Վիքիպեդիա:Գնահատում/Հայոց ցեղասպանություն

Հայոց ցեղասպանություն[խմբագրել կոդը]

գնահատման է դրված արդեն մեկ ամսից ավելի, ըստ եղած կարծիքների համարվում է անցած դրական, ինչևէ դեռ քվեարկոթւյան ժամանակ էլ կարող են շտկումներ արվել։ --ERJANIK քննարկում: 09:44, 21 Մարտի 2015 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

ավելորդ է նշել հոդվածի կարևորությունը, հորդորում եմ բոլոր մասնակիցներին ով ինչով ու ինչքանով կարող է փորձի բարելավել հոդվածը ընտրյալ դարձնելու համար, չնայած ծավալի առումով արդեն թերևս կարելի է ասել բավարար է, բայց սա իմ կարծիքն է։ --ERJANIK քննարկում: 11:46, 17 Փետրվարի 2015 (UTC)

Քիչ-քիչ նայում եմ, վերջացնեմ, կհայտնեմ կարծիքս։ Բայց կարող եմ ասել, որ հրաշալի հոդված է ստացվել։ Ապրի՜ Արամը։ --Լիլիթ (քննարկում) 12:02, 17 Փետրվարի 2015 (UTC)

Շնորհակալություն Արամին և բոլոր խմբագիրներին այս հրաշալի հոդվածի համար: Սակայն ունեմ մի քանի դիտողություն.

-Պատմական նախադրյալներ ենթավերնագրում իմ կարծիքով պետք է նկարագրվի ոչ թե հայոց պատմությունը այլ հայ-թուրքական հարաբերությունները մինչև ցեղասպանությունը, հակամարտության ծագումը, հակամարտության պատճառները և այլն:
-Պետությունների անունները պետք է գրել տվյալ ժամանակվա դրությամբ, օրինակ ոչ թե Ռուսաստան, այլ Ռուսական կայսրություն և այլն:
-Որոշիչ հոդերը ենթավերնագրերում ավելորդ են:
-Ցեղասպանության իրականացման նախադրյալների և պատճառների վերաբերյալ տեղեկատվություն չգտա:

Առայժմ այսքանը հաճելի խմբագրում:--Սամվել (քննարկում) 06:36, 18 Փետրվարի 2015 (UTC)

Հարգելի՛ Սամվել, փորձեմ պատասխանել Ձեր հարցերին:

- «Պատմական նախադրյալներ» վերնագրի նպատակն է ցույց տալ, որ հայերն ի սկզբանե եղել են այդ երկրի տերը, ովքեր են հայերը և ինչ ժառանգություն կա թողած դարերի հոլովույթում: Գուցե կարելի է վերնագիրը փոխել, բայց տեքստն ամբողջությամբ անհրաժեշտ է նաև մանկավարժական տեսանկյունից: Մենք չենք ժխտում, որ Վիքիպեդիայից օգտվում են նաև դպրոցականներ, ուստի ներածական մասով ներկայացնել այդ ամենն անհրաժեշտ է: Ինչ վերաբերում է հայ-թուրքական հարաբերություններին, ապա դրանք կարմիր գծով անցնում են ամբողջ հոդվածով, քանի որոշակի երևույթներ բացատրելու համար խորամուխ ենք եղել նաև նախապատմության մեջ:
- Համաձայն եմ, որ ժամանակաշրջանի շունչն ապահովելու համար, պետք է նաև փաստերը ճիշտ արձանագրվեն: Պետությունների անունների փոփոխությամբ կզբաղվեմ: Այս նկատառումից են բխում նաև հոդվածում որոշ արևմտահայերեն հատվածները:
- Ենթավերնագրերում որոշիչ հոդերը կհանվեն:
-Այս հարցին պատասխանած եմ համարում 1-ին հարցում:

Շնորհակալություն ուշադրության, նկատողությունների և առաջարկությունների համար: --Արամ Սողոմոնյան ^{(քննարկում)} 10:55, 18 Փետրվարի 2015 (UTC)

Արամ ջան, բոլոր ենթավերնագրերիը պետք է լինեն հոդվածի թեմատիկ մաս, իսկ ցեղասպանությունն է հանդիսանում հայոց պատմության մի մաս, այլ ոչ հակառակը, հայոց պատմության վերաբերյալ ընթերցողին կարող ենք ուղորդել հայոց պատմություն հոդված կաղապարի կամ հղման միջոցով, օրինակ՝ Ռուբեն Ա-ն ոչ մի ուղղակի կապ չունի հայոց ցեղասպանության հետ: Հանրագիտարանային հոդվածը պետք է բաժանվի 3 հիմնական մասից,1-նախապատմություն, այսինքն ինչպես հայերը հայտնվեցին թուրքերի լծի տակ, ինչու ժամանակի ընթացքում թշնամանք առաջացավ երկու ժողովուրդների միջև և ինչու որոշեցին ձերբազատվել հայերից, 2 բուն գործընթացը և 3 հետևանքները, 2 և 3 կետերը շատ խորը ներկայացված է, բայց 1-ին կետը` ոչ:--Սամվել (քննարկում) 14:06, 18 Փետրվարի 2015 (UTC)

Սամվել ջան, նկատի կունենամ, հիմա աշխատում եմ այդ ուղղությամբ: «Պատմական նախադրյալներ» ենթավերնագիրը կդառնա նոր բաժնի վերնագիրը, իսկ ներկայիս բաժնի վերնագիրը կփոխվի «Պատմական ակնարկ» (հնարավոր տարբերակ):--Արամ Սողոմոնյան ^{(քննարկում)} 19:23, 19 Փետրվարի 2015 (UTC)

Սամվել ջան,

Արված է: --Արամ Սողոմոնյան ^{(քննարկում)} 15:22, 21 Փետրվարի 2015 (UTC)

Կողմ, իմ կողմից նկատված վրիպակներն ուղղեցի, մեկ անգամ ևս շատ ապրես, Արամ ջան։ --Լիլիթ (քննարկում) 17:49, 28 Փետրվարի 2015 (UTC)

Կողմ--Armineaghayan (քննարկում) 11:47, 6 Մարտի 2015 (UTC)[reply]

Հոդվածը լավ է շարադրված, որքան կարող եմ ոչ֊մասնագիտական աչքով գնահատել, բայց մի քանի դիտողություն ունեմ․

«Հայերի ինքնապաշտպանությունը» բաժնի տակ ներառել «Վանի հերոսամարտը» բաժինը, ինչպես նաև գոնե մի քանի նախադասություն ենթաբաժիններով գրել ինքնապաշտպանության բոլոր հայտնի օջախների մասին։ Ավելի վերևում՝ «Առաջին տեղահանումները» բաժնում Զեյթունի ինքնապաշտպանության մասին հատվածը ևս ներառել առանձին ենթաբաժնով։
«Նյութական և ֆինանսական կորուստներ» բաժնում այս նախադասությունները՝ «Փրկության դուռ հանդիսացավ խորհրդային պետությունը, որը օգնության ձեռք մեկնեց տարաբախտ սփյուռքահայությանը։ Մեծ Եղեռնի գլխավոր հանցավորը թուրքական բռնակալությունն էր։» հավանաբար նույնությամբ վերցրվել են դասագրքից։ Պարզ չէ, թե ի՞նչ «փրկության դուռ» հանդիսացավ խորհրդային պետությունը, կարծում եմ հնարավոր է նույնիսկ հակառակը ապացուցել՝ խորհրդային պետությունը է՛լ ավելի խորացրեց ցեղասպանությունը վերապրածների տառապանքը։
Հնարավոր չի՞ խուսափել Ջեմալ փաշայի դիակի նկարը «Նեմեսիս» բաժնում ընդգրկելուց։ Սպանվածի պատկերը հաճախ խղճահարություն է արթնացնում (հայ ընթերցողի մասին չէ խոսքս), իսկ ընդհանրապես խիստ տհաճ պատկեր է։ Դրա փոխարեն կարելի է դնել,օրինակ, Լեփսիուսի նկարը։
Ընդհանուր նկատառում՝ քանի որ հոդվածը ծավալուն է, հնարավորության դեպքում տեղեկությունները շարադրել աղյուսակով կամ ցուցակով, ինչը հեշտացնում է ընթերցանությունը։ Դրա հետ կապված՝ ստեղծել առանձին էջեր՝ ցուցակով թվարկելով ցեղասպանությունը ներկայացնող մշակույթի գործերի (գործիչների), հուշարձաններ և այլն, և հոդվածից հղում տալ այդ էջերին։

Առայժմ այսքանը, դեռ ամբողջը չեմ կարդացել։ --Albero (քննարկում) 20:55, 10 Մարտի 2015 (UTC)[reply]

Իրենց պապենական հողերից արտաքսված բազմահոծ հայ գաղթականները ենթարկվեցին դաժան փորձությունների ու անլուր զրկանքների արտասահմանյան երկրներում։ Փրկության դուռ հանդիսացավ խորհրդային պետությունը, որը օգնության ձեռք մեկնեց տարաբախտ սփյուռքահայությանը - այս ոչ չեզոք ու կասկածելի բնույթի նախադասությունները հանեցի, Ջեմալ փաշայի նկարը փոխարինեցի Սողոմոն Թեհլերյանի նկարով։ --ERJANIK քննարկում: 10:41, 11 Մարտի 2015 (UTC)[reply]

եթե նոր էական կարծիքներ չլինեն, 2 օրից գնահատումը կհամարվի դրական ու կսկսվի քվեարկությունը, լավ կլինի որ հասցնենք ապրիլի 24-ից շուտ այս հոդվածը դառնա ընտրյալ, շնորհակալություն բ ո լ ո րին, ովքեր այստեղ իրենց կարծիքը հայտնեցին։ --ERJANIK քննարկում: 06:44, 19 Մարտի 2015 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։