Սուրբ Հակոբ եկեղեցի (Ստեփանակերտ)

Ստեփանակերտի Սուրբ Հակոբ եկեղեցի
Ստեփանակերտի Սուրբ Հակոբ եկեղեցի;
Հիմնական տեղեկություններ
Տեղագրություն	Ստեփանակերտ, ԼՂՀ
Կոորդինատներ	39°49′46.4″ հս. լ. 46°46′12.65″ ավ. ե. / 39.829558, 46.77018339°49′46.4″ հս. լ. 46°46′12.65″ ավ. ե. / 39.829558, 46.770183
Դավանություն	Հայ Առաքելական եկեղեցի
Թեմ	Արցախի
Օծման թվական	2007-ի մայիսի 6
Հոգևոր կարգավիճակ	գործող
Ներկա վիճակ	գերազանց
	Վիքիպահեստում

Այս եզրի այլ գործածումների համար տես՝ Սուրբ Հակոբ եկեղեցի (այլ կիրառումներ)

Սուրբ Հակոբ եկեղեցի — Հայ առաքելական եկեղեցու տաճար Արցախի Հանրապետության մայրաքաղաք Ստեփանակերտի Հեքիմյան թաղամասում^[2]: Այժմ քաղաքի միակ գործող եկեղեցին է:

[խմբագրել] Պատմություն

[խմբագրել] Հիմնադրում

Եկեղեցու հիմքերը դրվել են դրվել են 2005 թվականի սեպտեմբերին, իսկ կառուցման աշխատանքները տևել են շուրջ 1,5 տարի՝ մինչև 2007-ի սկիզբ^[2]:

Տաճարի կառուցման հովանավորն էր ամերիկահայ բարերար Ներսես Եփրեմյանը, որն եկեղեցին կառուցել է վաղամեռիկ որդու՝ Հակոբ Եփրեմյանի հիշատակին^[1]: Իսկ եկեղեցու շրջայքը բարելավել և ասֆալատապատել է «Քարավան» ՍՊԸ տնօրեն Հակոբ Հակոբյանը^[1]:

[խմբագրել] Օծում

2007 թվականի մայիսի 6-ի երեկոյան տեղի է ունեցել: Անց է կացել եկեղեցու օծման հանդիսավոր արարողությունը, որին մասնակցել են հարյուրավոր ստեփանակերտցիներ, հյուրեր, Հայ Առաքելական եկեղեցու Արցախի թեմի հոգևորականներ, պաշտոնական այրեր, բարերարներ: Օծման արարողությունը անց է կացրել Արցախի թեմի առաջնորդ Պարգև արքեպիսկոպոս Մարտիրոսյանը հոգևոր դասի հետ միասին: Ընդունված կարգի համաձայն, սաղմոսների երգեցողության ներքո եկեղեցին լվացվել է ջրով և գինով, Պարգև սրբազանի ձեռամբ հոգելույս մեռոնով օծվեցել էին եկեղեցու բոլոր խաչերը^[2]:

[խմբագրել] Բացում և առաջին պատարագ

Հաջորդը օրը, մայիսի 7-ի առավորտյան, Պարգև արքեպիսկոպոս Մարտիրոսյանի կողմից մատուցվել է անդրանիկ պատարագը^[2]: Նորակառույց եկեղեցու առաջին պատարագը, որին ներկա էին ԼՂՀ ղեկավարները՝ այն ժամանակվա նախագահ Արկադի Ղուկասյանի գլխավորությամբ, պաշտպանության բանակի բարձրաստիճան սպայակազմը, նվիրված էր ԼՂՀ զինված ուժերին։ Մասնակիցները մեկական մոմեր էին վառել՝ վասն բանակի հզորացման։ Եկեղեցու բացմանը մասնակցելու համար Կալիֆորնիայից ժամանել էր նաև հովանավորը՝ Ներսես Եփրեմյանը՝ որդու և աղջկա հետ^[1]։

Պարգև արքեպիսկոպոս Մարտիրոսյանը կիսվեց.

Եկեղեցու բացումը խորհրդանշական է նրանով, որ 15 տարի առաջ՝ հենց այս օրը, երբ մեր բանակը պետք է ազատագրեր Շուշին, Արցախի երկնքում երևաց Խաչը։ Եվ մեր զինվորներն սկսեցին իրենց վրա կրել խաչի նշան։ 15 տարի անց՝ դարձյալ նույն օրն Աստված մեզ շնորհ արեց, որ Ստեփանակերտն ունենա նորակառույց եկեղեցի։ Եռատոնի նախաշեմին մենք օծեցինք և բացեցինք Աստծո մի նոր տուն, ինչը հոգևոր բարձունքի ևս մեկ նվաճում է^[1]

ԼՂՀ նախագահ Արկադի Ղուկասյանը եկեղեցու բացման վերաբերյալ ասաց.

Անշուշտ, ցավալի է, որ մինչև հիմա Ստեփանակերտը չուներ եկեղեցի։ Մենք չէինք կարող առանց հավատի հաղթանակներ ունենալ։ Այս օրը մեզ համար Աստծուց ուժ վերցնելու, սեր ստանալու և մեր ազգային խնդիրներին մոտենալու խորհուրդ ունի։ Մենք պարտավոր ենք մեր երկրում զարգացնել և հզորացնել հոգևոր կյանքը։ Քաղաքում սկսված են նաև մեկ այլ՝ ավելի մեծ եկեղեցու կառուցման աշխատանքները։ Եկեղեցին, հոգևոր կյանքը միավորում են ժողովրդին, և ես վստահ եմ, որ այդպես կլինի նաև մեր պարագայում^[1]

[խմբագրել] Տես նաև

[խմբագրել] Ծանոթագրություններ

[armtown4070-0] 1,0 ^1,1 ^1,2 ^1,3 ^1,4 ^1,5 ՍՏԵՓԱՆԱԿԵՐՏՈՒՄ ԻՐ ԴՌՆԵՐԸ ԲԱՑԵՑ ՆՈՐԱԿԱՌՈՒՅՑ ՍՈՒՐԲ ՀԱԿՈԲ ԵԿԵՂԵՑԻՆ

[armradio19316-1] 2,0 ^2,1 ^2,2 ^2,3 Ստեփանակերտում օծվել է Սուրբ Հակոբ եկեղեցին

[1]

[2]

Սուրբ Հակոբ եկեղեցի (Ստեփանակերտ)

Բովանդակություն

[խմբագրել] Պատմություն

[խմբագրել] Հիմնադրում

[խմբագրել] Օծում

[խմբագրել] Բացում և առաջին պատարագ

[խմբագրել] Տես նաև

[խմբագրել] Ծանոթագրություններ

Անձնական գործիքներ

Անվանատարածքներ

Տարբերակներ

Դիտումները

Գործողություններ

Որոնել

Նավարկում

Մասնակցել

Գործիքներ

Այլ լեզուներով