Սևերոս Անտիոքացի

Սևերոս Անտիոքացի;
Ծնվել է	456 կամ մոտ 465
Ծննդավայր	Պիսիդիա, Թուրքիա կամ Սոզոպոլ, Բուրգասի մարզ, Բուլղարիա
Մահացել է	538[…]
Մահվան վայր	Եգիպտոս
Քաղաքացիություն	Բյուզանդական կայսրություն
Կրոն	միութենաբնակություն
Մասնագիտություն	աստվածաբան, քահանա, գրող և պատրիարք
Զբաղեցրած պաշտոններ	Անտիոքի պատրիարք և եպիսկոպոս
	Severus of Antioch Վիքիպահեստում

Սևերոս Անտիոքացի (հուն․՝ Σεβῆρος Ἀντιοχείας, ասոր՝ ܣܘܪܘܣ ܕܐܢܛܝܘܟܝܐ‎, 456 կամ մոտ 465^[1], Պիսիդիա, Թուրքիա և Սոզոպոլ, Բուրգասի մարզ, Բուլղարիա^[1] - 538^[2]^[3]^[4]^[…], Եգիպտոս) — 538 թ., Քսոիս, Եգիպտոս), հույն աստվածաբան, Անտիոքի պատրիարք (512— 518 թթ.)։ Իր գրվածքներում հարել է Կյուրեղ Ալեքսանդրացու քրիստոսաբանությանը՝ պաշտպանելով Քրիստոսի մեջ մեկ միացյալ բնության գաղափարը։ Պայքարել է քաղկեդոնականության դեմ, ինչի համար հալածվել է բյուզանդական կայսր Հուստինոս I կողմից, որը նրան զրկել է Անտիոքի պատրիարքական աթոռից և ուղարկել աքսոր։ Հայտնի է Սևերոս Անտիոքացու վեճը մեկ այլ հալածյալ աստվածաբան Հուլիանոս Հալիկառնասցու հետ՝ Հիսուս Քրիստոսի մարմնի անապականության հարցի շուրջ։

Սևերոսի գրվածքները մեծ ազդեցություն են թողել արևելյան ուղղափառ ղպտի և հակոբիկ եկեղեցիների դավանաբանության ձևավորման վրա, ինչի պատճառով նշյալ եկեղեցիների կողմից նա դասվել է սրբերի շարքը։ Հայոց եկեղեցին VI դարում մերժել է Սևերոսի հայացքները Քրիստոսի մարմնի «ապականացու» լինելու վերաբերյալ՝ հարելով Հուլիանոս Հալիկառնասցու ուսմունքին, սակայն հետագայում՝ VIII դարի առաջին կեսին, ձևավորել է իր ուրույն վարդապետությունը՝ բանադրելով ինչպես Սևերոսին, այնպես էլ Հուլիանոսին։