Ռոք
 |
Այս հոդվածը տեղեկատվական աղբյուրների կարիք ունի։ Դուք կարող եք օգնել նախագծին՝ գտնելով բերված տեղեկությունների հաստատումը վստահելի աղբյուրներում և ավելացնելով այդ աղբյուրներին հղումները հոդվածին։ Անհիմն հղումները ենթակա են հեռացման։ |
Ռոք երաժշտությունը հանրամատչելի երաժշտության ժանր է, որի գործիքավորումը սովորաբար ներառում է էլեկտրական կիթառ, բաս կիթառ և հարվածային գործիքներ: Ռոք երաժշտության շատ ժանրեր ներառում են նաև ստեղնաշարային գործիքներ` երգեհոն, դաշնամուր, մելլոտրոն, սինթեզատոր: Այլ գործիքներից ռոքում երբեմն կիրառվում են սաքսաֆոն, շրթհարմոն, ջութակ, ֆլեյտա, շեփոր, բանջո, մելոդիկա, թմբուկ, հազվադեպ` մանդոլին, սիթար: Ռոքը սովորաբար ունի ուժեղ բեք բիթ և ծավալվում է կիթառի շուրջ` էլեկտրական կամ ակուստիկ:
Ռոք երաժշտությունը ծագում է 1940-ականների և 1950-ականների ռոք-ն-ռոլից և ռոքաբիլլիից, որոնք ձևավորվել են բլյուզի, քանթրի երաժշտության և այլ ուղղությունների ազդեցության տակ: Ըստ Allmusic.com կայքի, "Իր մաքրագույն ձևում ռոք-ն-ռոլն ունի երեք ակորդ, ուժեղ, կայուն բեք բիթ և գրավիչ, հեշտւթյամբ ընկալվող մեղեդի: Վաղ ռոք-ն-ռոլը ունի բազմաթիվ սկզբնարմատներ` գլխավորապես բլյուզ, ռիթմ-ն-բլյուզ և քանտրի, ինչպես նաև գոսփել, ավանդական փոփ, ջազ և ֆոլկ: Բոլոր այս ազդեցությունները միավորվել են պարզ, բլյուզային երգակառուցվածքում, որն արագ էր, պարային, գրավիչ և հեշտ ընկալվող"[1]
1960-ականների երկրորդ կեսում ռոք երաժշտությունը խառնվեց ֆոլկի, բլյուզի, ջազի և էլեկտրոգործիքային էմբիենթի հետ` սկիզբ դնելով համապատասխանաբար ֆոլկ-ռոք, բլյուզ-ռոք, ջազ-ռոք ֆյուժն և փսիխեդելիկ ռոք ժանրերին: 1970-ականների երկրորդ կեսում ռոքը ազդեցություն կրեց սոուլ, ֆանկ և լատինո երաժշտություններից. 1970-ականներին ձևավորվեցին սոֆթ ռոք, գլեմ ռոք, հևի մետալ, հարդ ռոք, պրոգրեսիվ ռոք և փանկ ռոք; 1980-ականներին` նյու ուեյվ, հարդքոր փանկ և ալտերնատիվ ռոք; 1990-ականներին` գրանժ, բրիթփոփ, ինդի ռոք և նյու ռոք ենթաժանրերը:
Ռոք երաժշտության մեջ մասնագիտացած երաժիշտների խումբը կոչվում է ռոք խումբ կամ ռոք-բենդ: Խումբն առավել հաճախ կազմված է կվարտետի սկզբունքով` ներառելով վոկալիստ, կիթառիստ, բաս կիթառիստ և թմբկահար: Որոշ խմբերում կան մեկից ավել կիթառիստներ կամ բաս կիթառիստներ, որոշներում գլխավոր վոկալիստը երգելուն զուգահեռ նաև նվագում է (այս դեպքում խումբը կարող է իրենից ներկայացնել տրիո և նույնիսկ դուո), այլ խմբերում էլ ներառված են հավելյալ երաժիշտներ` մեկ-երկու ռիթմ կիթառիստ և/կամ ստեղնաշարահար, հազվադեպ` լարային և փողային գործիքների վրա նվագողներ:
 |
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |
[խմբագրել] Տես նաև
[խմբագրել] Աղբյուրներ
- ↑ allmusic - Rock and Roll(անգլ.)
