Վահան Պողոսյան
| Վահան Պողոսյան | |
|---|---|
| Ծնվել է | օգոստոսի 20, 1967 (56 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան |
| Գիտական աստիճան | բժշկական գիտությունների թեկնածու |
| Մասնագիտություն | քաղաքական գործիչ |
| Կուսակցություն | Հայաստանի Հանրապետական կուսակցություն |
Վահան Ռաֆիկի Պողոսյան (օգոստոսի 20, 1967, Երևան, Հայկական ԽՍՀ, ԽՍՀՄ), ՀՀ պետական և առողջապահության ոլորտի գործիչ, ՀՀ առողջապահության նախարարի տեղակալ։
Կրթություն[խմբագրել | խմբագրել կոդը]
- 1984-1990 թթ. - սովորել և ավարտել է Երևանի Մխիթար Հերացու անվան պետական բժշկական ինստիտուտի բուժական ֆակուլտետը՝ ընդհանուր պրոֆիլի բժիշկի որակավորմամբ։
- 1991-1993 թթ. - սովորել և ավարտել է Երևանի Մխիթար Հերացու անվան պետական բժշկական ինստիտուտի օրդինատուրան՝ վիրաբույժի որակավորմամբ։ Բժշկական գիտությունների թեկնածու։
- 1999-2000 թթ. - սովորել և ավարտել է Երևանի ֆինանսատնտեսական տեխնիկումի իրավաբանական ֆակուլտետը՝ իրավաբանի որակավորմամբ։
Աշխատանքային գործունեությունը[խմբագրել | խմբագրել կոդը]
- 1987-1990 թթ. - աշխատել է Հանրապետական կլինիկական հիվանդանոցի վիրաբուժական բաժանմունքում՝ որպես ֆելդշեր։
- 1990-1991 թթ. - աշխատել է «էրեբունի» կլինիկական հիվանդանոցում, ապա՝ Հանրապետական կլինիկական հիվանդանոցում որպես ինտերն-թերապևտ։
- 1991-1993 թթ. - աշխատել է Հանրապետական կլինիկական հիվանդանոցի թիվ 2 վիրաբուժական հիվանդությունների ամբիոնում, որպես կլինիկական օրդինատոր։
- 1993 թ. - աշխատել է Հանրապետական կլինիկական հիվանդանոցում՝ որպես հերթապահ վիրաբույժ։
- 1995-1996 թթ. - աշխատել է էջմիածնի շրջանային կենտրոնական հիվանդանոցում՝ որպես պոլիկլինիկական ցանցի կազմակերպման գծով գլխավոր բժշկի տեղակալ։
- 1996–1997 թթ. - եղել է Արմավիրի մարզպետարանի աոողջապահության վարչության առաջատար մասնագետ, ամբուլատոր պոլիկլինիկական ցանցի կորդինատոր։
- 1997-1999 թթ. - ՀՀ քաղաքացիական ավիացիայի գլխավոր վարչության «Հայ ավիաբուժ» բժշկական կենտրոնի գործադիր տնօրենի տեղակալ սանիտարահիգենիկ, բուժկանխարգելիչ ուսումնամեթոդական և թռիչքների անվտանգության ապահովման հարցերով։
- 1999 թ. - ՀՀ քաղաքացիական ավիացիայի գլխավոր վարչության «Հայ ավիաբուժ» բժշկական կենտրոնի գլխավոր բժիշկ։
- 2001-2010 թթ. - ՀՀ առողջապահության նախարարության աշխատակազմի բժշկական օգնության կազմակերպման վարչության պետ։
- 2010-2011 թթ. - ՀՀ առողջապահության նախարարության աշխատակազմի ղեկավարի պաշտոնակատար։
- 2011 թ. - եղել է ՀՀ առողջապահության նախարարի խորհրդական։
- 2011 թ. դեկտեմբերի 27-ին ՀՀ վարչապետի որոշմամբ նշանակվել է Հայաստանի Հանրապետության առողջապահության նախարարի տեղակալ[1]։
Պարգևներ և կոչումներ[խմբագրել | խմբագրել կոդը]
- Մխիթար Հերացու մեդալ (2014)[2]
Ամուսնացած է, ունի երեք երեխա։ Հայաստանի Հանրապետական կուսակցության խորհրդի անդամ է։