Ռուսլան և Լյուդմիլա (օպերա)

Ֆեոդոր Շալյապինը Ֆարլաֆի դերում

Ռուսլան և Լյուդմիլա (ռուս.՝ Руслан и Людмила), ռուս կոմպոզիտոր Միխայիլ Գլինկայի օպերա հինգ գործողությամբ։ Ռուսերեն լիբրետտոն Վալերիան Շիրոկովի, Կոնստանտին Բախտուրինի, Նեստոր Կուկոլնիկի և այլոց մասնակցությամբ` ըստ Ալեքսանդր Պուշկինի համանուն պոեմի։ Առաջին նգամ կատարվել է 1842թ. դեկտեմբերի 9–ին Սանկտ–Պետերբուրգի Մարիինյան օպերային թատրոնում։

Օպերան համարվում է Գլինկայի լավագույն ստեղծագործություններից մեկը և ներկայում էլ ընդգրկված է ռուսական բազմաթիվ օպերային թատրոնների խաղացանկերում։

Գործող անձինք

• Սվետոզար, Կիևի մեծ իշխան (բաս)
• Լյուդմիլա, նրա դուստրը (սոպրանո)
• Ռուսլան, կիևյան դյուցազն, Լյուդմիլայի փեսացուն (բարիտոն)
• Ռատմիր, Խազարիայի իշխան (կոնտրալտո)
• Ֆարլաֆ, վարյագ դյուցազն (բաս)
• Գորիսլավա, Ռատմիրի գերուհին (սոպրանո)
• Ֆինն, բարի կախարդ (տենոր)
• Նաինա, չար կախարդուհի (մեցցո–սոպրանո)
• Բայան, երգիչ–վիպասան (տենոր)
• Չերնոմոր, չար կախարդ (առանց խոսքերի)
• Սվետոզարի որդիներ, դյուցազներ, բոյարներ, սպասավորներ և այլն։

Գործողության ժամանակը` հեքիաթային ժամանակներ («վաղուց անցած օրեր»)։ Գործողության տեղը` Կիև ու հեքիաթային տեղեր