Տիտանների գրոհը

Վիքիպեդիայից՝ ազատ հանրագիտարանից
Տիտանների գրոհը
進撃の巨人
Ֆիլմի պոստերը
Ժանր մութ ֆենտեզի, ֆանտաստիկ, սարսափ, դրամա, հետ-ապոկալիպտիկ[1]
Երկիր Ճապոնիա Ճապոնիա
Պրեմիերա Սեպտեմբերի 9, 2009թ
Լեզու ճապոներեն
Ընկերություն Wit Studio
description

Տիտանների գրոհը (ճապ.՝ 進撃の巨人 Shingeki no Kyojin), Հաջիմե Իսայամայի գրած ճապոնական մանգա սերիաների շարք է, որի հիման վրա նկարվել է անիմե-ադապտացիան։ Մանգան լույս է տեսել «Kodansha» հրատարակչության Bessatsu Shōnen ամսագրում 2009 թ.-ի սեպտեմբերի 9-ին։
Գործողությունները տեղի են ունենում հորինված աշխարհում, որը նման է XIX-րդ դարի Եվրոպային։ Ամբողջ մարդկությունը գոյատևում է մի քաղաքում, որը շրջապատված է հսկայական պատերով։ Պատերը կառուցվել են, որպեսզի մարդիկ պաշտպանվեն տիտաններից` հսկայական մարդակերպ էակներից, որ կարծես թե աննպատակ ուտում են մարդկանց։ Պատմությունը գլխավոր հերոսի` Էրեն Յեգերի, իր որդեգրյալ քրոջ` Միկասա Աքերմանի և նրանց ընկերոջ` Արմին Արլերթի մասին է, որոնց կյանքը փոխվում է, երբ Հսկա տիտանը (անգլ.՝ Colossus Titan) հարձակվում է և քանդում պատերի երրորդ շարքը, որի պատճառով էլ քաղաք են ներխուժում մարդակեր տիտանները։ Քաղաքում քաոս է տիրում և հենց այդ ժամանակ էլ տիտաններից մեկը ուտում է Էրենի մորը, թողնելով երեխաներին որբ։ Ցանկանալով վրեժխնդիր լինել տիտաններից Էրենը, Միկասան և Արմինը զինվորագրվում են բանակ և միանում Հետախույզների լեգեոնին` հատուկ զինվորների խմբին, որը պայքարում են տիտանների դեմ` քաղաքի պատերից դուրս։
Լայթ-նովելների շարքը սկսել էր թողարկվել 2011թ.-ի դեկտեմբերին և ստացել էր մանգա-ադապտացիա։ Երկու հավելյալ մանգա սերիաներ և անիմե-ադապտացիան արտադրվել են Wit Studio-ի և Production I.G-ի կողմից և ցուցադրվել ճապոնական հեռուստատեսությամբ 2013թ.-ի ապրիլից մինչև սեպտեմբեր։ Nitroplus ընկերության և Production I.G-ի համատեղ աշխատանքի շնորհիվ պատրաստված չորս խաղերի ադապտացիան հայտարարված էր, որ թողարկվելու էր, որպես հավելյալ, բոնուսային բովանդակություն` անիմեի երրորդ և վեցերորդ Blu-ray հատորների համար մի այլ խաղի հետ միասին, որը ստեղծել էր Spike Chunsoft ընկերությունը` Nintendo 3DS-ի համար։ Անիմեի հիման վրա նաև նկարահանվում է ֆիլմ-ադապտացիան, որի պրեմիերան լինելու է 2015թ.-ին։[2]

Նկարագիրը[խմբագրել]

Նախաբան[խմբագրել]

Պատմության սկզբից ավելի քան հարյուր տարի առաջ, հսկա, մարդակերպ արարածները` տիտանները (ճապ.՝ 巨人 Kyojin) հանկարծակի հայտնվել էին և առանց պատճառի, գրեթե ամբողջությամբ ոչնչացրել մարդկանց։ Այն ամենը, որ մնացել էր մարդկությունից, պատսպարվում էր քաղաքում, որը շրջապատված էր երեք պատերի շարքով` Մարիայի Պատը (ճապ.՝ ウォール・マリア Wōru Maria, արտաքին պատ), Ռոզայի Պատը (ճապ.՝ ウォール・ローゼ Wōru Rōze, միջին պատ), Սինայի Պատը (ճապ.՝ ウォール・シーナ Wōru Shīna, ներքին պատ)։ Մարդկությունը պատերի ներսում հարյուր տարի խաղաղության մեջ էր ապրել։ Կային մարդիկ, ովքեր տիտաններին ծնված օրվանից չէին տեսել։ Այս ամենը փոխվում է մի ակնթարթում։ Էրենի ծննդավայրի` Շիգանշինա թաղամասի վրա, որը միացած էր Մարիայի պատին, հարձակվում է 60 մետրանոց Հսկա Տիտանը։ Հարվածելով արտաքին պատին նա անցք է բացում պատի մեջ, թույլ տալով համեմատ ավելի փոքր, սակայն ոչ պակաս վտանգավոր տիտաններին ներխուժել քաղաք։ Տիտանները սպանում են շատերին և շուտով հայտնվում է երկրորդ տիտանը` Զրահապատ Տիտանը (անգլ.՝ Armored Titan) և անցք է բացում Մարիայի պատի մեջ։ Մարդիկ ստիպված են լինում թողնել իրենց տները և փախչել ներքին շրջաններ։ Բնակչության հանկարծակի ներհոսքը առաջացնում խառնաշփոթ և սով։
Տիտանները հսկա, հիմնականում մկանոտ կազմվածքով և մերկ մարդակերպ արարածներ են, սակայն առանց սեռական օրգանների։ Նրանց բարձրությունը տատանվում է 3-ից 15 մետրի միջև, բացառությամբ Հսկա (անգլ.՝ Colossus Titan) տիտանի։ Տիտանները բնազդաբար հարձակվում և սպանում են ցանկացած մարդու, որ հայտնվում է նրանց տեսադաշտում։ Չնայած այս վարքագծին, նրանք ըստ երևույթի չունեն սննդի կարիք, քանի որ 100 տարի ապրել են` առանց մարդկանցով սնվելու։ Նրանք իրենց մարմնի էներգիայի մեծ մասը ստանում են արևից և մութ վայրերում պասիվ են։ Նրանց մաշկը կոշտ է և այն գրեթե անհնար է ծակել կամ կտրել։ Տիտանների միակ, հայտնի թուլությունը նրանց վզակոթն է (վզի ետևի մասը) և այն ճիշտ խորությամբ կտրելու դեպքում, սպանում է տիտանին։ Այս ինֆորմացիան տանում է մի նոր սարքավորման ստեղծման, որը կոչվում է Ուղղահայաց Մանևրելու Սարքավորում (անգլ.՝ Vertical Maneuvering Equipment, ճապ.՝ 立体機動装置 Rittai Kidō Sōchi)։ Հատուկ մարզված մարդկանց այն հնարավորություն է տալիս շարժվել եռաչափ տարածության մեջ։ թեև այն հմուտ օգտագործողին ավելի մեծ շարժունակության հնարավորություն է տալիս, այն կարող է նաև մկանային լարվածություն առաջացնել։ Այդ պատճառով այն պահանջում է լավ ֆիզիկական պատրաստություն և ճարպկություն։

Սյուժե[խմբագրել]

Տիտանների գրոհը անիմեի պատմությունը Էրեն Յեգերի, իր որդեգրյալ քրոջ` Միկասա Աքերմանի և նրանց ընկերոջ` Արմին Արլերթի արկածների մասին է։ Երբ Հսկա Տիտանը և Զրահապատ Տիտանը քանդում են Էրենի ծննդավայրը շրջափակող պատը, ապա քաղաք են ներխուժում տիտանները և աջ ու ձախ մարդկանց սպանում, այդ թվում նաև Էրենի մորը։ Մարդիկ ստիպված են լինում փախչել ներքին շրջաններ։ Երբ էրենը, Միկասան և Արմինը էվակուացվում են ավելի ապահով վայր, Էրենը իր առաջ նպատակ է դնում և խոստանում սպանել բոլոր տիտաններին և հետո իր ընկերների հետ միասին բանակ զինվորագրվում։ Քրտնաջան մարզումների շնորհիվ նրանք երեքով զինագրվում են Հետախույզների լեգեոն, որի շնորհիվ նրանք կկարողանային կռվել տիտանների դեմ` պատերից դուրս։ Զորացրվելուց հետո, նրանք երեքով դիրքավորվում են Թրոսթի շրջանում, որը միանում է Մարիայի պատին։ Համենայն դեպս, նրանց զարմացնում է Հսկա Տիտանի ներկայանալը, որը ներխուժում է քաղաք, ինչպես որ հինգ տարի առաջ։
Տիտանների հետ ճակատամարտում, Էրենը պատահմամբ բացահայտում է իր` սեփական կամքով տիտան դառնալու ունակության մասին։ Թեև նա մարդկանց կարծիքով վտանգավոր է մարդկության համար, շատերը` այդ թվում նաև Հետախույզների լեգեոնից, կարծում են, որ նա մարդկության միակ հույսն է։ Էրենի հաստատակամ վճռականության և տիտաններին հեշտությամբ սպանելու ունակության շնորհիվ, նա գտնում է իր տեղը և Միկասայի ու Արմինի հետ միասին ընդունվում է Հետախույզների լեգեոն։ Նոր տիտանների ի հայտ գալը և հասարակության հնարավոր վերջի սպառնալիքը ստիպում են Էրենին և իր ուղեկիցներին հուսահատ պայքարի մեջ մտնել ընդդեմ տիտանների, որպեսզի պաշտպանեն մարդկությունը և բացահայտեն տիտանների, պատերի և Էրենի գաղտնիքները։

Արտադրությունը[խմբագրել]

Հաջիմե Իսայաման 2006թ.-ին գրում է Տիտանների գրոհի միօրինակ, 65 էջանոց տարբերակը։[3] Մինչև հրապարակումը նա արդեն մտածել էր սցենարի շրջադարձների մասին, որոնք արդեն անիմեի ցուցադրման ժամանակ հետզհետե զարգանում էին: Ինտերնետային սրճարանում աշխատելու ժամանակ, Իսայաման վեճի էր բռնվել մի հաճախորդի հետ, որը իր օձիքից էր բռնել: Հենց այդ միջադեպն էլ ցույց տվեց նրան` «վախը հանդիպել այն մարդուն, որի հետ չես կարողանա շփվել»: Սա էլ հանդիսանում է այն զգացումը, որը նա փոխանցում տիտանների միջոցով:[4] Հերոսների տեսքը գծանկարելուց նա օգտագործել է մի քանի մոդելներ ինչպես օրինակ մարտարվեստի վարպետ Յուշին Օկամին` Տիտան Էրենի տեսքի համար[5] և Բրոկ Լեսնարին`թ Զրահապատ Տիտանի տեսքի համար[6]: Զորջ Վադան` անիմեի պրոդյուսերը հայտարարել է, որ «Վախի Պատը» (անգլ.՝ "Wall of Fear") ստեղծելու միտքը եկել է մեկուսացված Ճապոնական մշակույթից[7]: Նա նաև ասել է, որ հերոսների ներքին զգացումների վառ արտահայտումը անիմեի ազդեցիկ լինելու պատճառներից մեկն է:[7]
Իսայաման դասակարգել է իր ամսական ժամանակացույցը, որպես մեկ շաբաթ կադրավորում և երկու շաբաթ գլխի նկարելը: Պատմությունը նախատեսվել է նախօրոք, նույնիսկ նշել են, թե որ գլխում ինչ բացահայտում է լինելու:[5] 2013թ.-ի Սեպտեմբերին նա հրապարակել էր, որ պատրաստվում է ավարտել շարքը 20 հատորներով:[8] Սկզբից Իսայաման որոշել էր շարքին ողբերգական ավարտ տալ, ինչպես Սթիվեն Քինգի The Mist ֆիլմում, որտեղ բոլոր հերոսները մահանում են: Սակայն անիմեի և մանգայի ճանաչում ձեռք բերելը ստիպում են նրան փոխել իր որոշումը և տալ շարքին այնպիսին ավարտ, որը հուսախաբ չէր անի շարքի սիրահարներին:[9][10]

Մեդիա[խմբագրել]

Մանգա[խմբագրել]

Գրված և նկարազարդված Հաջիմե Իսայամայի կողմից, «Տիտանների Գորհը» մանգան սկսվեց հրապարակվել «Kodansha» հրատարակչության Bessatsu Shōnen ամսագրում` սկսած 2009 թ.-ից։ Մանգայի գլուխները հավաքված են տանքոբոններում և հրապարակվում են Kodansha-յի կողմից 2010 թ.-ի մարտի 17-ից սկսած: Մինչև 2014 թ.-ի օգոստոսի 8-ը թողարկվել է 14 հատոր: 2014 թ.-ի հուլիսի տվյալներով մանգան ունի 40 միլիոն օրինակ տպագրության մեջ: Մանգայի 12-րդ հատորը տպագրվել է 2.2 միլիոն օրինակով, որի շնորհիվ էլ Տիտանների գրոհը մանգան դարձել է երբևէ տպագրված երկու մանգաններից մեկը, որի սկզբնական տպագրված տարբերակը ունեցել է 2 միլիոնից ավել օրինակ: Մյուս մանգան Վան Փիսն է:


== Ծանոթագրություններ

  1. Thompson, Jason (November 14, 2013)։ «House of 1000 Manga: Crunchyroll Manga»։ Anime News Network։ https://www.animenewsnetwork.com/house-of-1000-manga/2013-11-14։ Վերցված է May 15, 2014։ 
  2. «SFX Director Shinji Higuchi to Helm Live-Action Attack on Titan Film»։ Anime News Network։ 2013-12-03։ http://www.animenewsnetwork.com/news/2013-12-03/sfx-director-shinji-higuchi-to-helm-live-action-attack-on-titan-film։ Վերցված է 2013-12-04։ 
  3. «1st Attack on Titan Blu-ray/DVD to Bundle Manga 'Prototype'»։ Anime News Network։ 2013-05-07։ http://www.animenewsnetwork.com/news/2013-05-07/1st-attack-of-titan-blu-ray/dvd-to-bundle-manga-prototype։ Վերցված է 2013-11-02։ 
  4. «'Attack on Titan' author expresses fears through popular boys' manga»։ Asahi Shimbun։ 2013-07-20։ http://ajw.asahi.com/article/behind_news/people/AJ201307200007։ Վերցված է 2013-11-01։ 
  5. 5,0 5,1 «Interview with Attack on Titan Creator Hajime Isayama»։ MTV։ http://geek-news.mtv.com/2012/06/14/attack-on-titan-creator-hajime-isayama-interview/։ Վերցված է July 25, 2013։ 
  6. Isayama, Hajime (2013-04-17)։ «アクセス数がすごい!»։ Blog.livedoor.jp։ http://blog.livedoor.jp/isayamahazime/archives/7834288.html։ Վերցված է 2013-05-19։ 
  7. 7,0 7,1 «Interview: George Wada, Producer of Attack on Titan»։ Anime News Network։ July 23, 2013։ http://www.animenewsnetwork.com/interview/2013-07-23/interview-george-wada-producer-of-attack-on-titan։ Վերցված է July 25, 2013։ 
  8. «Attack on Titan Creator Aims to End Manga in 20 Volumes»։ Anime News Network։ 2013-09-25։ http://www.animenewsnetwork.com/news/2013-09-25/attack-on-titan-creator-aims-to-end-manga-in-20-volumes։ Վերցված է 2013-10-29։ 
  9. «「進撃の巨人」の漫画家、諫山創インタビュー! トラウマという財産!? 人生観と漫画創作が濃密に交わる諫山創の視点とは?» (Japanese)։ White Screen։ December 4, 2013։ http://white-screen.jp/?p=32621։ Վերցված է December 7, 2013։ 
  10. «Attack on Titan Creator Considers Changing Ending»։ Anime News Network։ 2013-12-07։ http://www.animenewsnetwork.com/news/2013-12-07/attack-on-titan-creator-considers-changing-ending։ Վերցված է 2014-03-11։