Սնոբ

Վիքիպեդիայից՝ ազատ հանրագիտարանից

Սնոբ (անգլ.՝ snob), մարդ, որ հիանում է բարձրաշխարհիկ հասարակությամբ, ամեն կերպ նմանակում նրանց ու ձգտում հայտնվել այդ հասարակության շարքերում[1][2][3]։ Այսպես են կոչում նրանց, ովքեր ընդունում են, որ մարդիկ բոլորն իրար հավասար չեն։ Սնոբներն իրենց համարում են հասարակ մարդկանցից բարձր, խելացի, նուրբ ճաշակի տեր անձնավորություններ ու քամահրանքով են վերաբերվում մյուսներին, ովքեր, իրենց կարծիքով, զրկված են նման արժանիքներից։

Բառի ծագումը հստակ հայտնի չէ։ 1775-1785 թթ. այդպես անվանում էին կոշկակարին կամ վերջինիս աշակերտին։ Հետագայում սնոբ էին կոչում հասարակ մարդկանց ընդհանրապես, ավելի ուշ` միայն այն հասարակ մարդկանց, ովքեր ձգտում էին նմանակել բարձրաշխարհիկ մարդկանց վարքը։ Վարկած կա, թե սնոբ բառն առաջացել է «s. nob.» (լատ.՝ sine nobilitate — ոչ ազնվական ծագում) հապավումից։

Գրականություն[խմբագրել]

Ծանոթագրություններ[խմբագրել]