Սթիվեն Ջերարդ

Վիքիպեդիայից՝ ազատ հանրագիտարանից
Ֆուտբոլ

Սթիվեն Ջերարդ
SGerrard.JPG
Անձնական տեղեկատվություն
Ամբողջ. անուն Steven George Gerrard
Ծննդյան թիվ   մայիսի 30, 1980 (1980-05-30) (34 տարեկան)
Ծննդավայր   Ուիսթոն,

Անգլիա

Հասակ 1.83 մ.
Դիրք կիսապաշտպան
Ակումբային տեղեկատվություն
Ներկա ակումբ Անգլիա Լիվերպուլ
Համար 8
Պատանեկան կարիերա
1989-1997 Լիվերպուլ
Մասնագիտական կարիերա1
Տարի Ակումբ Խաղ (Գոլ)
1997-ներկա Լիվերպուլ 387 (84)   
Ազգային հավաքական
2000 - 2014 Անգլիա Անգլիա 114 (21)

1 Մասնագիտական կարիերայում ընդգրկված են
միայն առաջնության խաղերը և գոլերը.

Սթիվեն Ջորջ Ջերարդ (անգլ.՝ Steven George Gerrard, Մայիսի 30, 1980, Ուիսթոն, Անգլիա), անգլիացի ֆուտբոլիստ «Լիվերպուլ» ակումբի ավագ։ Ջերարդը համարվում է ժամանակակից ֆուտբոլի լավագույն կիսապաշտպաններից մեկը։ Հիմնականում հանդես է գալիս կիսապաշտպանության կենտրոնում, ինչպես նաև ձախ կիսապաշտպանի դիրքում։

Ջերարդը, ով իր ամբողջ կարիերան անց է կացրել «Էնֆիլդում», առաջին անգամ խաղադաշտ է դուրս եկել 1998 թվականին և ամրապնդվել է թիմի հիմնական կազմում 2000-01 մրցաշրջանում։ 2003-ին նա դարձել է թիմի ավագը՝ փոխարինելով Սաամի Հյուպիային։ Ջերարդի նվաճած մրցանակների թվոմ են երկու Անգլիայի գավաթները, երկու Ֆուտբոլային լիգայի գավաթները և հաղթանակը Չեմպիոնների Լիգայում 2005-ին։ 2005 թվականին Ջերարդը երրորդն էր «Ոսկե գնդակ» մրցանակի համար քվեարկությունում։

Անգլիայի ֆուտբոլի ազգային հավաքականում Ջերարդը իր նորամուտը նշել է 2000 թվականին։ Նա մասնակցել է Եվրոպայի 2000 և 2004 առաջնություններին, ինչպես նաև 2006 Աշխարհի առաջնությանը, որտեղ նա դարձել է երկու գոլի հեղինակ։

Կարիերա[խմբագրել]

Ակումբ[խմբագրել]

Ջերարդը «Լիվերպուլի» հետ իր առաջին պրոֆեսիոնալ պայմանագիրը ստարագրել է 1997-ին, իսկ առաջին հանդիպումը անց է կացրել 1998-ի Նոյեմբերի 29-ին՝ «Բլեքբերն Ռովերս»-ի դեմ։

2000-01 մրցաշրջանում Ջերարդը նվաճեց իր առաջին մրցանակները ակումբի հետ։ Այդ մրցաշրջանում ֆուտբոլիստը անցկացրեց 50 խաղ և դարձավ 10 գոլի հեղինակ, որոնք օգնեցին ակումբին նվաճել Անգլիայի Գավաթը, Անգլիայի Լիգայի Գավաթը և ՈՒԵՖԱ-ի Գավաթը։ Այդ մրցաշրջանի վերջում Ջերարդը ճանաչվեց Անգլիայի լավագույն երիտասարդ ֆուտբալիստ, իսկ 2002-ին Ջերարդը դարձավ թիմի ավագը։

2004-05 մրցաշրջանում «Լիվերպուլը» հասավ Չեմպիոնների Լիգայի եզրափակիչ և Ստամբուլում հանդիպեց «Միլան»-ի հետ։ Առաջին խաղակեսից հետո թիմը պարտվում էր 3-0 հաշվով։ Երկրորդ խաղակեսում Ջերարդը խփեց առաջին պատասխան գնդակը, որից հետո Լիվերպուլը հավասարեցրեց հաշիվը և վերջնական արդյունքում, հետխաղյա տասնմեկմետրանոցներով հաղթեց «Միլան»-ին ու դարձավ մրցաշարի հաղթող։

2005-06 սեզոնում Ջերարդը ցուցադրեց իր լավագույն խաղը։ Նա 53 խաղում խփեց 23 գոլ։ Ապրիլին նա ճանաչվեց Պրեմիեր Լիգայի լավագույն ֆուտբոլիստ։ 2006-ի Անգլիայի Գավաթի եզրափակիչ խաղում Ջերարդը դարձավ երկու գոլի հեղինակ։ Այդ գոլերից հետո Ջերարդը դարձավ միակ ֆուտբոլիսը, ով կարողացել է գոլի հեղինակ դառնալ բոլոր չորս եզրափակիչներում, որոնցում խաղում են անգլիական ակումբները։

Հավաքական[խմբագրել]

Ջերարդը ազգային հավաքականում առաջին հանդուպումը անցկացրեց 2000-ի Մայիսի 31-ին։ Նա մասնակցեց այդ տարի Եվրո-2000-ին, որը Անգլիայի ֆուտբոլի ազգային հավաքականի համար անհաջող ստացվեց։ Վնասվածքի պատճառով Ջերարդը չկարողացավ մասնակցել 2002 Աշխարհի առաջնությանը։

Եվրո-2004-ը և 2006 Աշխարհի առաջնությունը Գերմանիայում անգլիացիների համար նույնպես անհաջող ստացվեցին։ Երկու դեպքում էլ նրանք 1/4 եղրափակչում պարտվեցին Պորտուգալիայի հավաքականին։

2010 Աշխարհի առաջնությունից առաջ Ջերարդը ստացավ ավագի թևկապը, քանի որ Ռիո Ֆերդինանդը վնասվածքի պատճառով չէր մասնակցում առաջնությանը։ ԱՄՆ հավաքականի դեմ խաղում Ջերարդը խփեց անգլիցիների համար առաջին գնդակը մրցաշարում։

Արտաքին հղումներ[խմբագրել]