Սիմոն Աբգարյան

Վիքիպեդիայից՝ ազատ հանրագիտարանից
Սիմոն Աբգարյան
Simon Abkarian (1997).jpg
դերասան
Ծնվել է Մարտի 5, 1962
Ծննդավայր ՖրանսիաԳոնես, Վալ դ' Օիզզ, Ֆրանսիա
Քաղաքացիություն ՖրանսիաՖրանսիա

Սիմոն Աբգարյան (ծնվել է՝ մարտի 5, 1962թ. ֆրանս-հայկական ընտանիքում), ֆրանսահայ դերասան։ Դպրոցում ֆրանսերեն և հայերեն է սովորել, ամերիկյան ֆիլմերից էլ՝ անգլերեն։ 9 տարեկանում ծնողների հետ մեկնել է Բեյրութ։ Մինչև 1977 թվականը ապրել է Լիբանանում։ Բեյրութի «Լոռի» պարային համույթում պարել է սովորել։ 1977 թվականին Աբգարյանի հայրը Լիբանանում պատերազմելու է գնում, և 15 տարեկան Սիմոնը մոր հետ վերադառնում է Փարիզ։ Մի քանի տարի անց տեղափոխվում է Նյու Յորք և սկսում նորից պարել։ 1983-85 թվականներին դերասանական արվեստ է սովորում և միանում «Արտավազդ» թատերական ընկերությանը։ 1985 թվականին վերադառնում է Փարիզ և 8 տարի համագործակցում du Soleil թատրոնի տնօրեն Արինե Մնոչկինի հետ։ Սկսում է խաղալ հունական կատակերգություններում և մեծ ճանաչում է ձեռք բերում։ 2001-ին մրցանակի է արժանանում ֆրանսիական թատրոնի կողմից «Հրեշը լուսնի վրա» ներկայացման համար։ 1993-ին Սիմոն Աբգարյանը կնոջ՝ դերասանուհի և ռեժիսոր Կատրին Շաուբի հետ Փարիզում հիմնում է իր թատրոնը՝ T.E.R.A.–ն (Theatre Espace Recherche Acteur)։ 2006-ին նրան մեծ հաջողություն է բերում «Կազինո Ռոյալ» ֆիլմը, ուր հանդես է գալիս Ալեքս Դիմիտրոսի դերում։ Աբգարյանի մասնակցությամբ առավել հայտնի ֆիլմերից են «Արամ», «Արարատ» և այլն։

Արտաքին հղումներ[խմբագրել]