Սևանի ճակատամարտ

Վիքիպեդիայից՝ ազատ հանրագիտարանից
Սևանի ճակատամարտ
Sevan Winter.JPG
Սևանա լիճ
Թվական 925
Վայր Սևանա լճի ափին
Հակառակորդներ
Հրամանատարներ
Աշոտ Բ Երկաթ Բեշիր

Սևանի ճակատամարտ, 925 թվականին տեղի է ունեցել Հայոց թագավոր Աշոտ Բ Երկաթի և Ատրպատականի արաբական Սաջյան ամիրայության զորքերի միջև, ամռանը, Սևան լճի ափին։ Աշոտ Բ հոր՝ Սմբատ Ա-ի եղերական մահից հետո պայքարել է Հայաստանի անկախության համար։ 914-922 թվակնների կռիվներում պարտության է մատնել արաբական ոստիկաններ Յուսուֆի և Նասրի զորքերին, սակայն ներքին երկպառակությունների պատճառով առժամանակ ամրացել է Սևանի կղզում։ Օգտվելով ստեղծված վիճակից՝ արաբ զորավար Բեշիրը ավերել է Հայաստանի բազմաթիվ բնակավայրեր, ապա հարձակվել Սևանի կղզու վրա։ Չնայած փոքրաթիվ ուժերին, Աշոտ Բ լաստանավով մոտեցել է ափին, նետաձգությամբ հանկարծակի բերել արաբներին, իջել ափ և պարտության մատնել նրանց։ Սևանի ճակատամարտից հետո, ինչպես Ատրպատականի ամիրայությունը, այնպես էլ Արաբական խալիֆայությունը համակերպվել են Հայաստանի անկախության հետ։

Աղբյուրներ[խմբագրել]