Տիտոս Անդրոնիկոս
Վիքիպեդիայից՝ ազատ հանրագիտարանից
«Տիտոս Անդրոնիկոս» (անգլերեն՝ Titus Andronicus, ամբողջությամբ՝ «Ողբագույն հռոմեական ողբերգություն Տիտոս Անդրոնիկոսի մասին», անգլերեն՝ The Most Lamentable Romaine Tragedie of Titus Andronicus), Վիլյամ Շեքսպիրի ողբերգություն: Համարվում է նրա վաղ շրջանի գործերից մեկը, անգամ ողբերգության ժանրում գրված առաջին ստեղծագործությունը: Սյուժեի գլխավոր առանցքը իրականում գոյություն չունեցող հռոմեական զորավար Տիտոս Անդրոնիկոսի և գոթերի թագուհի Թամարայի միջև հակամարտությունն է, երկրորդի խարդավանքները և Տիտոսի վրեժը: «Տիտոսը» Շեքսպիրի ամենաարյունալի պիեսներից մեկն է: Ըստ ռուս շեքսիրագետ Անիկստի՝ «տասնչորս սպանություններ, երեսունչորս դիակ, երեք կտրած ձեռք, կտրած լեզուն՝ սա է այս ողբերգությունը լցնող սարսափների գույքագրումը»[1]:
