Վիքիպեդիա:Այսօր պատմության մեջ/Օգոստոս

Օգոստոս ամսվա օրերը
Օգոստոսի 1 Աննա Ֆրանկի օրագիրը 1291 թ. – Շվեյցարիան հռչակեց իր անկախությունը։ 1774 թ. – Ջոզեֆ Պրիստլին հայտնաբերեց թթվածինը։ 1876 թ. – Կոլորադոն դարձավ ԱՄՆ-ի 38-րդ նահանգը։ 1914 թ. – Առաջին համաշխարհային պատերազմի ժամանակ Գերմանիան պատերազմ հայտարարեց Ռուսական կայսրությանը։ 1921 թ. – ծնվել է Լիլի Չուգասզյանը, ծագումով հայ, ամերիկացի հայտնի օպերային երգչուհի (կոնտրալտո), 1960-80-ական թթ. երգել է Մետրոպոլիտեն օպերայում և Նյու Յորքի օպերային թատրոններում (մահ. 2012 թ.): 1933 թ. – ծնվել է Զորայր Խալափյանը, հայ գրող, արձակագիր և դրամատուրգ (մահ. 2008 թ.): 1934 թ. – Երևանում սկսվեց Հայաստանի գրողների միության առաջին համագումարը։ 1944 թ. – Աննա Ֆրանկն իր օրագրում կատարեց վերջին գրառումը։ 1981 թ. – ԱՄՆ-ում սկսվեց հեռարձակվել MTV հեռուստաընկերությունը։ 2009 թ. – մահացել է Կորասոն Ակինոն, Ֆիլիպինների Հանրապետության 11-րդ նախագահը, Ասիական երկրների առաջին կին նախագահը (ծն. 1933 թ.):	Օգոստոսի 2 Չերչիլը, Թրումենը և Ստալինը (ձախից աջ) Պոտսդամսկյան համագումարի ժամանակ մ.թ.ա. 216 թ. – Կաննեի ճակատամարտում Հաննիբալի գլխավորած զորքերը ջախջախեցին հռոմեացիներին: 1610 թ. – անգլիացի ծովագնոց Հենրի Հուդզոնը հայտնաբերեց Հուդզոնի ծոցը։ 1809 թ. – մահացել է Հովսեփ Էմինը, հայ ազատագրական պայքարի գործիչ (ծն. 1726 թ.): 1903 թ. – Մակեդոնիայում ապստամբություն սկսվեց Թուրքիայի դեմ։ 1945 թ. – ավարտվեց Պոտսդամի համագումարը, որտեղ քննարկվեց Երկրորդ համաշխարհային պատերազմից հետո Եվրոպային վերաբերվող մի շարք հարցեր: Համագումարին մասնակցում էին ԱՄՆ-ի նախագահ Հարրի Թրումենը, ԽՍՀՄ ժողկոմի ներկայացուցիչ Իոսիֆ Ստալինը և Մեծ Բրիտանիայի վարչապետ Ուինսթոն Չերչիլը։ 1972 թ. – Եգիպտոսը, Լիբանանը և Սիրիան հայտարարեցին, որ ստեղծում են միասնական Արաբական Հանրապետությունների Ֆեդերացիա: 1976 թ. – մահացել է Ֆրից Լանգը, գերմանացի նշանավոր ռեժիսոր, համր կինոյի մեծագույն վարպետներից մեկը (ծն. 1890 թ.): 1997 թ. – մահացել է Ջեյմս Քրյուսը, գերմանացի գրող, մանկագիր (ծն. 1926 թ.): 2001 թ. – ամերիկահայ System of a Down երգչախումբը թողարկեց իրենց չորրորդ Mezmerize ալբոմի B.Y.O.B. սինգլը նվիրված ԱՄՆ-Իրաքյան պատերազմին։
Օգոստոսի 3 Հայերեն Վիքիպեդիայի 10.000-րդ հոդվածի ստեղծմանը նվիրված տոնական պատկերանիշ 1829 թ. – Փարիզի Երաժշտության թագավորական ակադեմիայում (Օպերա Գառնիե) կայացավ Ջոակինո Ռոսինիի Վիլհելմ Տելլ օպերայի առաջնախաղը։ 1903 թ. – ծնվել է Շահան Շահնուրը, ֆրանսահայ գրող, սփյուռքահայ գրականության հիմնադիրներից (մահ. 1974 թ.)։ 1914 թ. – Առաջին համաշխարհային պատերազմի ժամանակ Գերմանիան պատերազմ հայտարարեց Ռուսաստանին։ 1960 թ. – Նիգերը հռչակեց իր անկախությունը Ֆրանսիայից։ 1966 թ. – ծնվել է Գագիկ Գինոսյանը, մշակութային գործիչ, ազգային պարարվեստի մասնագետ, արցախյան ազատամարտի մասնակից։ 1994 թ. – մահացել է Ինոկենտի Սմոկտունովսկին, ռուս խորհրդային սիրված դերասան (ծն. 1925) 2008 թ. – մահացել է Ալեքսանդր Սոլժենիցինը, ռուս արձակագիր, հրապարակախոս, հասարակական գործիչ, Նոբելյան մրցանակի դափնեկիր (ծն. 1918 թ.): 2010 թ. – Հայերեն Վիքիպեդիան հատեց 10 000 հոդվածի շեմը։	Օգոստոսի 4 Սեբաստացի Մուրադ 1326 թ. – դրվեց Մոսկվայի առաջին քարե տաճարի՝ Վերափոխման մայր տաճարի շինարարության հիմքը։ 1902 թ. – Լոնդոնում բացվեց Թեմզա գետի տակով անցնող Գրինվիչյան հետիոտնի թունելը։ 1911 թ. – ծնվել է Միխայիլ Բոտվիննիկը, ռուս խորհրդային նշանավոր շախմատիստ (մահ. 1995 թ.)։ 1914 թ. – Առաջին համաշխարհային պատերազմի ժամանակ Մեծ Բրիտանիան պատերազմ հայտարարեց Գերմանիային։ 1918 թ. – զոհվեց Սեբաստացի Մուրադը, հայ հայտնի հայդուկապետ (ծն. 1874 թ.)։ 1922 թ. – Նեմեսիս գործողության շրջանակներում հայազգի խորհրդային ռազմական գործիչ Հակոբ Մելքումյանը սպանեց Էնվեր փաշային։ 1961 թ. – ծնվել է Բարաք Օբաման, ԱՄՆ-ի 44-րդ նախագահը։ 1977 թ. – ծնվել է Ֆրենկի Կազարյանը, ամերիկահայ պրոֆեսիոնալ ըմբշամարտիկ։ 1995 թ. – Խորվաթիայի ու Բոսնիա և Հերցոգովինայի զինված ուժերը ներկայիս Սերբիայի տարածքում սկսեցին «Փոթորիկ» ռազմական գործողությունը։
Օգոստոսի 5 Հայաստանի Ազգային Օպերայի և Բալետի թատրոնի շենքը 1716 թ. – Ավստրո-թուրքական պատերազմի ժամանակ Պետրովարադինյան ճակատամարտում ավստրիական զորքերը ջախջախեցին Օսմանյան Թուրքիայի բանակին։ 1850 թ. – ծնվել է Գի դը Մոպասանը, ֆրանսիացի գրող (մահ. 1893 թ.)։ 1904 թ. – ծնվել է Սուրեն Ավչյանը, հայ բանաստեղծ, արձակագիր, թարգմանիչ, դրամատուրգ, գրական-մշակութային գործիչ (մահ. 1985 թ.)։ 1905 թ. – ծնվել է Արտեմ Միկոյանը (մահ. 1970 թ.) հայազգի հանրահայտ ավիակոնստրուկտոր, ինժեներատեխնիկական ծառայության գեներալ-գնդապետ, ՄԻԳ ռազմական օդանավերի ստեղծողը։ 1920 թ. – Հաճընի հերոսամարտի ժամանակ մոտ 200 հայ կամավորներ Կայծակ Արամի (Թերզյան) ղեկավարությամբ աննկատ մոտեցան թուրքական դիրքերին, ոչնչացրին մի ամբողջ դասակ և գրաված ծանր հրանոթը տեղափոխեցին Հաճընի հրապարակ և դրանով սկսեցին կրակ բացել թուրքերի վրա։ 1930 թ. – ծնվել է Նիլ Արմստրոնգը, ամերիկացի տիեզերագնաց, լուսնի վրա ոտք դրած առաջին մարդը (մահ. 2012 թ.)։ 1932 թ. – ՀՍԽՀ Լուսժողկոմատի որոշմամբ ստեղծվեց Ա. Սպենդիարյանի անվան օպերայի և բալետի ազգային ակադեմիական թատրոնը։ 1967 թ. – Փինք Ֆլոյդ բրիտանական պրոգրեսիվ/փսիխոդելիկ ռոք խումբը թողարկեց իր առաջին ալբոմը՝ The Piper at the Gates of Dawn։ 1974 թ. – ծնվել է Ռոման Բերեզովսկին, հայ ֆուտբոլիստ, Հայաստանի ֆուտբոլի ազգային հավաքականի նախկին դարպասապահը։	Օգոստոսի 6 Հիրոսիմայի վրա նետված ռումբի մակետ 988 թ. – պայմանականորեն ընդունված է համարել Ռուսիայում քրիստոնեության հռչակման օր։ 1538 թ. – հիմնադրվեց Կոլումբիայի մայրաքաղաք Բոգոտան։ 1806 թ. – փաստացի դադարեց գոյություն ունենալ Սրբազան Հռոմեական կայսրությունը։ 1919 թ. – ծնվել է Չիկ Տամատյանը, ռումինահայ նկարիչ (մահ. 1985 թ.)։ 1945 թ. – ԱՄՆ-ն ատոմային ռումբ նետեց ճապոնական Հիրոսիմա քաղաքի վրա: 1962 թ. – Ճամայկան հռչակեց իր անկախությունը Մեծ Բրիտանիայից։ 1991 թ. – բրիտանացի գիտնական, գյուտարար Թիմ Բերներս Լին կիրառության մեջ դրեց Համաշխարհային սարդոստայնի ծրագիրը։ 2008 թ. – մահացել է Յուրի Բարսեղովը, իրավագիտության դոկտոր, միջազգային իրավունքի պրոֆեսոր, դիվանագետ, Հայոց ցեղասպանության վերաբերյալ բազմաթիվ ուսումնասիրությունների հեղինակ (ծն. 1925 թ.)։
Օգոստոսի 7 Ջիմմի Ուելս 1921 թ. – մահացել է Ալեքսանդր Բլոկը, ռուս մեծանուն բանաստեղծ (ծն. 1880 թ.)։ 1938 թ. – մահացել է Կոնստանտին Ստանիսլավսկին, ռուս նշանավոր դերասան և ռեժիսոր (ծն. 1863 թ.)։ 1947 թ. – ծնվել է Սոֆիա Ռոտարուն, ծագումով մոլդովացի/ռումինացի ուկրաինացի խորհրդային ճանաչված երգչուհի։ 1960 թ. – Կոտ դ'Իվուարը անկախացավ Ֆրանսիայից։ 1966 թ. – ծնվել է Ջիմմի Ուելսը, ամերիկացի ինտերնետ գործարար, Վիքիպեդիա ազատ հանրագիտարանի համահիմնադիր և Վիկիա ընկերության հիմնադիր։ 1987 թ. – Հյուսիս-Կովկասյան Կամենսկայա կայարանում տեղի ունեցավ վթար։ Իրար զարնվեցին երկու գնացքներ, ինչի հետևանքով մահացավ 106 մարդ, ևս 114-ը վիրավորվեցին։ 1990 թ. – Էստոնիան ընդունեց իր պետական դրոշը։ 1998 թ. – Քենիայի մայրաքաղաք Նայրոբիում և Տանզանիայի մայրաքաղաք Դար-էս-Սալամում գտնվող ամերիկյան դեսպանատներում իրականացված ահաբեկչական գործողությունների՝ պայթյունների հետևանքով մահացավ մոտ 250 մարդ, 4000-ը վիրավորվեցին։ 2000 թ. – կանադացի գիտնական Բրետ Գլեդմանը հայտնաբերեց Սատուրն մոլորակի անկանոն արբանյակներ Կիվիոկը, Պալիակը և Իմիրը։	Օգոստոսի 8 Ռոջեր Ֆեդերեր 1225 թ. – տեղի ունեցավ Գառնիի ճակատամարտը։ 1937 թ. – ծնվել է Դասթին Հոֆմանը, ամերիկացի ճանաչված դերասան։ 1945 թ. – ԽՍՀՄ-ը պատերազմ հայտարարեց Ճապոնիային։ 1967 թ. – ստեղծվեց Հարավարևելյան Ասիայի պետությունների ասոցիացիան՝ ԱՍԵԱ-ն։ 1981 թ. – ծնվել է Ռոջեր Ֆեդերերը, շվեյցարացի հայտնի թենիսիստ։ 1992 թ. – Ադրբեջանի զինված ուժերը օկուպացրեցին հայկական Արծվաշեն գյուղը։ 2008 թ. – Ռուսաստանի, Վրաստանի և Հարավային Օսիայի միջև սկսեցին ռազմական լուրջ ընդհարումներ։ 2009 թ. – մահացել է Արամ Տիգրանը, հայազգի քուրդ երգիչ (ծն. 1934 թ.)։
Օգոստոսի 9 Սիքստինյան կապելլայի առաստաղը մ.թ.ա. 48 թ. – Ֆարսալոսի ճակատամարտում Հուլիոս Կեսարի ղեկավարած զորքը պարտության մատնեց Գնեոս Պոմպեոսի զորքին։ 378 թ. – Ադրիանապոլսի ճակատամարտում վեստգոթերը ջախջախիչ պարտության մատնեցին Հռոմեական կայսրությանը։ 1483 թ. – Վատիկանում լուսավորվեց Սիքստինյան կապելլան։ 1919 թ. – մահացել է Էռնստ Հեկկելը, գերմանացի բնագետ և փիլիսոփա (ծն. 1834 թ.)։ 1945 թ. – ԱՄՆ-ն ատոմային ռումբ նետեց Ճապոնիայի Նագասակի քաղաքի վրա: 1963 թ. – ծնվել է Ուիթնի Հյուսթոնը ամերիկացի ճանաչված երգչուհի (մահ. 2012 թ.)։ 1965 թ. – Սինգապուրը հռչակեց իր անկախությունը և առանձնացավ Մալայզիայից։ 1974 թ. – Ութերգեյսթյան սկանդալի պատճառով ԱՄՆ-ի նախագահ Ռիչարդ Նիքսոնը հրաժարական տվեց։ 1975 թ. – մահացել է Դմիտրի Շոստակովիչը, ծագումով լեհ, ռուս նշանավոր կոմպոզիտոր (ծն. 1906 թ.)։	Օգոստոսի 10 Երվանդ Մանարյան 1519 թ. – Ֆեռնան Մագելանը սկսեց աշխարհում առաջին շուրջերկրյա ճանապարհորդությունը։ 1793 թ. – Լուվրը բացվեց որպես թանգարան։ 1821 թ. – Միսսուրին դարձավ ԱՄՆ-ի 24-րդ նահանգը։ 1899 թ. – ծնվել է Մկրտիչ Խերանյանը, հայ բանաստեղծ, արձակագիր, թարգմանիչ (մահ. 1970 թ.)։ 1916 թ. – ծնվել է Էռնեստ Դերվիշյանը, ամերիկակահայ զինվորական, Երկրորդ համաշխարհային պատերազմի տարիներին ցուցաբերած արիության համար 1945 թվականին պարգևատրվել է ԱՄՆ Կոնգրեսի պատվո շքանշանով (մահ. 1984 թ.)։ 1920 թ. – կնքվեց Սևրի պայմանագիրը։ 1920 թ. – Հայաստանի և ՌԽՖՍՀ-ի կառավարությունների միջև կնքվեց համաձայնագիր։ 1924 թ. – ծնվել է Երվանդ Մանարյանը, հայ սիրված դերասան, ռեժիսոր և սցենարիստ, աշխատել է Երևանի պետական տիկնիկային թատրոնում որպես ռեժիսոր (մահ. 2020 թ.)։ 2003 թ. – ռուս տիեզերագնաց Յուրի Մալենչենկոն, գտնվելով Միջազգային տիեզերակայանում, ամուսնացել է Եկատերինա Դմիտրիևայի հետ, որն այդ պահին գտնվում էր Հյուսթոնում։
Օգոստոսի 11 Հալք Հոգան Նավասարդի օրը Հին Հայաստանում։ մ.թ.ա. 480 թ. – տեղի ունեցավ Թերմոպիլեի ճակատամարտը, հին հունական պոլիսների և Աքեմենյան Պարսկաստանի միջև: Այդ ճակատամարտում տեղի ունեցած դեպքերի հիման վրա է նկարահանվել 300 սպարտացիները ֆիլմը։ 843 թ. – Կառլոս Մեծի թոռները իրար մեջ բաժանեցին Ֆրանկական պետությունը։ 1867 թ. – Համբուրգ քաղաքում լույս տեսավ Կարլ Մարքսի «Կապիտալ» աշխատության առաջին հատորը։ 1947 թ. – ծնվել է Արկադի Անդրեասյանը, հայ ճանաչված ֆուտբոլիստ, մարզիչ։ 1950 թ. – ծնվել է Սթիվ Վոզնյակը, ամերիկացի ծրագրավորող, «Apple Inc.» ընկերության համահիմնադիր Սթիվ Ջոբսի հետ միասին, աշխարհում առաջին անհատական համակարգչի ստեղծողներից մեկը։ 1952 թ. – ծնվել է Ռոլանդ Շառոյանը, հայ արձակագիր, լրագրող։ 1953 թ. – ծնվել է Հալք Հոգանը, ամերիկացի պրոֆեսիոնալ ըմբշամարտիկ, կինոդերասան, հեռուստատեսային դեմք և երաժիշտ։ 1960 թ. – Չադը հռչակեց իր անկախությունը Ֆրանսիայից։ 1979 թ. – ԽՍՀՄ երկու ՏՈՒ-134 մակնիշի ինքնաթիռներ օդում իրար բախվեցին, ինչի հետևանով զոհվեց ընդհանուր թվով 178 մարդ, որոնց թվում ուզբեկական «Պախտակոր» ֆուտբոլային ակումբի անդամները։ 1996 թ. – մահացել է Վանգան, բուլղարացի պայծառատես (ծն. 1911 թ.):	Օգոստոսի 12 Վիկտոր Համբարձումյանին նվիրված փոստային նամականիշ մ.թ.ա. 30 թ. – Հին Եգիպտոսի թագուհի Կլեոպատրան ինքնասպան եղավ։ 1927 թ. – տեղի ունեցավ Օսկարի առաջին մրցանակաբաշխության տարվա լավագույն ֆիլմ ճանաչված «Թևեր» համր ֆիլմի պրեմիերան։ 1851 թ. – ամերիկացի գյուտարար Այզեկ Զինգերը առաջին կարի մեքենայի համար ստացավ արտոնագիր: 1883 թ. – Ամստերդամի կենդանաբանական այգում սատկեց վերջին կվագգան։ 1955 թ. – մահացել է Թոմաս Մանը, գերմանացի ճանաչված գրող, Նոբելյան մրցանակի դափնեկիր գրականության ասպարեզում (ծն. 1875 թ.): 1964 թ. – մահացել է Յան Ֆլեմինգը, Անգլիացի գրող, Ջեյմս Բոնդի մասին պատմող գրքերի հեղինակ (ծն. 1908 թ.): 1992 թ. – Արցախյան ազատամարտի ժամանակ Ադրբեջանական զինված ուժերի Թարթառի և Քելբաջարի բրիգադները միաժամանակյա հարձակման են անցել Մարտակերտի ռազմաճակատի ողջ երկայնքով։ Այդ փուլում կարևոր նշանակություն է ունեցել Վազգեն Սարգսյանի նախաձեռնությամբ կազմավորված «Արծիվ-մահապարտներ» կամավորական գումարտակի մասնակցությունը ռազմական գործողություններին։ 1996 թ. – մահացել է Վիկտոր Համբարձումյանը, հայ աշխարհահռչակ գիտնական, աստղագետ, Հայաստանի ազգային հերոս (ծն. 1908 թ.): 2000 թ. – մահացել է Ժան Գառզուն, ֆրանսահայ նշանավոր նկարիչ (ծն. 1907 թ.): 2000 թ. – Բարենցի ծովում խորտակվեց ռուսական Կ-141 «Կուրսկ» ատոմային սուզանավը։
Օգոստոսի 13 Ֆիդել Կաստրո Ձախլիկների միջազգային օրն է։ 1173 թ. – մահացել է Ներսես Շնորհալին, հայ եկեղեցական գործիչ, աստվածաբան, բանաստեղծ, երաժշտագետ, երգահան, պատմիչ, Ամենայն Հայոց Կաթողիկոս (ծն. 1102 թ.)։ 1521 թ. – Իսպանիացի կոնկիստադոր Էռնան Կորտեսը գրավեց ացտեկների մայրաքաղաք Տենոչտիտլանը։ 1826 թ. – մահացել է Ռենե Լաեննեկը, ֆրանսիացի բժիշկ և անատոմ, ախտորոշման կլինիկո-անատոմիական մեթոդի հիմնադիր, ստետոսկոպի ստեղծողը (ծն. 1781 թ.)։ 1920 թ. – տեղի ունեցավ վարշավյան ճակատամարտը՝ ռուս-լեհական պատերազմի կարևոր ճակատամարտերից մեկը։ 1926 թ. – ծնվել է Ֆիդել Կաստրոն, կուբացի հեղափոխական, Կուբայի նախկին նախագահներից (մահ. 2016 թ.)։ 1943 թ. – ծնվել է Ազատ Գասպարյանը, կինոյի և թատրոնի հայ դերասան (մահ. 2013 թ.)։ 1946 թ. – մահացել է Հերբերտ Ուելսը, գիտա-ֆանտաստիկ ժանրի բրիտանացի գրող և հրապարակախոս (ծն. 1866 թ.)։ 2001 թ. – Մեթյու Հոլմանը և Բրետ Գլեդմանը հայտնաբերեցին Ուրանի 4 անկանոն արբանյակ՝ Լաոմեդեյա, Ֆրանցիսկո, Տրինկուլո և Ֆերդինանդ։	Օգոստոսի 14 Բանկ Օտոմանը գրաված հայերը Մարսելում 1879 թ. – մահացել է Իվան Լազարևը, ռուսական բանակի հայազգի զինվորական գործիչ, գեներալ-լեյտենանտ (ծն. 1802) թ.: 1896 թ. – տեղի ունեցավ Բանկ Օտոմանի գրավումը, 1894-96 թվականների համիդյան ջարդերին հաջորդած, սուլթանից և արևմտյան տերություններից ի նպաստ հայերի բարեփոխումներ պահանջելու, Հայկական հարցի վրա ուշադրություն հրավիրելու նպատակով կատարված գործողություն։ 1915 թ. – ծնվել է Դերեկ Պրինսը, բրիտանացի աստվածաբան, քարոզիչ (մահ. 2003 թ.): 1934 թ. – Ֆրիշ Ռագնարը առաջին անգամ օգտագործեց մակրոէկոնոմիկա տերմինը։ 1947 թ. – Պակիստանը անկախացավ Միացյալ թագավորությունից։ 1959 թ. – ծնվել է Մեջիք Ջոնսոնը, ամերիկացի բասկետբոլիստ։ 1971 թ. – Բահրեյնը անկախացավ Միացյալ թագավորությունից։ 1983 թ. – մահացել է Հմայակ Սիրասը, հայ արձակագիր, թարգմանիչ (ծն. 1902 թ.): 1992 թ. – սկսվեց վրաց-աբխազական պատերազմը։
Օգոստոսի 15 Սիլվի Վարդան 1096 թ. – սկսվեց Առաջին խաչակրաց արշավանքը, Հռոմի Պապի օրհնությամբ խաչակիրներն Իտալիայից և Ֆրանսիայից ճամփա ընկան Կոստանդնուպոլիս: 1461 թ. – թուրք-օսմանները գրավեցին Տրապիզոնի կայսրության մայրաքաղաք Տրապիզոնը։ 1534 թ. – Փարիզում ստեղծվեց Ճիզվիտների կաթոլիկ միությունը։ 1537 թ. – հիմնադրվեց Պարագվայի մայրաքաղաք Ասունսյոնը։ 1771 թ. – ծնվել է Վալտեր Սքոթը, անգլիացի գրող, բանաստեղծ, արձակագիր, («Քվենտին Դորվարդ», «Այվենհո», մահ. 1832 թ.): 1914 թ. – Պանամայի ջրանցքով անցավ առաջին նավը։ 1922 թ. – ծնվել է Վահագն Դավթյանը, հայ բանաստեղծ (մահ. 1996 թ.): 1944 թ. – ծնվել է Սիլվի Վարդանը, ծագումով հայ, ֆրանսիացի երգչուհի և դերասանուհի։ 1960 թ. – Կոնգոյի Հանրապետությունը հռչակեց իր անկախությունը Ֆրանսիայից։ 1969 թ. – սկսվեց Վուդստոկյան փառատոնը՝ ամենանշանավոր ռոք փառատոններից մեկը։	Օգոստոսի 16 Ջեյմս Քեմերոն 1886 թ. – ծնվել է Վահան Չերազը, պոլսահայ մարզիկ, հայկական սկաուտական շարժման հիմնադիրներից (մահ. 1937 թ.): 1896 թ. – Կլոնդայքում հայտնաբերվեց ոսկու հանքատեղ: 1943 թ. – Երկրորդ համաշխարհային պատերազմի ժամանակ լիովին ավերվեց Միլանի Լա Սկալա թատրոնի շենքը։ 1954 թ. – ծնվել է կանադացի ռեժիսոր Ջեյմս Քեմերոնը։ 1956 թ. – ծնվել է Վահան Հովհաննեսյանը, հայ քաղաքական գործիչ, Հայ Հեղափոխական Դաշնակցության անդամ (մահ. 2014 թ.)։ 1960 թ. – Կիպրոսն անկախացավ Միացյալ Թագավորությունից։ 1960 թ. – հիմնադրվեց Աստղագնացության միջազգային ակադեմիան։ 1962 թ. – Ֆրանսիական պառլամենտը հաստատեց Ֆրանսիական Հնդկաստանը Հնդկաստանին միացնելու օրենքը։ 1985 թ. – տեղի ունեցավ Շոն Փենի և Մադոննայի հարսանիքը։
Օգոստոսի 17 Ռոբերտ Դե Նիրո, 2008 թ. 1827 թ. – տեղի է ունեցել Օշականի ճակատամարտը ռուս-պարսկական զորքերի միջև: 1886 թ. – մահացել է Ալեքսանդր Բուտլերովը, ռուս նշանավոր քիմիկոս (ծն. 1828 թ.): 1903 թ. – հունգարացի Ժոզեֆ Պուլիտցերը կազմեց կտակ,համաձայն որի հետագայում սահմանվեց Պուլիտցերյան մրցանակը։ 1943 թ. – ծնվել է Ռոբերտ Դե Նիրոն, ամերիկացի ճանաչված դերասան: 1945 թ. – Ինդոնեզիան անկախացավ Նիդեռլանդներից։ 1960 թ. – Գաբոնը անկախացավ Ֆրանսիայից։ 1968 թ. – ծնվել է Իսրայել Միլիտոսյանը, հայ ծանրորդ, աշխարհի և օլիմպիական խաղերի չեմպիոն։ 1970 թ. – տիեզերք ուղարկվեց «Վեներա-7» տիեզերանավը։ Այն առաջին ապարատն էր, որ այլ մոլորակից Երկիր ուղարկեց տեղեկություններ: 1988 թ. – մահացել է Հրաչյա Ղափլանյանը, հայ անվանի ռեժիսոր, դերասան (ծն. 1923 թ.):	Օգոստոսի 18 Մկրտիչ Պեշիկթաշլյան 1750 թ. – ծնվել է Անտոնիո Սալիերին, իտալացի երգահան, դիրիժոր և մանկավարժ (մահ. 1825 թ.)։ 1828 թ. – ծնվել է Մկրտիչ Պեշիկթաշլյանը, հայ բանաստեղծ (մահ. 1868 թ.)։ 1868 թ. – ֆրանսիացի աստղագետ Պիեռ Ժանսենը հայտնագործեց Հելիում քիմիական տարրը։ 1877 թ. – Ասաֆ Հոլլը հայտնաբերեց Մարսի արբանյակ Ֆոբոսը։ 1917 թ. – Հունաստանի Սալոնիկ քաղաքում տեղի ունեցավ մեծ հրդեհ, ինչի հետևանքով այրվեց մոտ 120 հեկտար տարածք, հրդեհից վնասվածքներ ստացան մոտ 72.000 մարդ։ 1922 թ. – ծնվել է Աշոտ Սուքիասյանը, հայ լեզվաբան, բանասիրական գիտությունների դոկտոր, պրոֆեսոր, ՀԽՍՀ գիտության վաստակավոր գործիչ (մահ. 2007 թ.)։ 1991 թ. – ԽՍՀՄ առաջին նախագահ Միխայիլ Գորբաչովի նկատմամաբ հայտարարվեց տնային կալանք։ 1994 թ. – մահացել է Վազգեն Ա-ն, Ամենայն Հայոց 130-րդ Կաթողիկոս (ծն. 1908 թ.)։ 2006 թ. – Ռայնովիլ Փրոփըրթի Լիմիթիդ միջազգային ընկերությունը 40 միլիոն ԱՄՆ դոլարով գնեց Նաիրիտ գործարանի բաժնետոմսերի 90%-ը։
Օգոստոսի 19 Կոկո Շանել 1071 թ. – տեղի ունեցավ Մանազկերտի ճակատամարտը, սելջուկ-թուրքերի և բյուզանդական զորքերի միջև։ 1812 թ. – տեղի ունեցավ Բալուտինո լեռան ճակատամարտը՝ Ռուսական կայսրություն և Ֆրանսիայի պատերազմի ամենանշանավոր ճակատամարտերից մեկը։ 1881 թ. – ծնվել է Ջորջե Էնեսկուն, ռումինացի կոմպոզիտոր, ջութակահար, դիրիժոր և մանկավարժ, ազգային դասական, 20-րդ դարի մեծագույն երաժիշտներից մեկը (մահ. 1955 թ.)։ 1883 թ. – ծնվել է Կոկո Շանելը, ֆրանսիացի աշխարհահռչակ մոդելյոր, (մահ. 1971 թ.)։ 1927 թ. – ծնվել է Էդուարդ Ավագյանը, հայ գրող, բանաստեղծ, արձակագիր, թարգմանիչ (մահ. 2010 թ.)։ 1945 թ. – ծնվել է Յան Գիլանը, շոտլանդական ծագմամբ անգլիացի ռոք-վոկալիստ, Դիփ Փարփլ լեգենդար ռոք-խմբի երգիչը։ 1946 թ. – ծնվել է Բիլ Քլինթոնը, ԱՄՆ-ի 42-րդ նախագահը։ 1960 թ. – տիեզերք թռավ Սպուտնիկ-5 տիեզերանավը Բելկա և Ստրելկա շների հետ միասին։ 1991 թ. – ԽՍՀՄ-ում ռազմական հեղաշրջման փորձ արվեց։ 2005 թ. - Կանադայի Օնտարիո նահանգում տեղի ունեցավ ուժեղ փոթորիկ, որի վնասը կազմեց մոտ 500 միլիոն դոլար։	Օգոստոսի 20 Էդուարդ Իսաբեկյան 636 թ. – ավարտվեց Յարմուք գետի ճակատամարտը մուսուլման արաբների և Բյուզանդական կայսրության միջև: 1828 թ. – Փարիզի Թագավորական երաժշտական ակադեմիայում տեղի կայացավ իտալացի երգահան Ջոակինո Ռոսսինիի Կոմս Օրի կոմիկական օպերայի պրեմիերան։ 1886 թ. – ծնվել է Տիգրան Մուշեղյանը, հայ նշանավոր ֆիզիոլոգ, 1973 թվականից Երևանի պետական համալսարանի ֆիզիոլոգիայի ամբիոնը կրում է նրա անունը (մահ. 1935 թ.): 1900 թ. – ծնվել է Գրիգոր Շլդյանը, հայ նկարիչ 20-րդ դարի ռեալիստական արվեստի խոշոր ներկայացուցիչ (մահ. 1985 թ.)։ 1950 թ. – ծնվել է Ռոբերտ Սահակյանցը, հայ ճանաչված ռեժիսոր, մուլտիպլիկատոր (մահ. 2009 թ.)։ 1960 թ. – Սենեգալը անկախացավ Ֆրանսիայից։ 1988 թ. – պաշտոնապես ավարտվեց Իրանա-իրաքյան պատերազմը: 1991 թ. – Էստոնիան հայտարարեց իրեն անկախ ԽՍՀՄ-ից։ 2007 թ. – մահացել է Էդուարդ Իսաբեկյանը, հայ նշանավոր նկարիչ (ծն. 1914 թ.):
Օգոստոսի 21 Մոնա Լիզա 1770 թ. – Ջեյմս Կուկը հայտարարեց Ավստրալիան բրիտանական տարածք և անվանեց այն Նոր Հարավային Ուելս։ 1911 թ. – Լուվրից Մոնա Լիզա կտավի գողության փորձ արվեց։ 1930 թ. – ծնվել է Քրիստիան Լեգրանը, ազգությամբ հայ, ֆրանսիական էստրադայի երգչուհի, Միշել Լեգրանի քույրը։ 1951 թ. – ծնվել է Ամենայն Հայոց Կաթողիկոս Գարեգին Բ-ն։ 1957 թ. – ԽՍՀՄ-ում Սերգեյ Կորոլյովի ղեկավարությամբ թողարկվեց առաջին միջմայրցամաքային բալիստիկ հրթիռը՝ «Ռ-7»։ 1959 թ. – Հավային դարձավ ԱՄՆ-ի 50-րդ նահանգը։ 1962 թ. – տեղի ունեցավ «Տժվժիկ» հայկական ֆիլմի պրեմիերան, նկարահանված Ատրպետի պատմվածքի հիման վրա։ 1967 թ. – ծնվել է Սերժ Թանկյանը, ամերիկահայ ռոք երաժիշտ, System of a Down խմբի հիմնադիր։	Օգոստոսի 22 Հովհաննես Իսակովի հիշատակին նվիրված ԽՍՀՄ փոստային նամականիշ 1794 թ. – հիմնադրվեց Օդեսա քաղաքը։ 1862 թ. – ծնվել է Կլոդ Դեբյուսին, ֆրանսիացի նշանավոր երգահան, երաժշտական քննադատ (մահ. 1918 թ.): 1864 թ. – ստորագրվեց առաջին Ժնևյան կոնվենցիան, ստեղծվեց Կարմիր Խաչի միջազգային կոմիտեն։ 1892 թ. – մահացել է Ռափայել Պատկանյանը, հայ նշանավոր գրող և մտավորական (ծն. 1830 թ.): 1894 թ. – ծնվել է Հովհաննես Իսակովը, հայ ԽՍՀՄ ծովակալ (մահ. 1967 թ.): 1920 թ. – ծնվել է Ռեյ Բրեդբերին, ամերիկացի նշանավոր ֆանտաստ գրող (մահ. 2012 թ.): 1991 թ. – Ռուսաստանը ընդունեց իր պետական դրոշը: 1993 թ. – Արցախյան ազատամարտի հայկական զինված ուժերի կազմում կռվող Օսական ջոկատը գրավեց Ֆիզուլի քաղաքը։ 2002 թ. – ՀՀ նախագահի հրամանագրով ստեղծվեցին մի շարք Հայաստանի Հանրապետության պետական մրցանակներ: 2006 թ. – Անապայից Սանկտ Պետերբուրգ թռչող Պուլկովյան ավիաուղիների Տու-154 ինքնաթիռը վթարի ենթարկվեց Դոնեցկ քաղաքի մոտ, ինչի արդյունքում մահացան ինքնաթիռում գտնվող բոլոր 160 մարդիկ։
Օգոստոսի 23 Սուրեն Քոչարյան 1303 թ. – Լոնդոնում մահապատժի ենթարկվեց Շոտլանդիայի ազգային հերոս Ուիլյամ Ուոլասը։ Նրա կյանքի պատմության հիման վրա է նկարահանվել հանրահայտ «Քաջ սիրտը» ֆիլմը։ 1806 թ. – մահացել է Շառլ Օգյուստեն Կուլոնը, ֆրանսիացի ֆիզիկոս (ծն. 1736 թ.)։ 1904 թ. – ծնվել է Սուրեն Քոչարյանը, խորհրդային էստրադայի արտիստ, ասմունքող (մահ. 1979 թ.)։ 1908 թ. – ծնվել է Արթյուր Ադամովը, ֆրանսահայ գրող, արձակագիր և դրամատուրգ (մահ. 1970 թ.)։ 1921 թ. – Հույն-թուրքական պատերազմների շրջանակներում Սանգարիոս (Սաքարյա) գետի մոտ տեղի ունեցած խոշոր ճակատամարտում Զմյուռնիայից հեռացած և հիմնական հենակետերից կտրված, եվրոպական պետությունների օգնությունից զրկված հունական բանակը պարտվեց, ինչը արագացրեց Անտանտի հակաթուրքական դաշինքի քայքայումը։ 1939 թ. – ԽՍՀՄ-ի և Գերմանիայի միջև կնքվեց միմյանց վրա չհարձակվելու պայմանագիր։ 1990 թ. – Հայաստանը հռչակեց իր անկախությունը ԽՍՀՄ-ից։ 1993 թ. – Արցախյան ազատամարտերի ժամանակ հայկական զինված խմբավորումները գրավեցին Ջեբրաիլ շրջկենտրոնը և համանուն շրջանը։ 1999 թ. – Երևանում բացվեցին Համահայկական Առաջին խաղերը։	Օգոստոսի 24 Հայաստանի դրոշ 79 թ. – ժայթքեց Վեզուվ հրաբուխը, ինչի արդյունքում կործանվեցին Պոմպեյ, Հերկուլանում և Ստաբիի քաղաքները։ 1902 թ. – ծնվել է Ֆեռնան Բրոդելը, ֆրանսիացի նշանավոր պատմաբան (մահ. 1985 թ.)։ 1926 թ. – հիմնադրվեց Բարսելոնա ԲԱ իսպանական բասկետբոլային ակումբը։ 1947 թ. – ծնվել է Պաուլո Կոելիոն, բրազիլացի հայտնի գրող, արձակագիր, բանաստեղծ։ 1948 թ. – ծնվել է Ժան Միշել Ժարը, ֆրանսիացի կոմպոզիտոր, երաժիշտ, էլեկտրոնային երաժշտության հիմնադիրներից։ 1990 թ. – մահացել է Սերգեյ Դովլաթովը, հայ-հրեական ծագումով ռուս գրող (ծն. 1941 թ.)։ 1991 թ. – Ուկրաինան անկախացավ ԽՍՀՄ-ից։ 1991 թ. – ընդունվեց Հայաստանի դրոշը։ 1993 թ. – սկսվեց Մայքլ Ջեքսոնի Dangerous համաշխարհային շրջագայության 2-րդ մասը։ 1995 թ. – թողարկվեց Windows 95 օպերացիոն համակարգը։
Օգոստոսի 25 Սիլվա Կապուտիկյան 1530 թ. – ծնվել է Իվան IV Ահեղը, Մոսկվայի և ամենայն Ռուսիո մեծ իշխան, ամենայն Ռուսիո ցար (մահ. 1584 թ.)։ 1900 թ. – մահացել է Ֆրիդրիխ Նիցշեն, գերմանացի աշխարհահռչակ փիլիսոփա, բանաստեղծ, կոմպոզիտոր (ծն. 1844 թ.)։ 1902 թ. – ծնվել է Մուրադ Կոստանյանը, թատրոնի և կինոյի հայ դերասան («01-99», «Հարսնացու հյուսիսից», «Երջանկության մեխանիկա», մահ. 1992 թ.)։ 1908 թ. – մահացել է Անրի Բեքերելը, ֆրանսիացի ֆիզիկոս, հայտնագործել է ռադիոակտիվության երևույթը (ծն. 1852 թ.)։ 1928 թ. – անգլիական Չելսի ֆուտբոլային ակումբը առաջին անգամ ֆուտբոլի պատմության մեջ կրեց համարներով համազգեստներ։ 1966 թ. – ծնվել է Դերեկ Շերինյանը, ամերիկահայ երաժիշտ։ 1991 թ. – Բելառուսը անկախացավ ԽՍՀՄ-ից։ 2003 թ. – հայտնաբերվեց Ուրանի արբանյակ Կուպիդոնը։ 2006 թ. – մահացել է Սիլվա Կապուտիկյանը, հայ գրող, բանաստեղծուհի, հասարակական գործիչ, (ծն. 1919 թ.)։	Օգոստոսի 26 Վերֆելը և նրա "Մուսա լեռան 40 օրը" վեպի հերոսը Հայաստանի 1995 թ. փոստային նամականիշի վրա 1666 թ. – մահացել է Ֆրանս Հալսը, հոլանդացի նկարիչ (ծն. 1583 թ.): 1743 թ. – ծնվել է Անտուան Լորան Լավուազիեն, ֆրանսիացի քիմիկոս, այրման թթվածնային տեսության, դրանով՝ նաև գիտական քիմիայի հիմնադիր (մահ. 1794 թ.): 1812 թ. – տեղի ունեցավ Բորոդինոյի ճակատամարտը. 1812 թվականի Հայրենական պատերազմի ամենախոշոր ճակատամարտը ռուսական և ֆրանսիական զորքերի միջև: 1850 թ. – մահացել է Լուի Ֆիլիպը, ֆրանսիացի թագավոր 1830 թ. օգոստոսի 9-ից առ 1848 թ. փետրվարի 24-ը, ստացել է «արքա քաղաքացի» («le Roi-Citoyen») մականունը, Բուրբոնների հարստության Օրլեանի ճյուղի ներկայացուցիչ (ծն. 1773 թ.): 1880 թ. – ծնվել է Գիյոմ Ապոլիները, ծագումով լեհ ֆրանսիացի բանաստեղծ, 20-րդ դարի եվրոպական ավանգարդի ամենավառ դեմքերից մեկը (մահ. 1918 թ.): 1892 թ. – մահացել է Ռափայել Պատկանյանը, հայ գրող և մտավորական (ծն. 1830 թ.): 1915 թ. – Մեծ Եղեռնի ընթացքում թուրք ոճրագործների կողմից սպանվեց Ռուբեն Սևակը, հայ բանաստեղծ, արձակագիր, բժիշկ (ծն. 1885 թ.): 1945 թ. – մահացել է Ֆրանց Վերֆելը, ավստրիացի գրող և հումանիստ, «Մուսա լեռան քառասուն օրը» ստեղծագործության հեղինակը (ծն. 1890 թ.): 2008 թ. – Ռուսաստանը ճանաչում է Հարավային Օսիայի և Աբխազիայի անկախությունը։
Օգոստոսի 27 Տիցիանի ինքնադիմանկար 1576 թ. – մահացել է Տիցիանը, վերածնունդի Իտալիայի 16-րդ դարի վենետիկյան դպրոցի վաղ շրջանի ներկայացուցիչ, իտալական բարձր վերածնունդի գլխավոր ներկայացուցիչներից մեկը (ծն. 1477 թ.)։ 1770 թ. – ծնվել է Գեորգ Վիլհելմ Ֆրիդրիխ Հեգելը, գերմանացի փիլիսոփա-իդեալիստ, գերմանական դասական փիլիսոփայության կարկառուն ներկայացուցիչներից մեկը, օբյեկտիվ իդեալիստական հիմքի վրա դիալեկտիկայի համակարգված տեսության հիմնադիրը (մահ. 1831 թ.)։ 1828 թ. – ռուսական զորքերը Օսմանյան կայսրությունից նվաճեցին Ախալցխայի բերդը։ 1871 թ. – ծնվել է Թեոդոր Դրայզերը, ամերիկյան գրող, հասարակական գործիչ, ամերիկյան քննադատական ռեալիզմի խոշորագույն ներկայացուցիչներից մեկը (մահ. 1945 թ.)։ 1884 թ. – ծնվել է Ալեքսանդրե Աբաշելին, վրացի բանաստեղծ (մահ. 1954 թ.)։ 1896 թ. – Բրիտանական կայսրության և Զանզիբարի միջև տեղի ունեցավ աշխարհի ամենակարճ պատերազմը։ 1941 թ. – ծնվել է Սեզարիա Էվորան, երգչուհի Կաբո Վերդեից, կատարել է մորնա, ֆադու և մոդինյա ժանրերի երաժշտություն (մահ. 2011 թ.)։ 1956 թ. - ծնվել է Կոնստանտին Օրբելյան կրտսերը, դիրիժոր, դաշնակահար, ՌԴ վաստակավոր արտիստ (2004), Ալեքսանդր Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար (2016-ից): 2003 թ. — Մարսն առաջին անգամ 60 000 տարվա ընթացքում մոտեցավ Երկրին ռեկորդային մոտ տարածության։ 2007 թ. – մահացել է Մարկոս Գրիգորյանը, ամերիկահայ նկարիչ, գորգագետ, հողարվեստի ուղղության հիմնադիր (ծն. 1925 թ.)։	Օգոստոսի 28 Կրակատաու հրաբուխը 430 թ. – մահացել է Օգոստինոս Երանելին, փիլիսոփա և աստվածաբան, լատինական հայրաբանության կարկառուն ներկայացուցիչ, կաթոլիկ եկեղեցու հայր (ծն. 354 թ.)։ 1565 թ. – հիմնադրվեց ԱՄՆ-ի ամենահին քաղաքը՝ Սենտ Օգուստինը, Ֆլորիդա նահանգի Սենտ Ջոնս շրջանի շրջկենտրոնը։ 1733 թ. – Նեապոլում կայացավ Ջովաննի Բատիստա Պերգոլեզիի «Սպասուհին՝ տիրուհի» օպերայի առաջնախաղը։ 1790 թ. – Ռուս-թուրքական պատերազմների ժամանակ Սև ծովում տեղի ունեցավ ծովային մարտում ռուսական նավատորմը հաղթանակ տարավ Օսմանյան կայսրության նկատմամբ։ 1883 թ. – ժայթքեց Ինդոնեզիական Կրակատաու հրաբուխը, ինչի հետևանքով հրաբխի կղզին ծածկվեց մոտ 30 կմ հաստությամբ լավայով։ 1937 թ. – ստեղծվեց Տոյոտա ընկերությունը։ 1982 թ. – ծնվել է Կարո Փարիզյանը, ընդհանուր մենամարտերի ամերիկահայ մարզիկ։ 2004 թ. – Սինգապուրում սկսվեց ֆիլատելիայի պատմության մեջ Նամականիշերի համաշխարհային առաջին առաջնությունը։
Օգոստոսի 29 Ինգրիդ Բերգմանը «Գազային լույս» ֆիլմում 1862 թ. – ծնվել է Մորիս Մետերլինկը, բելգիացի ֆրանսալեզու գրող, բանաստեղծ, դրամատուրգ, փիլիսոփա և Նոբելյան մրցանակակիր (մահ. 1949 թ.)։ 1897 թ. – Բազելում տեղի ունեցավ առաջին սիոնական կոնգրեսը։ 1915 թ. – ծնվել է Ինգրիդ Բերգմանը, շվեդ նշանավոր դերասանուհի (մահացել է 1982 թ. նույնպես օգոստոսի 29-ին)։ 1949 թ. – ԽՍՀՄ-ում փորձարկվեց առաջին ատոմային ռումբը՝ ՌԴՍ-1-ը։ 1968 թ. – Երևանում կայացավ Սերգեյ Փարաջանովի «Նռան գույնը» ֆիլմի պրեմիերան։ 1982 թ. – Գերմանիայի Դարմշտադտ քաղաքի ծանր իոնների ինստիտուտում հայտնաբերվեց պարբերական աղյուսակի 109-րդ քիմիական տարրը՝ մայտներիումը։ 2005 թ. – սկսվեց «Փախուստ բանտից» ամերիկյան հեռուստասերիալի առաջին ցուցադրությունը։ 2009 թ. – ռուսական «Զենիթ» ֆուտբոլային ակումբը դարձավ ՈՒԵՖԱ Սուպեր գավաթի հաղթող՝ եզրափակիչ խաղում հաղթանակ տանելով անգլիական «Մանչեսթեր Յունայթեդ» ակումբի նկատմամբ։ 2012 թ. – Լոնդոնում սկսվեցին 15-րդ Ամառային Պարալիմպիկ խաղերը։	Օգոստոսի 30 Անդրանիկ Օզանյան 1918 թ. – կին հեղափոխական Ֆաննի Կապլանը մահափորձ կատարեց Վլադիմիր Լենինի վրա։ 1922 թ. – Հույն-թուրքական պատերազմների ժամանակ Դումլու Փընարի մոտ հունական բանակը պարտություն կրեց։ 1927 թ. – մահացել է Անդրանիկ Օզանյանը, հայ մեծանուն հայդուկապետ և զորահրամանատար, Ազգային հերոս (ծն. 1865 թ.)։ 1940 թ. – տեղի ունեցավ ժամանակի ճանաչված կինոաստղեր Լոուրենս Օլիվիեի և Վիվիեն Լիի հարսանիքը։ 1960 թ. – ծնվել է Բակո Սահակյանը, Արցախի նախագահ, Արցախյան ազատամարտի մասնակից, Գեներալ-գնդապետ։ 1991 թ. – Ադրբեջանի Խորհրդային Սոցիալիստական Հանրապետությունը դուրս եկավ ԽՍՀՄ-ի կազմից։ 1995 թ. – համարվում է Օպերա դիտարկիչի ստեղծման օր։ 1999 թ. – մահացել է Քրիստափոր Իվանյանը, հայ ռազմական գործիչ, գեներալ-լեյտենանտ, Երկրորդ համաշխարհային պատերազմի և Արցախյան ազատամարտի մասնակից, Արցախի հերոս «Ոսկե արծիվ» շքանշանակիր (ծն. 1920 թ.)։
Օգոստոսի 31 Ռոբերտ Քոչարյան 12 թ. – ծնվել է Կալիգուլան, հռոմեական կայսր (մահ. 41 թ.)։ 1908 թ. – ծնվել է ամերիկահայ նշանավոր գրող Վիլյամ Սարոյանը (մահ. 1981 թ.)։ 1940 թ. – տպագրվեց թուրքահայ Մարմարա օրաթերթի առաջին համարը։ 1952 թ. – ծնվել է Քիմ Քաշքաշյանը, ամերիկահայ երաժիշտ, ալտահար։ 1954 թ. – ծնվել է Ռոբերտ Քոչարյանը, Հայաստանի երկրորդ նախագահ։ 1973 թ. – մահացել է Ջոն Ֆորդը, ամերիկացի նշանավոր ռեժիսոր, Օսկարի պատմության միակ ռեժիսորն է, ով 4 անգամ ստացել է Օսկար լավագույն ռեժիսորի համար մրցանակը (ծն. 1894 թ.)։ 1987 թ. – Մայքլ Ջեքսոնը թողարկեց իր Bad ալբոմը։ 1991 թ. – Ղրղզստանը անկախացավ ԽՍՀՄ-ից։ 1993 թ. – Արցախյան ազատամարտի ժամանակ հայկական զինված ուժերը գրավեցին Կուբաթլու քաղաքը։