Ռոքուել Քենտ

Վիքիպեդիայից՝ ազատ հանրագիտարանից
Ռոքուել Քենտ
Rockwell Kent
Ի ծնեՌոքուել Քենտ
Ծնվել էհունիսի 21, 1882(1882-06-21)[1][2][3][…]
ԾննդավայրԹառիթաուն, Վեստչեստեր շրջան, Նյու Յորք, ԱՄՆ[4][5]
Վախճանվել էմարտի 13, 1971(1971-03-13)[4][1][3][…] (88 տարեկան)
Մահվան վայրՓլաթսբուրգ, Նյու Յորք, Նյու Յորք, ԱՄՆ[6]
Ազգությունամերիկացի
Քաղաքացիություն ԱՄՆ[7][8]
ԿրթությունԿոլումբիայի համալսարան, Փարսոնս դիզայնի դպրոց, Հորաս Մաննի դպրոց, Columbia Graduate School of Architecture, Planning and Preservation?, Cheshire Academy? և Shinnecock Hills summer school?
Մասնագիտություննկարիչ, գրող, նկարիչ-փորագրող, նկարազարդող և արձակագիր
Ժանրբնանկար
Ակտիվ շրջաննկարիչ
Ներշնչվել էՋեյմս Էբբոտ Մաք-Նեյլ Ուիսթլեր և Ռոբերտ Հենրի
Պարգևներ
Լենինյան մրցանակ և Միջազգային Լենինի խաղաղության մրցանակ
ԱնդամակցությունԱրվեստի և գրականության ամերիկյան ակադեմիա
 Rockwell Kent Վիքիպահեստում

Քենտ Ռոքուել (անգլ.՝ Rockwell Kent, հունիսի 21, 1882(1882-06-21)[1][2][3][…], Թառիթաուն, Վեստչեստեր շրջան, Նյու Յորք, ԱՄՆ[4][5] - մարտի 13, 1971(1971-03-13)[4][1][3][…], Փլաթսբուրգ, Նյու Յորք, Նյու Յորք, ԱՄՆ[6]), ամերիկացի նկարիչ, գրող, հասարակական գործիչ։

Կենսագրություն[խմբագրել | խմբագրել կոդը]

Գեղանկարչություն սովորել է Ռ․ Հենրիի մոտ։ Աշխատել է որպես ձկնորս, ատաղձագործ, բազմիցս ճանապարհորդել է, ապրել ԱՄՆ–ի հյուսիսում, Նյուֆաունդլենդում, Գրենլանդիայում։ Զարգացնելով ամերիկական ռեալիստական արվեստի ավանդական դրույթները՝ ստեղծել է բազմաթիվ նկարներ, գծանկարներ, փորագրանկարներ, վիմագրանկարներ, որոնցում վառ կերպով պատկերված է հս․ երկրների խստաշունչ բնությունը, հասարակ մարդկանց կյանքը («Ծովի աշխատավորները», 1907, Նյու Բրետենի թանգարան, «Գարնանային եռուզեռ», 1908, Պուշկինի անվան կերպարվեստի թանգարան, Մոսկվա)։ Հակաֆաշիստական պլակատների և ծաղրանկարների, գրքերի, այդ թվում նաև սեփական երկերի պատկերազարդումների հեղինակ է։

Քենտի արվեստին բնորոշ է կերպարների առնական ոգեշնչվածությունը, հստակ գծանկարը, հնչեղ կոլորիտը։ 1960 թվականին Քենտի սովետական ժողովրդին նվիրել է իր գործերից 900-ից ավելին, որոնցից 14-ը՝ Հայաստանի պետական պատկերասրահին։ Որպես գրող հանդես է եկել 1920 թվականին, Ալյասկայի մասին «Ամայի երկրամաս» գրքով։ «Ուղղությունը արևելքով՝ հյուսիս» (1930), «Մալամինա» (1935) և «Գրենլանդական օրագիր» (1962) Քենտի գրքերում նկարագրել է էսկիմոսների կյանքը, տվել Հյուսիսի պատկերը։ «Սա իմ սեփականն է» (1940) և «Սա ես եմ, Տեր Աստված» (1955) ինքնակենսագրական գործերը 19-րդ դարի վերջից մինչև 20-րդ դարի կեսերը ԱՄՆ–ի համայնապատկերն են։

«Մարդկանց և լեռների մասին» գրքի (1959) հիմնական մասը 1958 թվականին ԽՍՀՄ–ում կատարած ճամփորդության տպավորություններն են։ Նա երկու անգամ այցելել է Խորհրդային Հայաստան, ջերմ տողեր նվիրել Հայաստանին ու հայ ժողովրդին։ Հետագայում, (1962) թվականին Ռ.Քենտը ստացել է ԽՍՀՄ Գեղարվեստի ակադեմիայի Պատվավոր անդամի կոչում, այնուհետև 1967 թվականին՝ «Հանուն ժողովուրդների միջև խաղաղության ամրապնդման» Լենինյան մրցանակ։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 Rockwell Kent (նիդերլ.)
  3. ↑ 3,0 3,1 3,2 3,3 3,4 Rockwell Kent — OUP, 2006. — ISBN 978-0-19-977378-7
  4. ↑ 4,0 4,1 4,2 4,3 4,4 4,5 Кент Рокуэлл // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  5. ↑ 5,0 5,1 5,2 http://www.cdbaby.com/cd/ruminators2
  6. ↑ 6,0 6,1 6,2 http://home.nps.gov/kefj/historyculture/upload/Rockwell-Kent.pdf
  7. ↑ http://www.nndb.com/group/505/000213863/
  8. ↑ Ժամանակակից արվեստի թանգարանի առցանց հավաքածու
Վիքիքաղվածքն ունի քաղվածքների հավաքածու, որոնք վերաբերում են
Ռոքուել Քենտ հոդվածին
Վիքիպահեստն ունի նյութեր, որոնք վերաբերում են «Ռոքուել Քենտ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Ստացված է «https://hy.wikipedia.org/w/index.php?title=Ռոքուել_Քենտ&oldid=8638868» էջից