Վիոլետ Գրիգորյան

Վիքիպեդիայից՝ ազատ հանրագիտարանից
Վիոլետ Գրիգորյան
Ծնվել է դեկտեմբերի 23, 1962
Ծննդավայր Թեհրան (Իրան)

Վիոլետ Գրիգորյան (1962 թ. Թեհրան), հայ բանաստեղծ, էսսեիստ։ Ստացել է Հայաստանի գրողների միության ամենամյա լավագույն գրքի մրցանակը «Ճշմարիտ, ճշմարիտ եմ ասում» բանաստեղծությունների ժողովածուի համար (1991 թ.), «Ոսկե եղեգ» մրցանակը «Քաղաքը» բանաստեղծության գրքի համար 2000 թ.։ «Ինքնագիր» գրական հանդեսի խմբագիրն է։ Անդամ է «Ինքնագիր» գրական ակումբի և Հայաստանի գրողների միության։

Կենսագրությունը[խմբագրել]

Վիոլետ Գրիգորյանը ծնվել է Թեհրանում բանվորի ընտանիքում։ 1975 թվականին ընտանիքով տեղափոխվել է Սովետական Հայաստան և բնակություն հաստատել Աբովյան քաղաքում։ Սովորել և ավարտել է Երևանի մանկավարժական ինստիտուտը (այժմ Հայկական Պետական Մանկավարժական Համալսարան) 1982-1987 թթ։ Համախոհների հետ 2001 թվին հիմնադրել է «Բնագիր» գրական հանդեսը ու եղել նրա համախմբագիրը։ Ինը համար հրատարկվելուց հետո «Բնագիրը» փակվել է։ 2005 թ հիմնադրել է «Ինքնագիր» գրական հանդեսը, որի խմբագիրն է այժմ։ 2001-ին համախոհների հետ ստեղծել է գրական ակումբ, իսկ 2007-ին այն ներառվել է «Ինքնագիր գրական ակումբ» հասարակական կազմակերպության մեջ։

Բանաստեղծությունները և էսսեները հրապարակվել են Երևանում «Գարուն», «Բնագիր» , «Ինքնագիր» ամսագրերում, «Գրական թերթ», «Ժամանակ-Երևան», «Անկախ», «Հայկական ժամանակ», tert.am, Թեհրանի «Ալիք» թերթերում։ Վիոլետ Գրիգորյանի գործերը անգլերեն հրատարկվել են Նյու Յորքի Ararat թերթում, "Deviation. Anthology of Contemporary Armenian Literature" inknagir literary club, Yerevan, 2008, ISBN 978-99941-2-188-5 Էմիլի Արթինյանի հրատարակած "From Ararat to Angeltown" գրքում (Լոնդոն, 2005թ.), ֆրանսերեն՝ "Arménie(s)։ texts et images" գրքում (paris 2006թ.), "Avis de recherché" Anthology of contemporary Armenian poetry" (Parentheses, Marselle, 2006, ISBN 2-86364-167-0/972-2-86364-167-5)։

Ստեղծագործությունները[խմբագրել]

Ծլի, ծլի, ծլիկս, պստըլիկ խլւլիկս, ձայնազուրկ ու թլիկս, անլեզու ծլւլիկս, գեղագանգուր ցլիկս, ամենակուլ բկլիկս, վարդաշրթունք պցիկս, անլուսամուտ խցիկս, թոթովխօս ճտպտիկս, խորոտիկ վտվտիկս, ջրիկ ու կչկչիկս, գլուխգովան փչիկս, չար, խաղացկուն բալիկս, մշտականգուն ֆալիկս, խարտիշածամ փափլիկս, գլխիդ տուած բամփլիկս, ծափ-ծափիկ ափլփիկս, տափը մտած խաբլիկս, մերթ անթրաշ ու մերթ էլ բմբըլահան սափրիկս, սափրագլուխ տափլիկս, անբարբառ շրթունքիկս, վարդավառ վարդշունչիկս, հարսնաբար լուռ-մունջիկս, ներս գցող ու դնջիկս, սիրտը դող տրտունջիկս, ճոխ պուճախ ու քունջիկս, խունջիկ-մունջիկ փունջիկս, սարի լալայ, սմբուլս, բաղի բալայ, բլբուլս, ճնճուղի թև, թռիկս, հևիհև թռվռիկս, սասնա խև ու ծռիկս, բազմաձև դև, ֆռիկս, վառման հնոց փռիկս, անմար բոց ու ժրիկս, ճռճռան ու ճռիկս, աղունիկ աղուորիկս, սրտիկդ դաղւորիկս, քաջ զավակ, Տալւորիկս, կարմրատոտիկ լորիկս, լորիկս, պլորիկս…[1]

Հրատարակած գրքերը[խմբագրել]

  • «Կամուրջ դեպի Տանյան», Էսսեներ- Երևան, Անտարես 2012, ISBN 978-9939-51-397-3
  • «Հարեմի Վարդը»- "Harem rose", բանաստեղծություններ, հայերեն-անգլերեն, L.A. California 2009, I-BEN 818-246-5553
  • «Սեր»-"Amour", բանաստեղծություն, հայերեն-ֆրանսերեն (ֆրանսերեն թարգմանեց Դընի Դոնիկյանը), Ակտուալ արվեստ, Երևան 2006, ISBN 99941-801-2-6
  • «Սեր»-Love, բանաստեղծություն (Արարատ Սարգսյանի նկարների հետ), հայերեն և անգլերեն, Երևան 2002թ.
  • "Que cet hiver est rude"-«Այս ինչ դժվար ձմեռ է», բանաստեղծություններ, հայերեն-ֆրանսերեն, et editions A Die, Die 2000, ISBN 2-908730-66-9
  • «Քաղաքը», բանաստեղծություն, Լոս Անջելես 1998 թ
  • «Ճշմարիտ ճշմարիտ եմ ասում», բանաստեղծություններ Երևան 1991, Լոս Անջելես 1998

Արտաքին հղումներ[խմբագրել]

  1. «Մեր լեզուն, մեր սեքսը»՝ մաս երկրորդ