Քվինտոս Զմյուռնիացի

Վիքիպեդիայից՝ ազատ հանրագիտարանից

Քվինտոս Զմյուռնիացի (հին հուն.՝ Κόϊντος Σμυρναῖος , լատ.՝ Quintus Smyrnaeus; հայտնի է նաև որպես Քվինտոս Կալաբրիաց, լատ.՝ Quintus Calaber), հին հույն պոետ, հավանաբար ապրել և ստեղծագործել է IV դարում։ 14 գրքից բաղկացած «Հոմերոսից հետո» (լատ.՝ Posthomerica, հին հուն.՝ «Τὰ μετὰ τὸν Ὅμηρον», «Τὰ μεθ᾽ Ὅμηρον» ) դյուցազնավեպի հեղինակ, որտեղ ներկայացված է Տրոյական պատերազմի պատմությունը «Իլիական»-ում շարադրված դեպքերից հետո։ Պոեմը, իր որակով զիջելով Հոմերոսի ստեղծագործություններին, այնուամենայնիվ զուրկ չէ որոշ գեղարվեստական արժանիքներից։