Փոլ Չաթեր

Վիքիպեդիայից՝ ազատ հանրագիտարանից
Փոլ Չաթեր
Paul Chater
Sir Catchick Paul Chater.jpg
Ծնվել է սեպտեմբերի 8, 1846({{padleft:1846|4|0}}-{{padleft:9|2|0}}-{{padleft:8|2|0}})
Ծննդավայր Կալկաթա
Մահացել է մայիսի 27, 1926({{padleft:1926|4|0}}-{{padleft:5|2|0}}-{{padleft:27|2|0}}) (79 տարեկանում)
Մահվան վայր Բրիտանական Հոնկոնգ
Քաղաքացիություն Հնդկաստան
Flag of Armenia.svg Հայաստան
Կրոն Հայ Առաքելական Եկեղեցի
Պարգևներ և
մրցանակներ՝
Սուրբ Միքաելի և Սուրբ Քևորգի շքանշանի ասպետ

Փոլ Չաթեր (հայկական անունը` Պողոս Խաչիկ Աստվածատրյան, 1846, Կալկաթա - 1926, Հոնկոնգ), հայազգի պետական-հասարակական գործիչ, մեծահարուստ։

Ծնվել է Կալկաթայում։ 1859-ին քրոջ հետ հաստատվել է Հոնկոնգում, շուտով դառնալով ոչ միայն տեղի հայ համայնքի, այլև ողջ Հոնկոնգ կղզու ամենանշանավոր դեմքը։ Հասել է Հոնկոնգի «ամենանշանավոր, ամենազդեցիկ, ամենահարուստ մարդու աստիճանին», դարձել «թիվ առաջին քաղաքացին»։

1876-1926-ին ղեկավարել է Հոնկոնգի հաշտարար դատարանը, 40 տարի եղել է Հոնկոնգի գեներալ-նահանգապետի առաջին խորհրդականը, Հոնկոնգի գործադիր և օրենսդիր խորհուրդների անդամ։

Նրա օժանդակությամբ կառուցվել են Հոնկոնգի համալսարանը, դպրոցներ, հիվանդանոցներ, բնակելի տներ, Հոնկոնգի նավահանգիստը։ Որպես Հոնկոնգի ներկայացուցիչ, բազմիցս մասնակցել է միջազգային միջոցառումների։ Եղել է նաև ազգային խոշոր բարերար, նյութական օգնություն է ցույց տվել հնդկահայ եկեղեցիներին և դպրոցներին, Էջմիածնին, հետաքրքրվել է Հայաստանով։

1902-ին նրան շնորհվել է Սըր տիտղոսը։ Տիրել է խոշոր բանկերի, հողատարածությունների, առևտրական նավատորմի։

Մահացել է Հոնկոնգում։ Մահից հետո նրա մարմարե պալատը վերածվել է թանգարանի, որտեղ պահվել են չինական, հնդկական, մալայական արվեստի մեծարժեք գործեր։ Նրան համարել են «ամենաբարի ու շռայլ մարդը Չինաստանում»։ Հոնկոնգի երկու կենտրոնական փողոցներ կրում են «Սըր Փոլ Չաթեր» և «Աստվածատրյան» անվանումները։ [1]

Աղբյուրներ[խմբագրել]

  1. Արծվի Բախչինյան, Ծագումով հայ են, Ե., «Ապոլոն», 1993, էջ 233։