Սուսանակ

Վիքիպեդիայից՝ ազատ հանրագիտարանից
Սուսանակ լատ.՝ "Neisseria gonorrhoeae"
Դասակարգում և լրացուցիչ տվյալներ

Սուսանակ հիվանդությունը նկարված 2 տարբեր պատկերների վրա և ներկայացված ստերիոսկոպիկ 3D-ով
Հիվանդությունների բազա Բակտերիա
Սուսանակ հիվանդության փոխանցման հոլովակ

Սուսանակ, հոնորեա, գոնոռեա (եբր.՝ γουόρροία‎, γόυοζ՝ սերմ և ρέω՝ հոսել), տրիպեր, վեներական հիվանդությունների խմբի վարակիչ հիվանդություն։ Հարուցիչը Նայսերի գոնոկոկն է (անգլ.՝ Neisseria gonorrhoeae), որը ձևով նման է սուրճի հատիկի (դիպլոկոկ)։

Լաբորատոր պատրաստուկներում գոնոկոկերը լավ ներկվում են անիլինային ներկերով, սակայն սպիրտի ազդեցությամբ հեշտությամբ գունազրկվում են ու նորից ներկվում երկրորդ ներկով (գրամ-բացասական են)։ Գոնոկոկերը բացառապես մար]կանց մակաբույծներ են, օրգանիզմից դուրս՝ հատկապես չորանալիս, ջերմության, արևի ճառագայթների, հականեխիչ դեղամիջոցների ու քիմիական նյութերի ազդեցությամբ արագ ոչնչանում են։

Հիվանդության փոխանցում[խմբագրել]

Վարակի աղբյուրը սուսանակով հիվանդն է։ Բացի հիմնական՝ սեռական ճանապարհից, սուսանակով երբեմն կարող են վարակվել հիվանդների օգտագործած իրերի (սպիտակեղեն, երեսի սրբիչ, գիշերանոց են) հետ շփվելիս։ Թաքնված սուսանակով հիվանդ հղի կանանց պտուղը վարակվում է ծննդաբերության ժամանակ։

Բնածին կամ ձեռքբերովի անընկալություն գոնոկոկի նկատմամբ գոյություն չունի, սուսանակով հնարավոր է վարակվել մի քանի անգամ։ Հիվանդությունը ժառանգաբար չի փոխանցվում։ Գաղտնի շրջանը 3-5 օր է (երբեմն մինչե 2-3 շաբաթ)։ Գոնոկոկերը, ընկնելով միզասեռական օրգանների լորձաթաղանթների վրա, արագորեն բազմանում են և առաջացնում բորբոքում՝ սկզբնական շրջանում որպես միզուկաբորբ և արգանդի վզիկի բորբոքում, ապա միզասեռական օրգանների ախտահարումներ։ Ախտահարված օջախներում սկզբում գոյանում է ինֆիյտրատ, այտուց, կարմրություն և թարախային արտադրություն։ Հետագայում ինֆիլտրատը սպիանում է, և միզասեռական ուղիներում գոյանում են նեղմվածքներ։ Տղամարդկանց ամորձիներում, կանանց արգանդափողերում սպիական փոփոխությունները հանգեցնում են ստերջության։ Ախտահարման առաջնային օջախներից գոնոկոկերը կարող են ընկնել արյան հունի մեջ, որտեղ նրանց մեծ մասը ոչնչանում է՝ արտադրելով գոնոտոքսին, որն առաջացնում է գլխացավեր, ախորժակի անկում և այլ ընդհանուր երևույթներ։

Neisseria gonorrhoeae

Գոնոկոկերի մի մասը կարող է տեղակայվել հոդերում, սրտամկանում, այլ օրգաններում՝ առաջացնելով տարբեր ծանրության կլինիկական երևույթներ։ Սուսանակի ընթացքը, ծանրության աստիճանը կախված են մարդու օրգանիզմի ռեակտիվությունից և հարուցիչի ախտածնության ուժգնությունից։ Հիվանդությունը բարդանում է նաե սեռական ճանապարհով փոխանցվող այլ վարակիչ հիվանդությունների (արիխոմոնոզ, վիրուսային ու խլամիդային հիվանդություններ են) առկայությունից։ Սուսանակ ընթանում է կլինիկական հետնյալ ձեերով․ թարմ (սուր, ենթասուր, ձգձգված ընթացքով), քրոնիկական և թաքնված։ Եթե հիվանդության սկզբից անցել է 2 ամիս, սուսանակ համարվում է թարմ, իսկ եթե ավելի՝ քրոնիկական։ Թաքնված սուսանակով հիվանդների օրգանիզմում կլինիկական ախտանշաններ և գոնոկոկեր չեն հայտնաբերվում, մինչդեռ նրանք վարակի աղբյուր են։ Կա նաև այսպես կոչված գոնոկոկակրություն, երբ ախտանշանների բացակայությանը հակառակ, գոնոկոկեր հայտնաբերվում են։

Տղամարդկանց սուսանակ[խմբագրել]

Սուսանակ հիվանդություն

Տղամարդկանց սուսանակը սկսվում է վարակումից 3-5 օր անց, միզուկի լորձաթաղանթի թեթև այտուցով, աննշան լորձային արտադրությամբ։ Այնուհետե հիվանդները գանգատվում են այրոցից ու ծակող ցավերից, որոնք ուժեղանում են միզարտադրության ժամանակ։ Արտադրությունը դառնում է թարախային, կանաչադեղնավուն, առատ։ Քսուքում հայտնաբերվում են մեծ թվով գոնոկոկեր։ Շոշափելիս միզուկի պատերի մեջ հայտնաբերվում են կոշտացումներ։ Սուսանակ․ կարող է ընթանալ նաև ավելի մեղմ (ենթասուր և թառամ կամ ձգձգված սուսանակ)։

Բուժում[խմբագրել]

Ժամանակին հիվանդությունը չհայտնաբերելու և չբուժելու կամ ոչ լիարժեք բուժելու, նշանակված ռեժիմը խախտելու (ալկոհոլի օգտագործում, սեռական գրգռումներ են) հետեանքով բորբոքումը միզուկի առաջնային հատվածից անցնում է ետին հատված․ միզելը դառնում է հաճախակի, ցավոտ, հաճախ արյան կաթիլի արտադրությամբ։ Նկատվում են հաճախակի ու ցավոտ անդամալարումներ (էրեկցիա), երազախաբություններ։ Եթե սուր, ենթասուր կամ թառամ ընթացող թարմ միզուկաբորբը չի ապաքինվում, ապա 2 ամսից հետո ընթացքը դառնում է քրոնիկական։

Կանանց սուսանակ[խմբագրել]

Հոնորեայի միկրոգրաֆ

Կանանց սուսանակը սկսվում է արգանդի ՎգԻԿԻ» ապա միզուկի լորձաթաղանթի ախտահարումից, սակայն բորբոքային պրոցեսն ընթանում է թույլ, «համր», որի պատճառով, երկար ժամանակ չիմանալով հիվանդության մասին, նրանք շարունակում են սեռական կյանքը, դառնալով վարակի աղբյուր։ Բուժման բացակայության և անբարենպաստ ռեժիմի պայմաններում գոնոկոկերը շարունակում են բազմանալ ու տարածվել, ընդգրկելով միզասեռական ուղիների ստորին և վերին հատվածները։ Բորբոքումը կարող է անցնել նաև փոքր կոնք։

Կարող են զարգանալ նաև սուսանակային հոդաբորբ և այլ օրգանների ախտահարումներ։ Չեն ախտահարվում միայն արտաքին սեռական օրգանները և հեշտոցը։ Ի տարբերություն տղամարդկանց սուսանակի, կանանց սուսանակ բնորոշվում է բազմաօջախային բորբոքումներով։ Արգանդի վզիկի խողովակի սուր ախտահարման ախտանշաններն են՝ թարախային արտադրություն հեշտոցից, լորձաթաղանթի կարմրություն, այտուց։ Քրոնիկական շրջանում նշված երեույթները խիստ մեղմանում են, շատ դեպքերում լորձաթաղանթը գրեթե ընդունում է բնական ւոեսք։ Միզուկաբորբի ժամանակ որոշ հիվանդներ (20—30%) գանգատվում են այրոցի ու ցավի զգացումից, որոնք ուժեղանում են միզարտադրության ժամանակ, իսկ երբ միանում է միզապարկի վզիկի բորբոքումը՝ նաև միզելու վերջում։ Հաճախակի են հաստ աղիքի ստորին հատվածի (գո նոռեային պրոկտիտ) և բերանի խոռոչի լորձաթաղանթի ախտահարումները (գոնոռեային ստոմատիտ, ֆարինգիտ)։

Աղջիկների սուսանակ[խմբագրել]

Գոնոկոկալ ուրետրիդ

Աղջիկների սուսանակը մեծ մասամբ հանդիպում է 2—8 տարեկանում, դեպքերի 85—95%-֊ը հետեանք է արտասեռական վարակման։ Ընդ որում վարակի աղբյուրը գերազանցապես մայրերն են։ Սուսանակ առավելապես ընթանում է սուր՝ ընդգրկելով արտաքին սեռական օրգանները, հեշտոցը, միզուկը, հաստ աղիքը։ Տղաները սուսանակով խիստ հազվադեպ են հիվանդանում։ Նորածին երեխաների սուսանակ, անկախ սեռից, հազվադեպ արձանագրվում է աչքերի լորձաթաղանթի բորբոքում (գոնոբլենոռեա)՝ ծնվելիս, մայրերից վարակվելու հետեանքով։ Նորածին աղջիկներին բնորոշ է նաև արտաքին սեռական օրգանների սուսանակ։

Բուժում[խմբագրել]

Անտիբիոտիկներ, սուլֆանիլամիդային դեղամիջոցներ, ջերմային, օրգանիզմի դիմադրողականությունը բարձրացնող և ֆիզիոթերապետիկ ու առողջարանային միջոցներ։ Կանխարգելումը․ ԽՍՀՄ-ում սուսանակի դեմ տարվող պայքարում ընդգրկվում են ոչ միայն մաշկավեներական դիսպանսերները, այլե մանկաբարձագինեկոլոգիական, ուրոլոգիական, սանհամաճարակային, բուժկանխարգելիչ հիմնարկները՝ մինիստրությունների ու գերատեսչությունների աջակցությամբ։ Կանխարգելումն ընդգրկում է հասարակական և անհատական միջոցառումներ։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png