Սիմոն Յուզբաշյան

Սիմոն Յուզբաշյան
Ծնվել է	փետրվարի 27, 1886; Շուշի, Ելիզավետպոլի նահանգ, Ռուսական կայսրություն
Մահացել է	հունվարի 3, 1960 (73 տարեկան); Թբիլիսի, Վրացական ԽՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Ազգություն	հայ
Մասնագիտություն	կենդանաբան և դասախոս
Հաստատություն(ներ)	Երևանի անասնաբուծական-անասնաբուժական ինստիտուտ, Երևանի պետական համալսարան և Թբիլիսիի մանկավարժական ինստիտուտ
Ալմա մատեր	Ֆրայբուրգի համալսարան (1910)
Կոչում	պրոֆեսոր
Ազդվել է	Իվան Սեչենով

Սիմոն Մովսեսի Յուզբաշյան (փետրվարի 27, 1886(1886-02-27)^[1], Շուշի, Ելիզավետպոլի նահանգ, Ռուսական կայսրություն^[1] - հունվարի 3, 1960(1960-01-03)^[1], Թբիլիսի, Վրացական ԽՍՀ, ԽՍՀՄ^[1]), հայ-խորհրդային կենդանաբան, էվոլուցիոնիստ, պրոֆեսոր 1929 թվականից։

Մկրտիչ Յուզբաշյանի եղբայրը։

Կենսագրություն[խմբագրել | խմբագրել կոդը]

Ավարտել է Ֆրայբուրգի համալսարանը 1910 թվականին, այնուհետև դասավանդել է Թիֆլիսի բուհերում։ 1929 թվականից աշխատել է Անդրկովկասյան անասնաբուժական ինստիտուտում, որտեղ կազմակերպել է ընդհանուր կենսաբանության և գենետիկայի ամբիոն, եղել դրա վարիչը, միաժամանակ դասախոսել է Երևանի համալսարանում 1934 թվականից։ 1935 թվականին նրա նախաձեռնությամբ հիմնադրվել է ԽՍՀՄ ԳԱ Արմֆանի կենսաբանության ինստիտուտը, որի տնօրենն է եղել մինչև 1939 թվականը։ 1939 թվականից եղել է Թիֆլիսի Ալեքսանդր Պուշկինի անվան մանկավարժական ինստիտուտի կենդանաբանության ամբիոնի վարիչը։

Գիտական աշխատանքները հիմնականում վերաբերում են կենդանիների օրգանների ապաճման խնդիրներին։ Նա զարգացրել է Ա. Սևերցովի ուսմունքը, առաջարկել օրգանների ապաճման առանձին դասակարգում կախված այն բանից, թե օնտոգենեզի որ փուլում է այն տեղի ունենում և թե ինչ հարաբերությունների մեջ է մյուս օրգանների հետ։ Զբաղվել է նաև ընդհանուր կենսաբանության հարցերով։

Երկեր[խմբագրել | խմբագրել կոդը]

Էվոլյուցիայի տեսություններ, Երևան, 1933։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 Հայկական սովետական հանրագիտարան, հատոր 8 (հայ.) — հատոր 8. — էջ 130.

Վիքիդարանն ունի նյութեր, որոնք վերաբերում են «Սիմոն Յուզբաշյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 130)։

[_54c040f70d15f45b-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 Հայկական սովետական հանրագիտարան, հատոր 8 (հայ.) — հատոր 8. — էջ 130.

[1]