Ռուբիկի խորանարդ
Ռուբիկի խորանարդ (երբեմն Ռուբիկ-կուբիկ), եռաչափ մեխանիկական գլուխկոտրուկ-խորանարդ, որն ստեղծվել է 1974թ.-ին`[1] հունգարացի քանդակագործ և ճարտարապետության դոկտոր-պրոֆեսոր Էռնո Ռուբիկի կողմից։
Սկզբնական շրջանում խորանարդը կոչվել է կախարդական խորանարդ (հունգ. Bűvös kocka)։ 1980թ.-ին Ռուբիկի կողմից ստանալով արտոնագիր` ամերիկյան Ideal Toy Company խաղալիքներ պատրաստող ձեռնարկությունը ձեռնամուխ է լինում ռուբիկ-կուբիկներ արտադրելու գործընթացին[2], իսկ որոշ ժամանակ անց խաղալիքը Գերմանիայում մրցանակ է շահում (տարվա լավագույն գերմանական խաղ): 2009թ.-ի հունվարի դրությամբ աշխարհում վաճառվել են 350 միլիոն օրինակ Ռուբիկի խորանարդներ[3][4], ինչի համար էլ այն դարձել համար մեկ խճանկարային խաղը[5][6] և, ընդհանրապես` համար 1 խաղալիքն աշխարհում:[7]
Դասական ռուբիկ-կուբիկների դեպքում խորանարդի յուրաքանչյուր նիստ բաղկացած է թվով 9 հավասար քառակուսիներից, որոնք հավասարապես կրում են խորանարդի 6 գույները (սովորաբար` սպիտակ, կարմիր, կապույտ, նարնջագույն, կանաչ, և դեղին):[8] Մեխանիզմն այնպիսին է, որ հնարավոր է խորանարդի բոլոր երեսները հանգիստ կերպով պտտեցնել: Խաղն ավարտելու (հաղթելու) համար պետք այնպես անել, որ խորանարդի յուրաքանչյուր երես ունենա համասեռ գույն:
Արտաքին հղումներ [խմբագրել]
- Պաշտոնական կայքը
- Ռուբիկի խորանարդը DMOZ կայքում
- Ինչպես լուծել ռուբիկ-կուբիկը YouTube-ում
- Ռուբիկի խորանարդի լուծման ուղղեցույց
- Ռեկորդային` 5.66 վայրկյան տևող լուծում
Աղբյուրներ [խմբագրել]
- ↑ Ուիլյամ Ֆոթերինգեմ (2007)։ Ֆոթերինգեմի սպորտային ժամանակները։ «Անովա բուքս», 50։ ISBN 1-86105-953-1։
- ↑ Դայինթիթ Ջոն (1994)։ Կենսագրական հանրագիտարան գիտնականների համար։ Բրիստոլ: Ֆիզիկայի համալսարան, 771։ ISBN 0-7503-0287-9։
- ↑ Ուիլյամ Լի Ադամս (2009-01-28). «Ռուբիկի Կուբիկ. խճանկարային հաջողություն». Թայմ ամսագիր. http://www.time.com/time/magazine/article/0,9171,1874509,00.html։ Վերցված է 2009-02-05.
- ↑ Ալիստար Ջեյմիսոն (2009-01-31). «Ռուբիկի խորանարդը 360». The Daily Telegraph (London). http://www.telegraph.co.uk/lifestyle/4412176/Rubiks-Cube-inventor-is-back-with-Rubiks-360.html։ Վերցված է 2009-02-05.
- ↑ «eGames, Mindscape Put International Twist On Rubik's Cube PC Game». Reuters. 2008-02-06. http://www.reuters.com/article/pressRelease/idUS147698+06-Feb-2008+PNW20080206։ Վերցված է 2009-02-06.
- ↑ Marshall, Ray. Ռուբիկի մարտահրավերը. Օգոստոսի 15, 2005.
- ↑ «Ռուբիկի խորանարդն արդեն 25 տարեկան է». «Ինդիփենդենթ» (London). 2007-08-16. http://www.independent.co.uk/news/science/rubiks-cube-25-years-on-crazy-toys-crazy-times-461768.html։ Վերցված է 2009-02-06.
- ↑ Մայքլ Դեմփսի (1988)։ Մեծանում ենք գիտությանն համընթաց։ Լոնդոն: Մարշալ Քավենդիշ, 1245։ ISBN 0-8747-5841-6։
