Սոս Պետրոսյան (կրկեսային արտիստ)

Վիքիպեդիայից՝ ազատ հանրագիտարանից
(Վերահղված է Սոս Սոսի Պետրոսյանից)
Վիքիպեդիայում կան հոդվածներ Պետրոսյան ազգանունով այլ մարդկանց մասին։
Սոս Պետրոսյան
Դիմանկար
Մասնագիտությունձեռնածու-աճպարար
ԱմուսինՎիկտորիա Պետրոսյան
ԾնողներՀայրը՝Սոս Իոսիֆ Պետրոսյան
Մայրը՝ Ջեմմա Շիրինյան

Սոս Պետրոսյան (Սոս Սոսի Պետրոսյան) (), կրկեսային արտիստ, միջազգային փառատոների դափնեկիր, «Եվրոպայի լավագույն ձեռնածու» (1996 թ.), Գինեսի մրցանակակիր (2007 թ.)։

Գործունեությունը[խմբագրել | խմբագրել կոդը]

1989 թ-ին ավարտել է Երևանի պարարվեստի ուսումնարանը, 1991 թ-ին՝ «Հայհամերգ»-ին կից Էստրադային արվեստի ստուդիան, 1996 թ-ին՝ Մոսկվայի Լունաչարսկու անվան թատերական ինստիտուտի կրկեսային ռեժիսուրայի ֆակուլտետի հեռակա բաժինը։ 1991 թ-ից Մոսկվայի պետական կրկեսի դերասան է։ Կնոջ՝ Վիկտորիայի հետ շուրջ 10 տարի աշխատում է եվրոպական երկրների կրկեսներում։ 2007 թ-ին Գերմանիայում կնոջ հետ 2 րոպեում 16 անգամ բեմի վրա հագուստի փոխարինման համար անունը մտել է Գինեսի ռեկորդների գիրք։ Ներկայումս հանդիսանում է գինեսի տարբեր տարիների քառակի ռեկորդակիր։

Մրցանակներ[խմբագրել | խմբագրել կոդը]

  • 1-ին մրցանակների է արժանացել Բրյուսելի (1993 թ.) և Մոնտե Կարլոյի (1995 թ.) փառատոներում։
  • Ստոկհոլմի փառատոնում արժանացել է "Եվրոպայի լավագույն ձեռնածու" տիտղոսի (1996 թ.)։

Արտաքին հղում[խմբագրել | խմբագրել կոդը]

Գրականություն[խմբագրել | խմբագրել կոդը]

  • Տիգրան Հայազն, Վարդենիս. հանրագիտարան։ Երևան, 2009 թ., էջ 114։
  • Սոս Պետրոսյան։ «Ժամանակակից Հայկական կրկես և նրա գեղարվեստական արժանիքները»
  • Սոս Պետրոսյան։ «Հայկական Կրկես – Կրկեսի Սոսերը»
  • Սոս Պետրոսյան։ Հայկական կրկեսը