Վիմ Վենդերս

Վիքիպեդիայից՝ ազատ հանրագիտարանից
Վիմ Վենդերս
Wilhelm Ernst Wenders
Vimu Vendâsu
Wim Wenders (Berlin Film Festival 2011).jpg
ռեժիսոր, սցենարիստ, պրոդյուսեր, դերասան
Ծնվել է օգոստոսի 14, 1945 (1945-08-14) (69 տարեկան)
Ծննդավայր Դյուսելդորֆ, Գերմանիա
Քաղաքացիություն Գերմանիա Գերմանիա
Ազգություն Գերմանիա Գերմանիա
Ամուսին Դոնատա Վենդերս
(1993 - ցայսօր)
Իզաբել Վայնգարտեն
(1981 - 1982)
Ռոնի Բլեքլի
(1979 - 1981)
Լիզա Քխոյցա
(1974 - 1978)
Էդա Քյոքլ
(1968 - 1974)
Կայք wim-wenders.com

Կյանքը և կարիերան[խմբագրել]

Վիմ Վենդերսը (գերմ.՝ Wilhelm Ernst Wenders) ծնվել է 1945 թվականին Դյուսելդորֆ քաղաքում, Գերմանիա։ Օբերհաուզենի գիմնազիան ավարտելուց հետո բժշկություն (1963-64) և փիլիսոփայություն (1964-65) է սովորել Ֆրայբուրգում ու Դյուսելդորֆում։ 1966-ին մեկնել է Փարիզ՝ նկարիչ դառնալու նպատակով։ Արվեստի ակադեմիայի ընդունելության քննությունը չի անցել, փոխարենը դարձել է փորագրիչ Մոնպառնասում ապրող ամերիկացի արվեստագետ Ջոնի Ֆրիդլանդերի արվեստանոցում։ Այս ընթացքում տարվել է կինոյով. տեղի կինոթատրոնում օրական հինգ ֆիլմ էր դիտում։ 1967-ին վերադարձել է Գերմանիա և աշխատանքի անցել United Artists կինոընկերության Դյուսելդորֆի գրասենյակում։ Այդ տարվա աշնանն ընդունվել է Մյունխենի հեռուստատեսության և կինոյի բարձրագույն դպրոցը։ 1967-70 թթ., սովորելուն զուգընթաց, կինոքննադատ է աշխատել FilmKritik պարբերականում, ապա` Sddeutsche Zeitung մյունխենյան օրաթերթում, Twen magazine-ում և Der Spiegel-ում։ Համալսարանը «Ամառը քաղաքում» լայնամետրաժ 16 մմ-անոց սև-սպիտակ ֆիլմով ավարտելուց առաջ մի շարք կարճամետրաժ ֆիլմեր է նկարահանել։ Կինոկարիերան սկսել է որպես 1960-ականների վերջին Նոր գերմանական կինոյի ներկայացուցիչ` 1970-ին ասպարեզ եկած «Ամառը քաղաքում» իր ռեժիսորական երախայրիքով։ Վենդերսի ստացած մրցանակների թվում են Վենետիկի ՄԿՓ-ի «Ոսկե առյուծը»` «Իրերի վիճակը» ֆիլմի համար (1982), Կաննի կինոփառատոնում Ոսկե արմավենու ճյուղը` «Փարիզ, Թեքսաս»-ի համար (1984), և լավագույն ռեժիսորական աշխատանքի մրցանակը՝ «Ցանկության թևեր»ի (1987) համար։ 1989-ին Փարիզի Սորբոնի համալսարանի, իսկ 2005-ին Բելգիայի Լուվենի կաթոլիկական համալսարանի պատվավոր դոկտորի կոչում է ստացել։ 2005-ին արժանացել է Լոկառնոյի միջազգային կինոփառատոնի պատվավոր «Ընձառյուծ» մրցանակին։ Մի շարք վավերագրական ֆիլմերի հեղինակ է։ Դրանցից ամենահիշարժաններից են ««Բուենա Վիստա» ակումբը»` կուբացի երաժիշտների մասին, և «Մարդու հոգին»` ամերիկյան բլյուզի մասին։ Բազմաթիվ երաժշտական տեսահոլովակներ է նկարահանել U2 խմբի մասնակցությամբ, ինչպես, օրինակ, «Stay (Faraway, So Close!)»-ը, և մի շարք գովազդային հոլովակներ հեռուստատեսության համար։ Վենդերսը Համաշխարհային կինոյի հիմնադրամի վարչության անդամ է։ Այս նախագիծը, որի հիմնադիրը Մարտին Սկորսեզեն է, նպատակ ունի գտնելու և վերանորոգելու համաշխարհային կինոյի վաղուց մոռացված ֆիլմերը։ 1996-ից Վենդերսը Եվրոպական կինոակադեմիայի նախագահն է, ինչպես նաև Համբուրգի արվեստի քոլեջի պրոֆեսոր։ Ապրում ու ստեղծագործում է Բեռլինում և ԱՄՆ-ում։ «Պինա» ֆիլմից առաջ՝ 2009 և 2010, թվականներին նկարահանել է 2 կարճամետրաժ եռաչափ ֆիլմ։

Մրցանակներ և նոմինացիաներ[խմբագրել]

  • «Օսկար» - 2012 թ. նոմինացիա լավագույն վավերագրական ֆիլմ «Պինա»
  • «Օսկար» - 2000 թ. նոմինացիա լավագույն վավերագրական ֆիլմ ««Բուենա Վիստա» ակումբը»
  • «BAFTA» - 2012 թ. նոմինացիա լավագույն վավերագրական ֆիլմ «Պինա»
  • «BAFTA» - 2000 թ. նոմինացիա լավագույն վավերագրական ֆիլմ ««Բուենա Վիստա» ակումբը»
  • «BAFTA» - 1989 թ. նոմինացիա լավագույն օտարալեզու ֆիլմ «Ցանկության թևերը»
  • «BAFTA» - 1985 թ. մրցանակ լավագույն ռեժիսոր «Փարիզ, Թեքսաս»
  • Բեռլինի կինոփառատոն - 2000 թ. մրցանակ «Արծաթե արջ» «Հյուրանոց «Միլիոն դոլար»» ֆիլմի համար
  • Բեռլինի կինոփառատոն - 2000 թ նոմինացիա «Ոսկե արջ» «Հյուրանոց «Միլիոն դոլար»» ֆիլմի համար
  • Կաննի կինոփառատոն - 1984 թ. մրցանակ «Ոսկե արմավենու ճյուղ» «Փարիզ, Թեքսաս» ֆիլմի համար
  • «David di Donatello» - 1985 թ. «Փարիզ, Թեքսաս» ֆիլմի համար
  • «Ոսկե ծիրան» - 2008 թ. «Փարաջանովյան թալեր»` համաշխարհային կինոյում խոշոր վաստակի համար

Ֆիլմոգրաֆիա[խմբագրել]

Վիմ Վենդերսը Կաննի կինոփառատոնի ժամանակ
Վիմ Վենդերսը՝ «Նկարահանում Պալերմոյում» ֆիլմի պրեմիերայի ժամանակ
Ֆիլմերը
Տարի Անուն
2011 Պինա
2010 Եթե շենքերը խոսել իմանային
2008 8
2008 Նկարահանում Պալերմոյում
2007 Յուրաքանչյուրին՝ իր կինոն մաս «Պատերազմ խաղախության ժամանակ»
2007 Անտեսանելիները
2005 Մտեք առանց դուռը ծեծելու
2004 Առատության երկիր
2003 Մարդու հոգին
2003 Ճանապարհի մյուս կողմը
2002 Ներբող Քյոլնին։ Ռոքնռոլային ֆիլմ
2000 Հյուրանոց «Միլիոն դոլար»
1999 «Բուենա Վիստա» ակումբը
1998 Ուիլի Նելսոնը «Տեատրո»-ում
1997 Բռնության վերջը
1995 Լյումիեր և ընկերություն
1995 Սկլադանովսկի եղբայրները
1995 Ամպերից այն կողմ
1994 Լիսաբոնյան պատմություն
1993 Այսքան հեռու, այսքան մոտ
1992 Արիշա արջը և քարե օղակը
1991 Մինչև աշխարհի վերջը
1989 Նոթեր հագուստների և քաղաքների մասին
1987 Ցանկության թևերը
1984 Փարիզ, Տեխաս
1984 Վավերադրամա
1982 Իրերի վիճակը
1982 Հեմեթ
1980 Կայծակ ջրի վրա
1977 Ամերիկացի բարեկամը
1979 Ժամանակի ընթացքում
1975 Կեղծ շարժում
1974 Ալիսը քաղաքներում
1973 Ալ տառը
1972 Դարպասապահի վախը 11-մետրանոցից
1970 Ամառը քաղաքում

Հղումներ[խմբագրել]