Վիզգցուկ

Վիզգցուկ
Գիտական դասակարգում
Թագավորություն Կենդանիներ Տիպ Քորդավորներ Դաս Թռչուններ Կարգ Piciformes Ընտանիք Picidae Ցեղ Jynx
Լատիներեն անվանում
Jynx torquilla Linnaeus, 1758)
Հատուկ պահպանություն
Քիչ մտահոգող տեսակ IUCN 3.1 Least Concern : ???
Արեալ
Բնադրման արեալ      Ձմեռային արեալ
Դասակարգումը Վիքիցեղերում Պատկերներ Վիքիպահեստում ITIS 178150 NCBI 189526 EOL 917141

Վիզգցուկ (լատին․՝ Jynx torquilla), տարածված է Եվրոպայում, Աֆրիկայից մինչև Ճապոնիա, Փոքր Ասիայում, Իրանում և Միջին Ասիայում։ Ճնճղուկի մեծության թռչուն է, մարմնի վերին մասը գորշամոխրագույն է՝ մուգ և բաց խայտերով, գլխի վրայի մուգ բծիկները ձուլվելով պարանոցին ու մեջքին, վերածվում է մուգ շերտերի, թևերը և պոչը շիկավուն են՝ մուգ և ժանգագույն շերտերով, մարմնի ստորին մասը շիկամոխրագույն ՝ բարակ, լայնակի մուգ գծերով, կտուցը թույլ է և ուղիղ, պոչի փետուրները փափուկ են՝ կլորացած ծայրով։ Քաշը՝ 35-37.2 գրամ։ Թևերի բացվածքը՝ 29-30 սմ։ Հանրապետությունում նշված է գարնանային և աշնանային չուի ընթացքում։ Գարնանային չուն տեղի է ունենում ապրիլ-մայիս ամիսներին, այդ ընթացքում կարելի է հանդիպել Արարատյան հարթավայրից մինչև Սևանա լճի ավազանի անտառաշերտերում։ Սովորաբար նստում են ծառերի հաստ ճյուղերին, հաճախ էլ գետնին։ Վտանգի դեպքում չափից ավելի ձգելով մարմինը, գլխով պտուտակաձև շարժումներ է կատարումմ՝ նմանացնելով օձի գլխի շարժմանը։ Կտուցի թույլ լինելու պատճառով չի կարողանում փորել ծառերի բները։ Սնվում է բացառապես մրջյուններով և նրանց ձվերով։

Պատկերասրահ

• 
• 
• 
• 

Արտաքին հղումներ

• Ռուսաստանի ողնաշարավորներ։ Վիզգցուկ Արխիվացված 2020-10-26 Wayback Machine

Գրականություն

• Մ.Ս.Ադամյան, «Հայաստանի թռչուններ», «Սովետական գրող» հրատարակչություն, 1985, Երևան, 232 էջ։
• Ռուսաստանի ողնաշարավորներ։ Վիզգցուկ Արխիվացված 2020-10-26 Wayback Machine

Վիքիցեղերն ունի նյութեր, որոնք վերաբերում են «Վիզգցուկ» հոդվածին։

Վիքիպահեստն ունի նյութեր, որոնք վերաբերում են «Վիզգցուկ» հոդվածին։