Սլայդեր (հեռախոսի կորպուս)

Անվան այլ կիրառումների համար տե՛ս՝ Սլայդեր

Սլայդերի գործման սկզբունքը, տեսքը կողքից

Սլայդեր (ծագումը՝ անգլ.՝ to slide - սահել), բջջային հեռախոսների կորպուսի տեսակ, ինչպես նաև հենց այդ կորպուս ունեցող հեռախոսի անվանումը։ Առաջին անգամ հեռախոս-սլայդերը ներկայացրել է Siemens Mobile ընկերությունը իր Siemens SL10 մոդելով 1999 թվականին։

Ինչպես ծալովի կորպուսները, սլայդերն էլ ունի երկու մաս, որոնք, սակայն, ամրացված չեն մեկ սռնով, այլ տեղադրված են զուգահեռ հարթություններում և կապված են հատուկ մեխանիզմի օգնությամբ, որը թույլ է տալիս տեղաշարժել («սահել») միմյանց այդ հարթություններում (սովորաբար միայն մեկ ուղղությամբ)։