Կրիստիան Կիվու

Վիքիպեդիայից՝ ազատ հանրագիտարանից
(Վերահղված է Քրիստիան Կիվուից)
Ֆուտբոլ

Կրիստիան Կիվու
Cristian Chivu Inter.jpg
Անձնական տեղեկատվություն
Ամբողջ. անուն Կրիստիան Էուջեն Կիվու
Քաղաքացիությունը Ռումինիա Ռումինիա
Ծննդավայր   Ռեշիցա, Ռումինիա Ռումինիա
Ծննդյան թիվ   հոկտեմբերի 26, 1980 (34 տարեկան)
Հասակ 184 սմ
Քաշ 81 կգ
Դիրք Պաշտպան
Ակումբային տեղեկատվություն
Ներկա ակումբ Ավարտել է կարիերան
Մասնագիտական կարիերա 1
Տարի Ակումբ Խաղ (Գոլ)
1996 - 1998 Ռումինիա Ռեշիցա 24(2)
1998 - 1999 Ռումինիա Ունիվերսիտատիա 32(3)
1999 - 2003 Նիդերլանդներ Այաքս 107(13)
2003 - 2007 Իտալիա Ռոմա 85(6)
2007 - 2014 Իտալիա Ինտեր 115(3)
Ազգային հավաքական
1999 - 2011 Ռումինիա Ռումինիա 75 (3)

1 Մասնագիտական կարիերայում ընդգրկված են
միայն առաջնության խաղերը և գոլերը.

Քրիստիան Կիվու (անգլ.՝ Cristian Eugen Chivu) ծնվել է 1980թ. հոկտեմբերի 26-ին։ Ինտեր Միլան ակումբի և Ռումինիայի ֆուտբոլի ազգային հավաքականի ֆուտբոլիստ։

Կարիերա[խմբագրել]

Ռեշիցա[խմբագրել]

Նոմինալ պաշտպան, ով կարող է խաղալ նաև կիսապաշտպանությունում։ Իր պրոֆեսիոնալ կարիերան Կիվուն սկսել է իր հարազար քաղաքի ակումբում՝ ‘‘Ռեշիցայում’’ 1996 թվականին, իսկ 1998 թվականին տեղափոխվել է Կրայովիի ‘‘Ունիվերսիտատիա’’։ Այնտեղ նրան նկատեցին Նիդերլանդական ուժեղագույն ակումբներից մեկը՝ Ամստերդամի Այաքսը և նրա հետ պայմանագիր կնքեցին 1999 թվականին։

Այաքս[խմբագրել]

Այաքսի կազմում Կրիստիանը նշանակալի հաջողությունների հասավ՝ խաղալով ձախ պաշտպանի դիրքում։ 2001 թվականին թիմի գլխավոր մարզիչ Ռոնալդ Կումանը Կիվուին նշանակեց թիմի ավագ։ Նրա ավագ լինելու ժամանակահատվածում Այաքսը Հոլանդիայի առաջնության առաջատարն էր և հասավ նաև Չեմպիոնների Լիգայի քառորդ եզրափակիչ 2002-ին։ Այաքսի Կազմում Կիվուն անցկացրեց 107 հանդիպում և դարձավ 13 գոլի հեղինակ։

Ռոմա[խմբագրել]

2003 թվականին ռումինացի պաշտպանը տեղափոխվեց իտալական Ռոմա։ Այս տրանսֆերի արժեքը Ռոմայի համար կազմեց 21 միլիոն եվրո։ Ռոմայի կազմում Կիվուն հանդես եկավ մինչ 2007 թվականը՝ անցկացնելով 85 հանդիպում և խփլով 6 գնդակ։

Ինտեր[խմբագրել]

2007 թվականի հուլիսի 27-ին Կիվուն 5 տարվա պայմանագիր կնքեց Ինտերի հետ, տրանսֆերն արժեցավ 16 միլիոն եվրո, բացի այդ Ռոման ստացավ Իտալիայի երիտասարդական թիմի պաշտպան Մարկո Անդրեոլլիին։ 2012 թվականին Ինտերը երկարաձգեց պայմանագիրը Կիվուի հետ երկու տարով և երրորդ տարվա հնարավորությամբ։ Ընդհանուր առմամբ Ինտերի կազմում մինչ 2012/13 մրցաշրջանը անցկացրել է 105 հանդիպում և դարձել 2 գոլի հեղինակ։ 2010 թվականի հունվարի 6-ին Կիևոյի դեմ խաղում գլխի ծանր վնասվածք ստացավ՝ Կիևոյի հարձակվող Սերժո Պելլիսսեի հետ օդային պայքարում։ Խաղից անմիջապես հետո Կիվուն հոսպիտալացվեց և Վերոնայի հիվանդանոցում նրա հաջող վիրահատեցին։ Այդ վնասվացքից հետո Կիվուն ստիպված է խաղալ հատուկ պաշտպանից սաղավարտով։ Իր վերջին հանդիպումը Ինտերի կազմում Կիվուն անցկացրեց 2013 թվականի մայիսի 5-ին։ 2014 թվականի հունվարի վերջին Կիվուն որոշեց ավարտել կարիերան։ Նրա խոսքերով իր որոշման հիմնական պատճառը առողջությունն է։[1]Մարտի 31-ին Կիվուն խզեց պայմանագիրը Ինտերի հետ, որից հետո հայտարարեց կարիերան ավարտելու մասին լուրը։[2].

Միջազգային[խմբագրել]

Ռումինիայի ազգային հավաքականի կազմում Կիվուն իր նորամուտը նշել է 1999 թվականին Կիպրոսի հավաքականի դեմ խաղում։ Այդ ժամանակվանից դարձել է հավաքականի առաջատարներից մեկը։ 2011 թվականի մայիսին Կիվուն հայտարարեց, որ ավարտում է ելույթները հավաքականի կազմում։ Նրա վերջին խաղը Ռումինիայի կազմում տեղի է ունեցել 2010 թվականի նոյեմբերի 17-ին՝ Իտալիայի դեմ (1։1)։

Ծանոթագրություններ[խմբագրել]