Վլադիմիր Մոնոմախ

Վիքիպեդիայից՝ ազատ հանրագիտարանից
Վլադիմիր Վսեվոլոդովիչ Մոնոմախ (1672թ. պատկեր)

Վլադիմիր Վսեվոլոդովիչ Մոնոմախ (ռուս.՝ Влади́мир Все́володович Монома́х, 1053 - 1125թ. մայիսի 19), Կիևի մեծ իշխան 1113 - 1125-ին։ Վսեվոլոդ Յարոսլավիչի և բյուզանդական կայսր Կոնստանդին Մոնոմախի (այստեղից՝ «Մոնոմախ» անվանումը) դստեր որդին։

Իշխել է Չեռնիգովում, ապա՝ Պերեյասլավլում։ 1103 և 1111-ին արշավել է պոլովցիների դեմ և պարտության մատնել նրանց։ 1113-ին Կիևում բռնկած ժողովրդական ապստամբության ժամանակ, տեղի բոյարների հրավերով դարձել է Կիևի իշխան, ճնշել է ապստամբությունը, բայց միևնույն ժամանակ հրատարակել է կանոնադրություն, որը իրավականորեն որոշ չափով թեթևացրել է քաղաքային ցածր խավերի և գյուղացիների վիճակը։

Վլադիմիր Մոնոմախի օրոք Կիևյան Ռուսիան ուժեղացել Է, նրան հաջողվել է ժամանակավորապես միավորել ռուսական իշխանությունները։

Նրա «Խրատ»-ը հին ռուս, գրականության հիանալի հուշարձան Է, որտեղ նա իր որդիներին կոչ է անում ամրապնդել Ռուսիայի միասնությունը։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png