Սառնարյուն Լյուկը

Վիքիպեդիայից՝ ազատ հանրագիտարանից
Սառնարյուն Լյուկը
Cool Hand Luke
Ֆիլմի պոստերը
Ժանր դրամա
Երկիր ԱՄՆ-ի դրոշը ԱՄՆ
Թվական 1967
Լեզու անգլերեն
Ռեժիսոր Ստյուարտ Ռոզենբերգ
Պրոդյուսեր Գորդոն Քերրոլ
Սցենարիստ(ներ) Ֆրենկ Պիրսոն
Դոնն Պիրս
Դերակատարներ Փոլ Նյուման
Ջորջ Քենեդի
Օպերատոր Կոնրադ Հոլլ
Երաժշտություն Լալո Շիֆրին
Ընկերություն Warner Brothers
Տևողություն 126 րոպե
IMDb ID 0061512
description

Սառնարյուն Լյուկը (մյուս անվանումը` «Լյուկ-սառը ձեռքը») ամերիկյան ֆիլմ նկարահանված 1967 թվականին Փոլ Նյումանի գլխավոր դերակատարմամբ։

Սյուժե[խմբագրել]

Ֆիլմի հերոսը ուժեղ կամքի տեր բնավորությամբ, հանգիստ և ժպտադեմ Լյուկ Ջեքսոնն է (Փոլ Նյուման), ով հայտնվում է ուղղիչ աշխատանքային գաղութում մանր խուլիգանության համար։ Գաղութում արտաքինից ամեն ինչ հանգիստ է թվում, սակայն բանտի տնօրինությունը իրականում դաժան անձինք են։ Իսկ բանտարկյալներ` որոնց գլխավորն է Դրագլայնը (Ջորջ Քենեդի) ապրում են իրենց օրենքներով։

Ամեն ինչ բանտում ընթանում է իր հունով, բանտարկյալները առավոտյան մեկնում են տարբեր աշխատանքի` հիմնականում ճանապարհների կառուցման և վերանորոգման։ Լյուկը կարճ ժամանակում դառնում է բանտարկյալների ամենաքաջալերող ընկերն ու բանտի ամենազավեշտալի անձը։ Նա իր հնարամիտ արարքներով, դիմացկունությամբ, սառնարյուն գործողություններով ու համառությամբ զարմացնում է բանտարկյալ ընկերներին։ Նրան կնքում են «սառնարյուն» («սառը ձեռք») մականունով։ Մի անգամ գրազի դիմաց նա 1 ժամվա մեջ ուտում է 50 ձու։ Մեկ ուրիշ անգամ նա ձեռնամարտի է բռնվում ամենաուժեղ բանտարկյալի` Դրագլայնի հետ, ով չնայած անթիվ հարվածներ է հասցնում իրեն, սակայն նա այդպես էլ չի ընկնում գետին։

Նրա միակ հարազատը հաշմանդամ մայրն էր` Առլետը, ով այցելում է իրեն տեսակցությոննների ժամանակ։ Մի անգամ նա նամակ է ստանում, որ մայրը մահացել է։ Իմանալով այդ մասին բանտի ղեկավարությունը նրան ուղարկում է մենախուց, որպեսզի իրենց կարծիքով բանտարկյալին ավելի հեշտ լինի։

Սակայն մենախուցում մնալը նրա վրա հակառակ ազդեցություն է գործում և նրա ներքնաշխարհը տակնուվրա է լինում։ Խցից դուրս գալուց հետո նա ճարպկորեն դիմում է փախուստի։ Նրան հետապնդում են հատուկ վարժեցրած շներով և բռնում։ Ըստ բանտի օրենքների նրան ոտքերին շղթա են անցկացնում, որպես փախստական, իսկ կալանքի ժամկետը երկարացնում։

Այդ դեպքից հետո բանտապետերը նրան սկսում են դաժան վերաբերվել, ենթարկելով տանջանքների ու հնարավորությունը բաց չեն թողնում նրան երկար աշխատեցնել։ Լյուկը սակայն չի կոտրվում և չնայած ուժեղ հսկողությանը կրկին փախուստի է դիմում ...

Դերերում[խմբագրել]

  • Փոլ Նյուման - Լյուկ
  • Ջորջ Քենեդի - Դրագլայն
  • Լու Անտոնիո - Կոկո
  • Ռոբերտ Դրայվաս - շատախոս Սթիվ
  • Ստրոզեր Մարտին - պահակախմբի պետ
  • Դենիս Հոփեր - Բաբալուգատս
  • Ջո Վան Ֆլիտ - Առլետ, Լյուկի մայր
  • Քլիֆթոն Ջեյմս - Քարր
  • Մորգան Վուդվարդ - բոսս Գոդֆրի
  • Լյուկ Էսքյու - բոսս Պոլ
  • Մարկ Կեվելլ - «ճագարիկ»
  • Ռիչարդ Դավալոս - կույր Դիկ
  • Ռոբերտ Դոններ - բոսս «կարճլիկ»
  • Ուորրեն Ֆիններտի - Տատու
  • Դին Սթենթոն - «թափառաշրջիկ»

Մրցանակներ և փաստեր[խմբագրել]

  • ներկայացվել է Օսկարի 4 անվանակարգում, դերասան Ջորջ Քենեդին Օսկար է ստացել լավագույն երկրորդական դերի համար անվանակարգում.

Ամերիկյան կինոակադեմիայի կողմից հրապարակված տարբեր ցուցակներում ֆիլմը ընդգրկված է հետևալ տեղերում.

1990 թվականին ֆիլմը ներառվել է Ամերիկյան ֆիլմերի ազգային ռեեստրում.