Սահակ (զորավար)
- Անվան այլ կիրառումների համար տե՛ս՝ Սահակ (այլ կիրառումներ)
Սահակ | |
---|---|
Ծնվել է | 6-րդ դար |
Մահացել է | 546 |
Քաղաքացիություն | Հայկական մարզպանություն և Բյուզանդական կայսրություն |
Մասնագիտություն | զորավար |
Սահակ Կամսարական (հուն․՝ Ίσαάχης, 6-րդ դար - 546), հայազգի բյուզանդական զորավար՝ Հուստինիանոս I-ի ժամանակ (527—565)։
Կենսագրություն[խմբագրել | խմբագրել կոդը]
Ըստ Ղևոնդ Ալիշանի և Նիկողայոս Ադոնցի՝ Կամսարական։ Հրահատ (Արատիոս) և Նարսես Կամսարականների եղբայրը։ Սկզբում ծառայել է պարսից բանակում։ Հուստինոս I-ի օրոք (518— 527) անցել է Բյուզանդիա, կայսրությանը հանձնելով Կարինի (Թեոդոսուպոլիս) մոտ գտնվող իր Բոլոս բերդը (Բողբերդ, այժմ՝ Բոեղա կալա)։
Սահակը եղել է Կթառիճ բերդի կայազորի պետ։ Եղբոր՝ Նարսեսի հետ մասնակցել է Խոսրով Ա Սասանյանի դեմ պատերազմին, աչքի ընկել Անգղի ճակատամարտում (543)։
545 և 546-ին Բելիսարիոսի հրամանատարության ներքո Իտալիայում մասնակցել է օստգոթերի դեմ պատերազմին։ Գերի է ընկել և մահապատժի ենթարկվել։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 134)։ |