Ստամբուլի Հրանտ Դինքի անվան հայ երեխաների դպրոց

Վիքիպեդիայից՝ ազատ հանրագիտարանից
Ստամբուլի Հրանտ Դինքի անվան հայ երեխաների դպրոց
Հիմնադրված 2003 թվականին
Տնօրեն Հերիքնազ Ավագյան
Աշակերտներ 108 (2012)
Հասցե Թուրքիա, Ստամբուլ, Գում Գափու

Ստամբուլի Հրանտ Դինքի անվան հայ երեխաների դպրոց, գտնվում է Ստամբուլում, (Թուրքիա)։ Գործում է Ստամբուլի Հայ ավետարանական եկեղեցում, 2003-ից։ Գտնվում է Ստամբուլի ամենահին հայկական թաղամասերից մեկում՝ Գում Գափուում։ 2010-ից կոչվում է Հրանտ Դինքի անունով։

Դպրոցի կարգավիճակը[խմբագրել]

Դպրոցը պաշտոնապես գրանցված չէ, սակայն նրա գործունեությանը Թուրքիայի իշխանությունները չեն խոչընդոտում։ Այնտեղ բոլոր առարկաները դասավանդվում են հայերեն՝ ըստ Հայաստանի Հանրապետության կրթական ծրագրի։ Դասագրքերը ստանում են Հայաստանի սփյուռքի նախարարությունից։ Դպրոցի հատկացրած վկայականով աշակերտները ուսումը կարող են շարունակել Հայաստանում։ Հրանտ Դինքի անվան հայկական դպրոցը միակն է, որտեղ ուսուցանվում է արևելահայերեն։

Նյութական միջոցները[խմբագրել]

Հրանտ Դինքի սպանությունից հետո Մարդու իրավունքների եվրոպական դատարանի վճռով Թուրքիայի կառավարությունը փոխհատուցում վճարեց Դինքի այրուն, որը նա նվիրաբերեց այս դպրոցին։ Այժմ դպրոցը ֆինանասավորում են որոշ բարերարներ, ինչպես նաև ամսական 60 դոլար են վճարում երեխաների ծնողները։

Ուսուցիչները և աշակերտները[խմբագրել]

Դպրոցում սովորում են Հայաստանից Թուրքիա տեղափոխված և այդ երկրում ապօրինի ապրող հայերի երեխաները։ Ուսուցիչները ևս Հայաստանից Թուրքիա տեղափոխված մասնագետներն են։ Դպրոցի տնօրենն է պոլսահայի հետ ամուսնացած նախկին հայաստանցի Հերիքնազ Ավագյանը։ Դպրոցը հիմնադրելու ժամանակ նա եղել է միակ մասնագետը՝ դասավանդելով հայոց լեզու և գրականություն։

2012-ի տվյալներով դպրոցում սովորում է 108 աշակերտ։ Այդ թիվն աճելու միտում ունի։

Աղբյուրներ[խմբագրել]