Փայլածո Կապտանյան
| Փայլածո Կապտանյան | |
|---|---|
| Ազգություն | Հայ |
| Մասնագիտություն | գրող |
Փայլածո Կապտանյան, Հայոց ցեղասպանությունը վերապրած հայուհի, գրող։
1915 թ. Հայոց ցեղասպանության ընթացքում Փայլածոն, լինելով հղի, բռնի տեղահանվել է ու, քայլելով անցնելով Սիրիական անապատով՝ հասել մինչև Հալեպ։
Ցեղասպանությունից հետո նա ֆրանսերենով գրել է իր հիշողությունները՝ վերնագրելով «Արտաքսվածի հուշեր» ("Memoires d'une deportee")։ 1919 թվականին այդ հիշողությունները հրատարակվել են. մեծ նշանակություն ունեն թուրքերի իրականացրած եղեռնի ուսումնասիրության հարցում, քանզի գրվել են իրադարձություններիից շատ կարճ ժամանակ անց[1] ։
1919 թվականին Փայլածո Կապտանյանը հանդիպել է իր երկու որդիներին, որոնց արտաքսումից առաջ թողել էր մի հույն ընտանիքի խնամքին։ Նրանք տեղափոխվել են ԱՄՆ, որտեղ Փայլածոն աշխատելմ է որպես դերձակ՝ կար անելով ԱՄՆ նախագահ Ֆրանկլին Ռուզվելտի տան համար։
Երկրորդ համաշխարհային պատերազմից հետո Կապտանյանների ընտանիքը տեղափոխվել է Սան Ֆրանցիսկո, որտեղ Փայլածո Կապտանյանը սենյակ է վարձել Լուիս ու Թոմ Դեդոմենիկոների տանը։ Փայլածոն Լուիսին սովորեցրել է հայկական փլավ եփել, ինչի հիման վրա 1955 թվականին Լուիսն իր եղբոր՝ Վինսենտի հետ սկսում են արտադրել Rice-A-Roni ապրանքատեսակը[2] ։
Ծանոթագրություններ[խմբագրել | խմբագրել կոդը]
- ↑ What you see before your eyes: documenting Raphael Lemkin's life by exploring his archival Papers, 1900–1959 Արխիվացված 2007-06-10 Wayback Machine - Journal of Genocide Research, 2005
- ↑ Birth Of Rice-A-Roni: The Armenian-Italian Treat - National Public Radio, 2008
Գրականություն[խմբագրել | խմբագրել կոդը]
- Birth Of Rice-A-Roni: The Armenian-Italian Treat
- Captanian, Payladzo A. "Memoires d'une deportee" (Paris։ M. Flinikowski, Editor, 1919)
| ||||||
