Տիզբոն
Վիքիպեդիայից՝ ազատ հանրագիտարանից
Տիզբոն (պարսկ.՝ تیسفون, արաբ.՝ قطسيفون, հունահռոմեական աղբյուրներում հիշատակվում է որպես Կտեսիփոն (Κτησιφῶν), ինչը անվան աղավաղված ձևն է), պատմական քաղաք, տեղակայված է այժմյան Բաղդադից մոտ 15 կիլոմետր դեպի հարավ, Տիգրիսի ձախ ափին։ Մ. թ. ա. III դարից եղել է Պարթևստանի ռազմական հենակետ, ապա պարթևաց արքաների գահանիստ։ Հռոմեական Տրայանոս կայսեր ժամանակներից (115-ից) Տիզբոնը դարձել է Սասանյանների մայրաքաղաքը, հռչակվել իբրև հարուստ և խոշար քաղաք։ 637-ին Տիզբոնը գրավել ու ավերել են արաբները։ Տիզբոնում պահպանվել են Սասանյանների հոյակերտ պալատի ավերակները։ Բաղդադի հիմնադրումից (762) հետո Տիզբոնը վերջնականապես կորցրել է նշանակությունը։[1]
Հիշատակվում է 5-րդ դարի հայ պատմիչների կողմից։ Այժմ ավերակ է։
Գրականություն [խմբագրել]
- Пигулевская Н., Города Ирана в раннем средневековье, М.-Л., 1956.
- Кинжалов Р. В., Луконин В. Г., Памятники культуры сасанидского Ирана, Л., 1960.
Ծանոթագրություններ [խմբագրել]
- ↑ ՀՍՀ, հ. 12։
