Սրբազանություն, քրիստոնեական յոթ «խորհուրդներից» մեկը։ Ըստ եկեղեցական ուսմունքի, այդ «խորհուրդը» հոգևորականներին իբր հաղորդվում է ձեոնադրման արարողությամբ։ Սրբազանության «խորհուրդը» ձևավորվել է քրիստոնեական եկեղեցու կազմավորման, համայնքը կղերականների ու աշխարհիկների բաժանման և հոգևորականության առանձնաշնորհ դասի առաջացման ընթացքում, երբ հոգևորականը հռչակվել է միջնորդ աստծո և հավատացյալների միջև։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
