Վլադիմիր Վիսոցկի

Վլադիմիր Վիսոցկի
Վլադիմիր Վիսոցկի
Հիմնական տվյալներ
Ծնված	Հունվարի 25, 1938թ.
Երկիր	Մոսկվա, ԽՍՀՄ
Վախճանված	Հուլիսի 25, 1980թ. (42 տարեկանում) Մոսկվա, ԽՍՀՄ
Գործունեություն	1959-1980

Արտաքին տեսաֆայլեր
	Հատված «Հանդիպման վայրը փոխել չի կարելի» ֆիլմից

Վլադիմիր Սեմյոնովիչ Վիսոցկի (ռուսերեն՝ Владимир Семёнович Высоцкий, հունվարի 25, 1938 – հուլիսի 25, 1980), ռուս նշանավոր երգիչ-կատարող, պոետ, երգահան և դերասան, որ մեծ հետք է թողել ռուսական մշակույթում: Չնայած որ անտեսված էր խորհրդային իշխանությունների կողմից, Վիսոցկին դեռևս կենդանության օրոք ձեռք բերեց հիրավի համախորհրդային ճանաչում:

Վիսոցկին ծնվել է 1938թ. հունվարի 25-ին, Մոսկվայում: Մանկությունը մոր հետ անցկացրել է տարհանման մեջ` Ուրալում: Պատերազմից հետո հոր և հայուհի խորթ մոր հետ ապրել է Գերմանիայում, ապա Մոսկվայում: Դեռևս դպրոցում խաղացել է թատերական խմբակում: Դպրոցից հետո ընդունվել է Մոսկվայի Կույբիշևի անվան ճարտարագիտա-շինարարական ինստիտուտ, ապա փոխադրվել ՄԳԱԹ-ի ստուդիա-դպրոցի դերասանական բաժանմունք:

Խաղացել է տասնյակ դերեր կինոյում և թատրոնում, այդ թվում՝ Համլետի (Շեքսպիրի "Համլետ") դերում: 1964 թվականից՝ Մոսկվայի Տագանկայի թատրոնի դերասան: Հեղինակ է շուրջ 600 երգի և 100 բանաստեղծության, ինչպես նաև արձակ գործերի:

1970-ին համերգներ է տվել Հայաստանում:[1] Ամուսնացած է եղել Մարինա Վլադիի հետ:

Կինոդերեր

• Ինտերվենցիա
• Ծառայում էին երկու ընկեր
• Տայգայի տիրակալը
• Վտանգավոր հյուրախաղեր
• Վատ լավ մարդը
• Միակը
• Հորիզոնական
• Ասք այն մասին, թե ինչպես Պետրոս I-ը արաբին ամուսնացրեց
• Հանդիպման վայրը փոխել չի կարելի
• Փոքրիկ ողբերգություններ

Գրքեր

• Հուշարձան: Բանաստեղծ. ժղվ. (հայերեն և ռուսերեն լեզուներով) Թարգմ.`Հ.Սարոյան Եր.: Հեղինակային հրատ., 2007.-400 էջ
• Բանաստեղծություններ /Թարգմ.`Հ.Սարոյան Ե.:Արամազդ,1999.-192 էջ

Արտաքին հղումներ

Մեդիաֆայլեր այստեղ՝ Վլադիմիր Վիսոցկի

• Վլադիմիր Վիսոցկու որոշ բանաստեղծությունների թարգմանությունը հայերենով
• Վիսոցկու բանաստեղծությունները Հովհաննես Սարոյանի թարգմանությամբ