Քըրք Քըրքորյան

Վիքիպեդիայից՝ ազատ հանրագիտարանից
Քըրք Քըրքորյան
Անունը Քըրք Քըրքորյան
Ծնվել է հունիսի 6, 1917
Ծննդավայր Ֆրեզնո, ԱՄՆ
Քաղաքացիություն ԱՄՆ
Ազգություն հայ
Կրոն քրիստոնյա
Երեխաներ Թրեյսի
Լինդա

Քըրք Քըրքորյան (Գրիգորյան Գրիգոր Ահարոնի) (հունիսի 6, 1917, Ֆրեզնո). ամերիկահայ միլիարդատեր, գործարար, բարերար. «Տրասինդա Քորփորեյշնի» գործադիր տնօրեն։ Ծնվել է 1917 թ.։ Սերում է 1890-ին Խարբերդից Ֆրեզնո գաղթած Ահարոն Գրիգորյանի ընտանիքից։ Համաձայն ամերիկյան հեղինակավոր ՖՈՐԲՍ ըկերության 2007 թվականին նրա կարողությունը հասնում էր 15 միլլիարդ ամերիկյան դոլլարի, բացի այդ նա համարվում է Լաս Վեգասի հայրը։ 2004 թվականին հայրենիքին մատուցած բացառիկ ծառայությունների համար շնորհվել է Հայասատանի Հանրապետության բարձրագույն կոչում Հայաստանի ազգային հերոս։

Կենսագրություն[խմբագրել]

Մինչև 1935-ը կատարել է զանազան աշխատանքներ, եղել է պրոֆեսիոնալ բռնցքամարտիկ։ Այնուհետև սովորել է օդաչուական դպրոցում, դարձել օդաչու-հրահանգիչ։ Որպես ռազմաօդային ուժերի օդաչու մասնակցել է Երկրորդ համաշխարհային պատերազմին, որի ավարտից հետո զբաղվել է օդանավերի բաժնեթղթերի առևտրով (1947-ին գնել է «Los Angeles Air Service» փոքրիկ չարտերային ավիաընկերությունը), ինչպես նաև հյուրանոցային բիզնեսով։ Կառուցել է Լաս Վեգասի «Ֆլամենգո», «Էմ Ջի Գրանդ» և այլ խոշոր հյուրանոցներ։ 1968-ից զբաղվել է կինոգործունեությամբ, «Մետրո Գոլդվին Մայեր» (մասնաճյուղերով) և «Յունայթեդ Արտիստս» կինոստուդիաների, «Էմ Ջի Էմ Միրաժ» կորպորացիայի հիմնադիր փայատերն է։ Եղել է «Քրայսլեր Քորփորեյշնի» փայատերը։

Սպիտակի երկրաշարժից հետո և շրջափակման տարիներին մեծապես օգնել է Հայաստանին ու Արցախին։ Քըրքորյանի հիմնադրած «Լինսի» հիմնադրամը 2001-ից ի վեր 151 մլն դոլար է տրամադրել Հայաստանին՝ ճանապարհների վերակառուցման, մշակութային հաստատությունների վերանորոգման, աղետի գոտու բնակարանաշինարարության, իսկ 21 մլն դոլար՝ Հայաստանում փոքր և միջին ձեռներեցության զարգացման համար։

Կրթություն Ձեռքբերումներ[խմբագրել]
  • Սովորել է օդաչուական դպրոցում օդաչու-հրահանգիչ մասնագիտությամբ:
  • 2004թ.՝ Հայաստանի ազգային հերոս:
  • ՀՀ «Հայրենիք» շքանշան:
Գործունեություն[խմբագրել]
  • Մինչև 1935թ. կատարել է զանազան աշխատանքներ, եղել է պրոֆեսիոնալ բռնցքամարտիկ:
  • Երկրորդ համաշխարհային պատերազմից հետո զբաղվել է օդանավերի, բաժնեթղթերի առևտրով, հյուրանոցային բիզնեսով:
  • Կառուցել է Լաս Վեգասի «Ֆլամենգո», «Էմ Ջի Էմ Գրանդ» և այլ խոշոր հյուրանոցներ:
  • «Քրայսլեր» կորպորացիայի և «Էմ Ջի Էմ Միրաժ» կորպորացիայի (ընդգրկում է 15 խոշորագույն հյուրանոց-խաղատներ Նևադա, Միսիսիպի և Միչիգան նահանգներում) հիմնական փայատեր է:
  • 1968թ.-ից զբաղվել է կինոգործով:
  • Մինչև 2005թ. եղել է «Մետրո Գոլդուին Մայեր» (մասնաճյուղերով) և «Յունայթեդ Արտիստս» կինոստուսիաների հիմնական փայատերը:
Անձնական կյանք[խմբագրել]
  • 1939-1945թթ. մասնակցել է Երկրորդ համաշխարհային պատերազմին:
  • 1943թ. ամուսնացել է մասնագիտությամբ ատամնաբույժ Հիլդա Սմիթի հետ, ապա բաժանվել 9 տարի անց:
  • 1955-ին ամուսնացել է նախկին պարուհի Ջին Մարի Հարդիի հետ։ Այդ ամուսնությունից Քըրքորյանը ունեցել է մեկ դուստր՝ Թրեյսին և որդեգրել է ևս մեկին՝ Լինդային: 29 տարի անց Քըրքորյանը կրկին ամուսնալուծվել է:
  • Սպիտակի երկրաշարժից հետո և շրջափակման տարիներին մեծապես օգնել է Հայաստանին և Արցախին:
  • Քըրքորյանի հիմնադրած «Լինսի» հիմնադրամը 2001թ.-ից 210 մլն դոլար է տրամադրել Հայաստանին՝ ճանապարհների վերակառուցման, մշակութային հաստատությունների նորոգման, աղետի գոտու բնակարանաշինության, 20 մլն դոլար՝ Հայաստանում փոքր և միջին ձեռներեցության զարգացման համար:
  • 1998թ. և 2005թ. Քըրքորյանն այցելել է Հայաստան:

Արտաքին հղումներ[խմբագրել]

Հրապարակումներ

Տեսանյութեր