Վարուժան Նալբանդյան

Վարուժան Նալբանդյան
Ծնվել է	դեկտեմբերի 14, 1929(1929-12-14)
Ծննդավայր	Կահիրե, Եգիպտոս
Վախճանվել է	օգոստոսի 28, 2010(2010-08-28) (80 տարեկան)
Վախճանի վայր	Երևան, Հայաստան
Մասնագիտություն	արձակագիր, դրամատուրգ և թարգմանիչ
Կրթություն	Հայկական պետական մանկավարժական համալսարան
Վարուժան Նալբանդյան Վիքիդարանում

Վարուժան Կարապետի Նալբանդյան (դեկտեմբերի 14, 1929(1929-12-14), Կահիրե, Եգիպտոս - օգոստոսի 28, 2010(2010-08-28), Երևան, Հայաստան), հայ մոդեռնիստ արձակագիր, դրամատուրգ, թարգմանիչ։ ԽՍՀՄ գրողների միության անդամ 1971 թվականից։

Կենսագրություն

Ծնվել է Կահիրեում (Եգիպտոս)։ Ուսանել է ֆրանսիական, ապա հայկական դպրոցներում։ Ավարտել է Երևանի Խաչատուր Աբովյանի անվան մանկավարժական ինստիտուտի հոգեբանության, տրամաբանության և հայոց լեզվի ֆակուլտետը։ Հեղինակ է թատերգությունների և արձակ (աֆորիզմ, պատմվածք, վիպակ, հեքիաթ, էսսե) ստեղծագործությունների, որոնց մեջ ելակետերն են եղել էկզիստենցիալիզմը, ֆանտաստիկ ռեալիզմը, երևակայական ռեալիզմը։ Նա իր թատերգությամբ անդրադարձել է բիբլիական թեմաներին, իսկ էսսեներն անդրադառնում են համեմատական աստվածաբանությանը, «Ագնի Յոգային», Ռամակրիշնայի ուսմունքին։

Ստեղծագործությունները տպագրվել են մամուլում («Գարուն», «Նորք», «Նոր-Դար», «Կանչ», «Այսօր», «Ֆօն Ֆօն»), բեմադրվել են Գյումրիի ու Երևանի թատերական ինստիտուտներում որպես դիպլոմային աշխատանք։ 1990-ականներրին համագործակցել է «Այսօր» շաբաթերթի հետ։

Բնագրերից թարգմանել է Ժան Պոլ Սարտրի, Ալբեր Կամյուի, Իոնեսկոյի, Անույի, Դյուրասի, Արթուր Ադամովի, Ժոզեֆ Բեդիեի, Մ. Դրյուոնի, Է. Տրիոլեի և այլոց ստեղծագործությունները։ Վարուժան Նալբանդյանի ստեղծագործությունները թարգմանվել են ռուսերեն, սլովակերեն։

Մահացել է Երևանում։

Երկեր

1. Խայտաբղետ խոհագրություն, Եր., 2003։
2. Ձմեռ պապին ածիլեցին, Եր., 2003։
3. Հրաժարյալները, Եր., 2002։
4. Բիբլիական թատերապատում, գիրք 1-2, Եր., 1998, 1999։
5. Տրդատ Երրորդ, Եր., 1997։
6. Ռադամես, Եր., 1995։
7. Այ քեզ բան, Եր., 1990։
8. Կայեն, Եր., 1989։
9. Մամոնտը և պապոնտը, Եր., 1986։
10. Այս նավը ե՞րբ պիտի շարժվի, Եր., 1984։
11. Բուն և արևածաղիկը, Եր., 1982։
12. Դարպասը երրորդ հարկում, Եր., 1980։
13. Կրկեսային երազանքներ, Եր., 1977։
14. Այս պատմության մեջ ի՞նչն է ճիշտը, Եր., 1974։
15. Անցումը, Եր., 1971։
16. Ձմեռ պապը գարնանը, Եր., 1967։
17. Անծանոթ աղջիկը, Եր., 1962։
18. Ձմեռ տատը, Եր., 1962։
19. Հրաչիկը - ձկան յուղը, Եր., 1962։

Թարգմանություններ (ֆրանսերենից)

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Բեդիե Ժոզեֆ, Տրիստանի և Իզոլդայի սիրավեպը, Երևան, Հայպետհրատ, 1958, 230 էջ։
• Բուսենար Լուի, Ադամանդ որոնողները (թարգմանության հեղինակակից Վ. Սեղբոսյան), Երևան, Հայպետհրատ, 1960, 663 էջ։
• Դիդրո Դ., Փիլիսոփայական և գեղագիտական երկեր (գրքի մեջ մտնող «Փիլիսոփայական դիտողություններ գեղեցիկի ծագման ու բնույթի մասին» և «Դրամատիկական բանաստեղծության մասին» գործերը թարգմանել է Վ. Նալբանդյանը), Երևան, Հայպետհրատ, 1963, 502 էջ։
• Դրյուոն Մորիս, Այս աշխարհի հզորները, Երևան, Հայպետհրատ, 1963, 400 էջ։
• Տրիոլե Էլզա, Ավինյոնի սիրահարները, Երևան, «Հայաստան», 1965, 355 էջ։

Ծանոթագրություններ

Վիքիդարանն ունի նյութեր, որոնք վերաբերում են «Վարուժան Նալբանդյան» հոդվածին։