Վալերիյ Օսիպյան

Վիքիպեդիայից՝ ազատ հանրագիտարանից
(Վերահղված է Վալերի Օսիպյանից)
Վալերիյ Օսիպյան
Հայաստանի վարչապետի գլխավոր խորհրդական
սեպտեմբերի 18, 2019 - հոկտեմբերի 8, 2019
Հայաստանի ոստիկանապետ
մայիսի 10, 2018 - սեպտեմբերի 18, 2019
Նախորդող Վլադիմիր Գասպարյան
Երևան քաղաքի փոխոստիկանապետ
09.2012 թ. - 10.05.2018 թ.
 
Մասնագիտություն՝ ոստիկան
Ծննդյան օր ապրիլի 17, 1970 թ.
Ծննդավայր Աշխաբադ, Թուրքմենական ԽՍՀ, ԽՍՀՄ
Քաղաքացիություն  ԽՍՀՄ և  Հայաստան
 
Պարգևներ
«Հայրենիքին մատուցած ծառայությունների համար» 2-րդ աստիճանի մեդալ և «Հասարակական կարգի գերազանց պահպանման համար» մեդալ

Վալերիյ Ռազմիկի Օսիպյան (ապրիլի 17, 1970(1970-04-17), Աշխաբադ, Թուրքմենական ԽՍՀ, ԽՍՀՄ), հայ իրավապահ մարմինների գործիչ, Հայաստանի վարչապետի գլխավոր խորհրդական (2019), Հայաստանի նախկին ոստիկանապետ[1][2][3][4][5], Հայաստանի ոստիկանության Երևան քաղաքի վարչության պետի նախկին տեղակալ (2012-2018), ոստիկանության գեներալ-մայոր[6]։

Ծառայությունը Հայաստանի ոստիկանությունում[խմբագրել | խմբագրել կոդը]

Վալերիյ Օսիպյանը հայ հասարակությանը հայտնի է իր ոստիկանական համակարգում աշխատելով։ Տարբեր տարիների զբաղեցրել է ոստիկանության պաշտոններ, այդ թվում՝ եղել է գնդի վաշտի հրամանատար, գնդի հրամանատարի տեղակալ, գնդի հրամանատար, Երևան քաղաքի վարչության հասարակական անվտանգության բաժնի պետ, Երևան քաղաքի վարչության պետի տեղակալ։

Հայտնի է Սերժ Սարգսյանի, Հայաստանի Հանրապետական կուսակցության դեմ իրականացվող, բնապահպանական, սոցիալական և այլ բնույթի ցույցերի, բողոքի գործողությունների ժամանակ ոստիկանական ստորաբաժանումները ղեկավարող անձ։ Համաձայն մամուլի հրապարակումների՝ բողոքի գործողությունները ճնշելու ընթացքում բազմիցս աչքի է ընկել բռնի գործողություններով[1][7][8]։

Նա մամուլի կողմից քննադատության է ենթարկվել նաև այն բանի համար, որ, ըստ հրապարակումների, օգտագործել է իր պաշտոնեական դիրքը և հետաքննությունից ազատել իր եղբոր որդուն՝ Սեդրակ Օսիպյանին[1][9]։

2009 - 2010 թվականներին Վալերիյ Օսիպյանը զբաղեցրել է Հայաստանի ոստիկանության գնդի հրամանատարի տեղակալ պաշտոն, 2010 - 2011 թվականներին՝ գնդի հրամանատարի, 2011 - 2012 թվականներին՝ Երևան քաղաքի վարչության հասարակական անվտանգության բաժնի պետի, 2012 թվականի սեպտեմբերից մինչ 2018 թվականի մայիս ամիսը՝ Երևան քաղաքի վարչության պետի տեղակալի պաշտոնները։

ՊՊԾ գնդի գրավում[խմբագրել | խմբագրել կոդը]

Հիմնական հոդված՝ ՊՊԾ գնդի գրավում

2016 թվականի հուլիսի 17-ի առավոտյան Սասնա ծռեր խմբի կողմից Հայաստանի ոստիկանության պարեկապահակային ծառայության գնդի զորամասի գրավման ժամանակ պատանդ վերցված ոստիկանների թվում էր նաև Երևանի փոխոստիկանապետ Վալերիյ Օսիպյանը[10][11]։ Նա Սասնա ծռեր խմբի կողմից ազատ է արձակվել հուլիսի 23-ին[12]։ Սասնա ծռեր խումբը զորամասի գրավումն ու պատանդառությունը պայմանավորում էր իր այն պահանջով, որ Սերժ Սարգսյանը պետք է հրաժարական տա Հայաստանի նախագահի պաշտոնից և իշխանությունը փոխանցի ժողովրդի վստահության կառավարությանը[10][13]։

Հայաստանի ոստիկանապետ[խմբագրել | խմբագրել կոդը]

2018 թվականի մայիսի 10-ին Հայաստանի վարչապետ Նիկոլ Փաշինյանի առաջարկությամբ և Հայաստանի նախագահ Արմեն Սարգսյանի հրամանագրով Վալերիյ Օսիպյանը նշանակվել է Հայաստանի ոստիկանապետ[1][2][3]։

Վալերիյ Օսիպյանին իր կողմից Հայաստանի ոստիկանապետի պաշտոնում առաջադրելու առիթով վարչապետ Նիկոլ Փաշինյանը ասել է.

Այսօր ոստիկանությունից շատ բան է կախված։ Ոստիկանությունից կախված են իրավակարգը, օրինականությունը, քաղաքացու ինքնազգացողույունը, եւ ես շատ հստակ խնդիներ եմ դրել, որ Հայաստանի Հանրապետության քաղաքացիները պետք է իրենց զգան վստահ, պաշտպանված, եւ որեւէ բան չպետք է սպառնա նրանց այս զգացողությանը։ Մտածեցի, որ հեղափոխությունից առաջ, մենք դուք ու Վալերիյ Օսիպյանը գտնվում էինք փշալարերի տարբեր կողմերում։ Այս որոշումից հետո բոլորս պետք է նույն կողմում հայտնվենք
- Հայաստանի վարչապետ Նիկոլ Փաշինյան, [1][3]

Հայաստանի ոստիկանապետի պաշտոնում Հայաստանի վարչապետ Նիկոլ Փաշինյանի կողմից Վալերիյ Օսիպյանի առաջադրումը, ըստ մամուլի, խիստ բացասական արձագանք է գտել 2018 թվականի ապրիլին սկսված համազգային շարժման բազմաթիվ մասնակիցների ու համակիրների կողմից[1]։

2019 թվականի սեպտեմբերի 18-ին Հայաստանի վարչապետ Նիկոլ Փաշինյանի միջնորդությամբ ազատվել է ոստիկանապետի պաշտոնից[14][15]։ Նույն օրը երեկոյան նշանակվել է Հայաստանի վարչապետի գլխավոր խորհրդական[16][17]։

Պարգևներ[խմբագրել | խմբագրել կոդը]

  • 2009 թվականի սեպտեմբերի 17-ին Հայաստանի Հանրապետության անկախության հռչակման 18-րդ տարեդարձի առթիվ, իրավակարգի ամրապնդման և հասարակական կարգի պահպանության գործում ունեցած նշանակալի ներդրման, ծառայության ընթացքում ցուցաբերած խիզախության համար պարգևատրվել է «Հասարակական կարգի գերազանց պահպանման համար» մեդալով[18]։
  • 2015 թ. սեպտեմբերի 5-ին Հայաստանի Հանրապետության Անկախության տոնի առթիվ, հասարակական կարգի պահպանման գործում ներդրած անձնական մեծ ավանդի և ծառայողական պարտականությունները բարեխիղճ կատարելու համար պարգևատրվել է «Հայրենիքին մատուցած ծառայությունների համար» 2-րդ աստիճանի մեդալով[19]։
  • Երևանի քաղաքապետի ոսկե մեդալ, 2016[20]

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 1,5 «Հեղափոխության լույսը խամրեցնող առաջին որոշումները», 1in.am, (արխիվացված)։
  2. ↑ 2,0 2,1 «Վալերիյյ Օսիպյանը նշանակվել է Հայաստանի Հանրապետության ոստիկանության պետ», Ազատություն ռադիոկայան, (արխիվացված)։
  3. ↑ 3,0 3,1 3,2 «Վալերիյ Օսիպյանը նշանակվել է Հայաստանի Հանրապետության ոստիկանապետ», armtimes.com, (արխիվացված)։
  4. ↑ Հայաստանի Նախագահը Վալերիյ Օսիպյանին նշանակել է Հայաստանի ոստիկանության պետ
  5. ↑ «ՎալերիյՅ ՕՍԻՊՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏ ՆՇԱՆԱԿԵԼՈՒ ՄԱՍԻՆ ՀՀ Նախագահի հրամանագիր». 10.05.2018.
  6. ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». president.am. Վերցված է 2019 թ․ հուլիսի 5-ին.
  7. ↑ «Մաշտոցի պուրակի ակտիվիստների դիմումը ՀՀ գլխավոր դատախազ Ա. Հովսեփյանին», lragir.am Արխիվացված 2018-05-10 Wayback Machine, (արխիվացված)։
  8. ↑ ««Մարտի 1-ի իրազեկում». ոստիկանները փորձել են խանգարել ակտիվիստներին», epress.am, (արխիվացված)։
  9. ↑ «Վալերիյ Օսիպյանի եղբոր որդին դանակահարել է իր հետ վիճած քաղաքացուն», ilur.am Արխիվացված 2018-05-10 Wayback Machine, (արխիվացված)։
  10. ↑ 10,0 10,1 «Զինված միջադեպ Երևանում», civilnet.am, (արխիվացված)։
  11. ↑ «ՊՊԾ գնդից ազատ են արձակվել վերջին 2 պատանդները՝ Վալերիյ Օսիպյանն ու Վարդան Եղիազարյանը», tert.am Արխիվացված 2018-05-10 Wayback Machine, (արխիվացված)։
  12. ↑ «Վալերիյ Օսիպյանը լքեց ՊՊԾ գնդի տարածքը», tert.am Արխիվացված 2018-05-10 Wayback Machine, (արխիվացված)։
  13. ↑ ՄԱՄՈՒԼ.am. «Զինված ապստամբության կազմակերպիչ Վարուժան Ավետիսյանի կոչը ժողովրդին». ՄԱՄՈՒԼ.am. Վերցված է 2019 թ․ սեպտեմբերի 18-ին.
  14. ↑ Արմեն Սարգսյանը ստորագրեց. Վալերիյ Օսիպյանը գնաց
  15. ↑ LLC, Helix Consulting. «Վալերիյ Օսիպյանն ազատվել է ՀՀ ոստիկանապետի պաշտոնից - Այսօր` թարմ լուրեր Հայաստանից». www.aysor.am (անգլերեն). Վերցված է 2019 թ․ սեպտեմբերի 18-ին.
  16. ↑ Վարչապետի որոշումներ
  17. ↑ Վալերիյ Օսիպյանը նոր պաշտոնի նշանակվեց
  18. ↑ Հայաստանի Հանրապետության մեդալներով պարգևատրելու մասին
  19. ↑ Վ. Ռ. ՕՍԻՊՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 2-ՐԴ ԱՍՏԻՃԱՆԻ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ
  20. ↑ «yerevan.am | ՔԱՂԱՔԱՊԵՏԻ ՈՐՈՇՈՒՄՆԵՐ». www.yerevan.am. Վերցված է 2016 թ․ հոկտեմբերի 10-ին.
Նախորդող
Վլադիմիր Գասպարյան 		Հայաստանի Ոստիկանության պետ
Վալերիյ Օսիպյան
2018 թ. մայիսի 10-ից - սեպտեմբերի 18 		Հաջորդող
-
Հայաստանի Ներքին գործերի նախարարները և ՀՀ ԿԱ ՀՀ Ոստիկանության պետերը
Հայաստանի առաջին հանրապետություն
1918-1920

Արամ Մանուկյան (1918թ. հուլիս - 1919թ. հունվար) • Ալեքսանդր Հովհաննեսի Խատիսյան (1919թ. փետրվար - օգոստոս) • Աբրահամ Գյուլխանդանյան (1919 թ. օգոստոս-1920 թ.մայիս) • Ռուբեն Տեր-Մինասյան (1920 թ.մայիս - 1920 թ.սեպտեմբեր) • Սարգիս Արարատյան (1920թ. սեպտեմեբր - նոյեմբեր) • Սիմոն Վրացյան (1920թ. նոյեմբեր)
Անդրկովկասյան ԽՍՖՀ
կամ Հայկական ԽՍՀ

Ներքին գործերի ժողովրդական կոմիսարներ: Իսահակ Դովլաթյան (1920թ. դեկտեմբեր - 1921թ. ապրիլ) • Պողոս Մակինցյան (1921թ. ապրիլ - հուլիս) • Ավիս Նուրիջանյան (1921թ. հուլիս - օգոստոս) • Շավարշ Ամիրխանյան (1921թ. օգոստոս - 1924թ. մայիս) • Հովհաննես Դուրգարյան (1924թ. մայիս - 1927թ. հուլիս) • Սերգեյ Մելիք-Հովսեփյան (1927թ. հուլիս - 1928թ. դեկտեմբեր)
Պետական քաղաքական վարչության պետեր: Սեդրակ Մարգարյան (1929թ. փետրվար - նոյեմբեր) • Հայկ Պետրոսյան (1929թ. նոյեմբեր - 1930թ. մայիս) • Սեդրակ Օթյան (1930թ. մայիս - հոկտեմբեր) • Արմենակ Աբուլյան (1930թ. դեկտեմբեր - 1934թ. հուլիս)
Ներքին գործերի ժողովրդական կոմիսարներ: Խաչիկ Մուղդուսի (1934թ. հուլիս - 1937թ. սեպտեմբեր) • Վիկտոր Խվորոստով (1937թ. նոյեմբեր - 1939թ. մարտ) • Ալեքսեյ Կորոտկով (1939թ. մարտ - 1941թ. մարտ) • Գեորգի Մարտիրոսով (1941թ. մարտ - 1943թ. մայիս) • Իվան Մաթևոսով (1943թ. մարտ - 1947թ. օգոստոս)
Ներքին գործերի մինիստրներ: Խորեն Գրիգորյան (1947թ. օգոստոս - 1953թ. մարտ) • Գեորգի Մարտիրոսով (1953թ. մարտ - 1954թ. ապրիլ) • Պյոտր Պիսկունով (1954թ. ապրիլ - 1957թ. օգոստոս) • Հայկ Հովհաննեսի Մելքոնյան (1957թ. օգոստոս - 1961թ. օգոստոս) • Սերգեյ Արկադիի Արզումանյան (1961թ. օգոստոս - 1968թ. դեկտեմբեր) • Վլադիմիր Սարգսի Դարբինյան (1968թ. դեկտեմբեր - 1974թ. սեպտեմբեր) • Եվգենի Գուրգենի Պատալով (1974թ. դեկտեմբեր - 1983թ. նոյեմբեր) • Հայկազ Շահինյան (1983թ. նոյեմբեր - 1988թ. հունիս) • Հուսիկ Սուրենի Հարությունյան (1988թ. հունիս - 1990թ. մայիս) • Լյովա Հակոբի Գալստյան (1990թ. հունիս - օգոստոս)
Հայաստան

Ներքին գործերի նախարարներ: Կառլոս Ղազարյան (1990 թ. օգոստոս - 1991 թ. մարտ) • Աշոտ Մանուչարյան (1991 թ. մարտ - 1991 թ. դեկտեմբեր) • Վալերի Պողոսյան (1991 թ. դեկտեմբեր - 1992 թ. փետրվար) • Վանո Սիրադեղյան (1992 թ. փետրվար - 1996 թ. նոյեմբեր)
Ներքին գործերի և ազգային անվտանգության նախարար: Սերժ Սարգսյան (1996 թ. նոյեմբեր - 1999 թ. հունիս)
Ներքին գործերի նախարարներ: Սուրեն Աբրահամյան (1999 թ. հունիս - նոյեմբեր) • Հայկ Հարությունյան (1999 թ. նոյեմբեր - 2003 թ. հունվար)
ՀՀ Կառավարությանն առընթեր ՀՀ Ոստիկանության պետեր: Հայկ Հարությունյան (2003 թ. հունվար - 2008 թ. հունիս) • Ալիկ Սարգսյան (2008 թ. հունիս - 2011 թ. նոյեմբեր) • Վլադիմիր Գասպարյան (2011 թ. նոյեմբեր - 2018 թ. մայիս) • Վալերիյ Օսիպյան (2018 թ. մայիս -)
Ստացված է «https://hy.wikipedia.org/w/index.php?title=Վալերիյ_Օսիպյան&oldid=9759616» էջից