մեջ):
Բովանդակություն |
[խմբագրել] Վաղ կյանքը
Լամբերը ծնվել է Նյու Յորքում` ՄԱԿ-ում աշխատող ֆրանսիացի դիվանագետի ընտանիքում: 2 տարեկան հասակում ընտանիքը տեղափոխվել է Շվեյցարիայի Ժնև քաղաք, որտեղ Լամբերը մեծանում է, իսկ երբ լրանում է 16 տարեկանը, ընտանիքը վերադառնում է հայրենի Փարիզ: Երբ Լամբերը 12 տարեկանում մասնակցում է դպրոցական հանդեսին, սկսում է հետաքրքրվել դերասանական արվեստով: Սակայն ընտանիքի անդամները գտնում են, որ նրան ավելի ապահով գործ է անհրաժեշտ, ուստի տնեցիներին բավարարելու համար նա աշխատում է Լոնդոնի ֆոնդային բորսայում, բայց 6 ամիս անց նա թողնում է աշխատանքը` որպեսզի օգնի ընկերոջը` խանութն աշխատեցնել փարիզում: Բացի այդ, նա հոր պատգամով ծառայում է ֆրանսիական բանակում:
[խմբագրել] Փաստեր
Լամբերը ունի կարճատեսության խնդիրներ ու չի կարող տեսնել առանց ակնոցի[1]: Ու քանի որ նա չի կարող ակնոցը փոխարինել կոնտակտային լինզաներով, երբեմն ֆիլմերում նա պարզապես ստիպված է լինում կատարել հնարքներ` փաստացիորեն լինելով կույր: Եվ որպես արդյունք` նա երբեմն հնարքների ժամանակ վնասվածքներ է ձեռք բերում:[2]
