Ցելեբես Սուլավեսի

Վիքիպեդիայից՝ ազատ հանրագիտարանից
Սուլավեսի

Սուլավեսի (Sulawesi), Ցելեբես (Celebes), կղզի Մալայան արշիպելագում, Ինդոնեզիայի տարածքում։ Տարածությունը 170 հզ․ կմ2 է, բնակչությունը 4 10,4 մլն (1980)։ Կազմված է գրանիտներից, գնեյսներից, մեզոզոյան կրաքարերից, նստվածքային և հրաբխային ապարներից։ Ափերը առավելապես զառիթափ են, նրանց երկարությամբ տեղ-տեղ զարգացած են կորալային խութերը։ Գերակշռում են լեռները, կան գործող հրաբուխներ։ Հաճախակի են երկրաշարժերը։ Կլիման մերձհասարակածային է, մուսսոնային, հյուսիսում՝ հասարակածային։ Գետերը կարճ են, արագահոս։ Շատ կան լճեր: Տարածված են հասարակածային անտառները, թփուտային մացառուտներն ու սավաննաները։ Կենդանական աշխարհը բնութագրվում է հնդկա-մալայական և ավստրալիական տեսակների բարդ համակցությամբ և էնդեմիկների մասնակցությամբ։ Օգտակար հանածոներից կան նիկել, երկաթ, թանկարժեք մետաղներ։ Հիմնական նավահանգիստներն են Ուջունգպանդանգը, Մանադոն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png