Փոլ Լեվեսք

Վիքիպեդիայից՝ ազատ հանրագիտարանից
Փոլ Լեվեսք
Paul Levesque

Թրիփլ Էյչը որպես անվիճարկելի WWE չեմպիոն
Ռինգային անուն(ներ) Թրիփլ Էյչ

Հանթեր Հիրստ Հելմսլի
Ժան Պոլ Լավեսք
Տերա Ռիզին
Ընդհանուր տեղեկություններ
Իրական քաշ 116 կգ
Իրական հասակ 193 սմ
Ծննդյան թվական հուլիսի 27, 1969 (1969-07-27) (44 տարեկան)
Ծննդավայր Ամերիկայի Միացյալ Նահանգներ Նաշուա, Հիլսբորու շրջան, Նևադա, ԱՄՆ
Ապրելավայր Ամերիկայի Միացյալ Նահանգներ Գրինվիչ, Կոնեկտիկուտ, ԱՄՆ
Մարզիչ Կիլլեր Կովալսկի
Դեբյուտ Մարտի 24, 1992 թ.

Փոլ Մայքլ Լեվեսք (անգլ.` Paul Michael Levesque, ծնվ.` հուլիսի 27, 1969թ.), ամերիկացի պրոֆեսիոնալ ըմբշամարտիկ, պրոֆեսիոնալ ըմբշամարտի հեղինակություն, WWE ընկերության մարզիկների բաժնի գործադիր փոխնախագահ և կինոդերասան։ Տվյալ ժամանակում հանդես է գալիս WWE ընկերությունում` Թրիփլ Էյչ ռինգային անվամբ (անգլ.` Triple H - եռակի էյչ, որը բխում է նախկին ռինգային անվան` Hunter Hearst Helmsley-ի սկզբնատառերից), սակայն կիսով չափ է միայն ակտիվ։ Լեվեսքն ինքն է տնօրինում իր «Թրիփլ Էյչ» կերպարի սցենարային զարգացումները։[1]

Լեվեսքն սկսում է ըմբշամարտիկի կարիերան մի փոքր կազմակերպությունում, որտեղ նրա ռինգային անունն էր Տերա Ռիզին։ 1994թ.-ին պայմանագիր է կնքում World Championship Wrestling (WCW) այժմ այլևս չգործող կազմակերպության հետ, որտեղ հանդես է գալիս Ժան Պոլ Լավեսք անվամբ։ Վերջինս իրենից ներկայացնում էր ֆրանսա-կանադացի մի արիստոկրատի կերպար, և հենց նմանատիպ կերպար էր նաև Հանթեր Հիրստ Հելմսլին, որը Լեվեսքն օգտագործեց Ռեստլինգի համաշխարհային ֆեդերացիայում (այժմյան WWE-ն) հանդես գալու վաղ տարիներին։ Դրանից հետո նա փոխում է ռինգային անունը Թրիփլ Էյչի և ձևավորում D-Generation X (այլ կերպ` DX) կոչվող խմբակցությունը, որի լուծարումից հետո սցենարիստների որոշմամբ դառնում է արդեն առաջին պլանի ըմբշամարտիկ։ Այդ ժամանակահատվածում Լեվեսքի Թրիփլ Էյչ կերպարը ըստ սցենարի ամուսնանում է «WWE»-ի նախագահ Վինս Մաքմահոնի դստեր` Ստեֆանի Մաքմահոնի հետ, ինչը հետագայում վերածվում է իրական ամուսնության, և Լեվեսքն ու Մաքմահոնը դառնում են իրական ամուսիններ։

Ընդհանուր առմամբ Լեվեսքը WWE-ում հաղթել է 23 չեմպիոնական տիտղոս, ընդ որում 13 անգամ դարձել է ծանրքաշային չեմպիոն` հաղթելով WWE/WWF չեմպիոնատը 8 անգամ և աշխարհի ծանրքաշային չեմպիոնատը` 5 անգամ։ Ինչպես նաև` հաղթել է 1997թ.-ի «Ռինգի արքա» և 2002թ.-ի «Թագավորական կռիվ» մրցումները։

Արտաքին հղումներ[խմբագրել]

Wikiquote-logo-en.svg
Վիքիքաղվածքն ունի քաղվածքների հավաքածու, որոնք վերաբերում են՝

Ծանոթագրություններ[խմբագրել]

  1. "Հանթեր Հիրստ Հելմսլի". wrestlerautographs.com. Վերցված է փետրվարի 1, 2012թ.