Վիքիպեդիա:ՀՍՀ հոդվածների վիքիֆիկացում/Ուղեցույց

Վիքիֆիկացումից առաջ[խմբագրել կոդը]

Խորհրդային գաղափարախոսական նյութերը հեռացնել կամ հնարավորինս վերաշարադրել չեզոք տեսակետից։ ՀՍՀ-ում շատ դեպքեր նշված են ներկա ժամանակով, դրանք սարքել անցյալ ժամանակով։

Հարկավոր է ստուգել կապը այլ լեզուների հետ և վիքիդատայում ավելացնել հայերեն Վիքիպեդիայի հոդվածի անունը։

Մարդը մահկանացու է, չմոռանանք այդ։ ՀՍՀ-ում հոդվածի հերոսների մի մասը հանրագիտարանը գրելուց ողջ և առողջ են եղել, հնարավոր է որ նրանցից շատերը այժմ չկան (ծննդյան տարեթվից դատելով), հարկավոր է գտնել վիքիդատայից, կամ այլ վստահելի աղբյուրներից մահվան տարեթվերը և ավելացնել։
Շատ հոդվածներում բացակայում են ամսաթվերը, թեև դրանք կարելի է գտնել այլ լեզվով Վիքիպեդիաներում, կամ այլ աղբյուրներում։ Հարկավոր է դրանք ավելացնել։
Ցանկալի է ավելացնել նաև հուլյան տոմարով ծննդյան կամ մահվան ամսաթիվը, տեղադրելով այն {{Հուլյան տոմար|}} կաղապարի մեջ։

ՀՍՀ-ում, երբ ինչ-որ թեմայի մասին է գրված, ապա այդ թեմայի անվանումը հոդվածում կրճատ է գրված։ Նյութերը Վիքիպեդիա տեղափոխելիս հոդվածում մնացել են կրճատ գրված բառերը։ Օրինակ՝ Ծես հոդվածում գրված է․ «Ծ․ հավատացյալների վրա ներգործելու ազդու միջոց է։ Ծ-երը արտահայտում են որոշակի հասարակական հարաբերություններ»։ Առաջին դեպքում պետք է գրել Ծեսը, երկրորդ դեպքում՝ Ծեսերը։
ՀՍՀ-ում թվականները գրված են այսպես․ «Ծարիրի հատկությունների մանրամասն նկարագրությունն առաջին անգամ տվել է գերմանացի ալքիմիկոս Վալենտինը 1604-ին»։ Պետք է գրել ոչ թե 1604-ին, այլ 1604 թվականին կամ 1604թ։
Հաճախ բացակայում է հոդվածի հերոսի կամ նյութի այլալեզու տարբերակը և պետք է օգտագործել այս կաղապարը` {{lang-լեզու|բառ}}, օրինակ՝ խնձոր (անգլ.՝ apple):
ՀՍՀ-ում դարերը նշելու համար օգտագործված են լատիանատառ տառերը, օրինակ՝ XIV դար, հարկավոր է դարձնել 14-րդ դար։

ՀՍՀ-ի վերջին հատորը լույս է տեսել 27 տարի առաջ և մարդկանց կյանքի, դեպքերի ընթացքը այս հոդվածներում ընդհատվում է լավագույն դեպքում 1987 թվականին։ Հարկավոր է ավելացնել դեպքերն ու փաստեր օգտվելով այլ լեզվով Վիքիպեդիաների հոդվածներից կամ այլ աղբյուրներից։
այնուամենայնիվ նոր փաստեր չգտնելու դեպքում (ինչը չնայած քիչ հավանական է) հնարավորինս գրել անցյալ ժամանակով, օրինակ` «ԽՍՀՄ տարիներին քաղաքը եղել է արդյունաբերական կենտրոն», կամ ասենք «ԽՍՀՄ ժամանակի դերասանի խաղացած դերերից են» նմանատիպ ձևակերպումներով:

Հարկավոր է ըստ հնարավորության տեղեկաքարտ կաղապարներ և նկարներ ավելացնել, եթե այդպիսինները կան Վիքիպահեստում։

Հոդվածը ստուգելուց և վիքիֆիկացնելուց հետո ցուցակներում հոդվածի անունից հետո Ձեր ստորագրությունից առաջ դրեք {{Արված է}} կաղապարը։
Վիքիֆիկացումից հետո հարկավոր է տվյալ հոդվածի քննարկման էջում տեղադրել {{ՀՍՀ-ՎՖ}} կաղապարը։