Տեսսա Հոֆման

Տեսսա Հոֆման Tessa Hofmann
Ծնվել է	դեկտեմբերի 15, 1949(1949-12-15) (74 տարեկան) Բասսում, Diepholz, Ստորին Սաքսոնիա, Գերմանիայի Ֆեդերատիվ Հանրապետություն
Քաղաքացիություն	Գերմանիա
Մասնագիտություն	պատմաբան
Գիտական աստիճան	դոկտորի աստիճան
Տիրապետում է լեզուներին	գերմաներեն

Տեսսա Հոֆման (անգլ.՝ Tessa Hofmann, դեկտեմբերի 15, 1949(1949-12-15), Բասսում, Diepholz, Ստորին Սաքսոնիա, Գերմանիայի Ֆեդերատիվ Հանրապետություն), գերմանացի գիտնական։

Կենսագրություն

1969-1974 թվականներին սովորել է Արևմտյան Բեռլինի Ազատ համալսարանում, ուսումնասիրել սլավոնագիտություն, հայագիտություն և սոցիոլոգիա։

1974-1975 թվականներին ստաժավորվել է Սանկտ Պետերբուրգի, Երևանի, Թբիլիսիի համալսարաններում։ 1979 թվականից՝ «Սպառնալիքի տակ գտնվող ժողովուրդների պաշտպանության ընկերություն» միջազգային իրավապաշտպան կազմակերպության նախագահության անդամ է և համակարգիչ խմբի ղեկավար, որի շրջանակներում էլ հանդես է գալիս Թուրքիայի և միջազգային հանրության կողմից Օսմանյան կայսրությունում 1915 թվականի Հայոց Ցեղասպանության ճանաչման պահանջով։

1983 թվականին Լոզանում կայացած հայկական համաշխարհային 2-րդ կոնգրեսում կարդացել է «1923 թ. Լոզանի պայմանագիրը և նրա հետևանքները հայերի ներկայիս վիճակի համար» զեկուցումը։ 1983-ից Ազատ համալսարանի Արևելյան Եվրոպա ինստիտուտի (Բեռլին) գիտաշխատող էր, 1991 թվականից՝ ԱՊՀ և Ռուսաստանի (նախկին ԽՍՀՄ) գրականության (մատենագրության) փաստագրության կենտրոնի ղեկավար։

1984 թվականին ժողովուրդների մշտական ատյանի (Փարիզ) նիստում հանդես է եկել որպես փորձագետ՝ Գերմանական աղբյուրները և վկաների ցուցմունքները հայերի ցեղասպանության մասին զեկուցումով։ 1985 թվականին իր գործընկեր Ժ. Քոչարյանի հետ Բեռլինում հիմնել է Հայաստանի մասին լրատվության և փաստագրության կենտրոն։ 1987 թվականին մասնակցել է Վիեննայում կայացած «Թուրքիայի հանրապետության արտաքին քաղաքականությունը» թեմայով փորձագետների միջազգային կոնֆերանսի կազմակերպմանը։ Հոֆմանը ազգությամբ ոչ հայ գիտնականներից առաջինն էր, որ 1988 թվականին արժանացել է ՀԲԸՄ մրցանակին՝ Հայաստանի պատմության և մշակույթի հետազոտման գործում ունեցած վաստակի համար։ Հոֆմանը հեղինակ է հայ ժողովրդի նոր և նորագույն պատմության հարցերի վերաբերյալ ուսումնասիրությունների։

«Հայոց ցեղասպանության ճանաչման գործում նշանակալի ավանդ ներդրած անձանց մրցանակ շնորհելու մասին» ՀՀ Նախագահի հրամանագրով 2013 թ. մայիսի 29-ին Թեսսա ՀՈՖՄԱՆԻՆ մրցանակ է շնորհվել Հայոց ցեղասպանության հիմնահարցի ուսումնասիրության և այդ ոլորտում ծավալած ակտիվ հասարակական գործունեության համար։

2012 թ. ապրիլի 12-ին արժանացել է Հայոց ցեղասպանության ճանաչման գործում նշանակալի ավանդ ներդրած անձանց շնորհվող մրցանակի։

Երկեր

• Deutschland und Armenien։ Versuch einer Auseinandersetzung und Aufarbeitung, "Pogrom", 1979, N 64;
• Der türkische Völkermord an den Armeniern 1915/16։
• Hintergründe, Verlauf und Auswirkungen, Beiträge über Armenische Geschichte, Evangelisches Bildungswerk. B., 1986;
• Armenien. VöIkermord Vertreibung Exit. Menschenrechtarbeit für die Armenier 1979-1987, Göttingen-Wien, 1987 (համահեղինակ)։

Ծանոթագրություններ

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։