Տիխոն Կիսելյով

Վիքիպեդիայից՝ ազատ հանրագիտարանից
Տիխոն Կիսելյով
Ціхан Якаўлевіч Кісялёў
Տիխոն Կիսելյով
ԽՍՀՄ 4-9-րդ գումարումների Գերագույն խորհրդի պատգամավոր
 
Ծննդյան օր հուլիսի 30 [ օգոստոսի 12 ], 1917
Վախճանի օր հունվարի 11, 1983
Վախճանի վայր Մինսկ, Բելառուսական ԽՍՀ

Տիխոն Յակովլևիչ Կիսելյով (բելառուս.՝ Ціхан Якаўлевіч Кісялёў), (հուլիսի 30 (օգոստոսի 12), 1917 - հունվարի 11, 1983)), խորհրդային պետական և կուսակցական գործիչ, ԽՄԿԿ անդամ 1940 թվականից։ Ստացել է մանկավարժական բարձրագույն կրթություն։

1946 թվականին ավարտել է ՀամԿ(բ)Կ ԿԿ-ին կից բարձրագույն կուսակցական դպրոցը։ 1946-1952 թվականներին պատասխանատու աշխատանքներ է կատարել կուսակցության Բրեստի մարզկոմում, ապա ԲԿ (բ)Կ ԿԿ-ում։ 1952-1955 թվականներին եղել է կուսակցության Բրեստի մարզկոմի առաջին, 1955-1956 թվականներին՝ Բելառուսի կոմկուսի ԿԿ քարտուղար, 1956-1959 թվականներին՝ երկրորդ քարտուղար։ 1958-1962 թվականներին՝ ԽՍՀՄ Գերագույն խորհրդի Ազգությունների խորհրդի նախագահի տեղակալ։

1959 թվականից ԲԽՍՄ Նախարարների խորհրդի նախագահն էր։ ԽՄԿԿ 22-25-րդ համագումարներում ընտրվել է ԽՄԿԿ ԿԿ անդամ։ ԽՍՀՄ 4-9-րդ գումարումների Գերագույն խորհրդի պատգամավոր է։ Պարգևատրվել է Լենինի երկու և «Պատվո նշան» շքանշաններով։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png