Սիրակուզա

Վիքիպեդիայից՝ ազատ հանրագիտարանից
Համայնք
Սիրակուզա
Comune di Siracusa
Syracusa06(js).jpg
Արքիմեդեսի հրապարակ
Երկիր Իտալիա Իտալիա
Մարզ Սիցիլիա
Շրջան Սիրակուզա (SR)
Քաղաքապետ Ռոբերտո Վիսենտին
Առաջին հիշատակում մ.թ.ա. 730
Մակերես 204.1 կմ²
Բարձր. ծովի մակ-ից 17 մ
Բնակչություն 124453[1] մարդ (30.04. 2009)
Փոստային ինդեքսներ 96100
Պաշտոնական կայք comune.siracusa.it www.comune.siracusa.it comune.siracusa.it

Սիրակուսե, Սիրակուզա Սիրակուսք, Սիրա-կուսք (իտալ.՝ Siracusa, սից.՝ Sarausa, հուն.՝ Συράκοσαι, Συράκουσαι, Συρήκουσαι, լատ.՝ Syracusae), հին հունական քաղաք-պետություն (պոլիս) Սիցիլիա կղզու հարավ-արևելքում։ Հիմնել են կորնթացիները մ․թ․ա․ մոտ 735 թվականին։ Բնակիչների հիմնական զբաղմունքն էր երկրագործությունը և ծովային առևտուրը։ Մ․թ․ա․ 7-6-րդ դարերում Սիրակուսեն Սիցիլիայում հիմնել է մի շարք գաղութներ։ Տիրաններ Գելոնի (մոտ 485-478), Հիերոն I-ի (մոտ 478-467), Դիոնիսիոս I Ավագի (406-367), Ագաթոկլեսի (317/316-289) ժամանակ Սիրակուսեի քաղաքական կայուն վիճակը ընդմիջվել է ներքին քաղաքական պայքարով, Սիրակուսեի ժամանակավոր թուլացմամբ։ Տարբեր ժամանակներում Սիրակուսեի պետությունն ընդգրկել է Սիցիլիայի մեծագույն, Հյուսիսային Իտալիայի մի մասը։ Պունիկյան առաջին և երկրորդ պատերազմների ժամանակ Սիրակուսեն Հռոմի դաշնակիցն էր, սակայն 215 թվականից անցել է Կարթագենի կողմը։ Երկամյա պաշարումից հետո` մ․թ․ա․ 212/211 թվականին, հռոմեացիները գրավել են Սիրակուսեն (սիրակուսեցիները պաշտպանվել են իրենց հայրենակից Արքիմեդի հնարած ռազմական մեքենաներով) և ավերել։ Հռոմի տիրապետության ժամանակաշըրջանում Սիրակուսեն Սիցիլիա պրովինցիայի կուսակալների նստավայրն էր։

Ծանոթագրություններ[խմբագրել]

  1. ‘City’ population (i.e. that of the comune or municipality) from demographic balance: January-April 2009, ISTAT.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png