Տալասի Ալաթաու, Տալասյան Ալաթոո, լեռնաշղթա Տյան Շանում (մեծ մասամբ Ղրղզստանում)։ Երկարությունը մոտ 270 կմ է, բարձրությունը՝ մինչև 4482 մ (Մանաս լեռ)։ Կազմված է մեծ մասամբ մետամորֆային թերթաքարերից և գրանիտներից։ Կատարային մասը ժայռոտ է։ Կան սառցադաշտեր։ Տիրապետում են քարքարոտ բարձրլեռնային, բարձրլեռնային մարգագետնային, մարգագետնատափաստանային լանդշաֆտները։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 544)։
