Ռուբեն Ջրբաշյան

Ռուբեն Ջրբաշյան
Ծնվել է	1934, դեկտեմբերի 13
Ծննդավայր	Երևան
Քաղաքացիություն	ԽՍՀՄ և  Հայաստան
Ազգություն	հայ
Կրթություն	Երևանի պետական համալսարան
Կոչում	պրոֆեսոր
Գիտական աստիճան	պրոֆեսոր և ակադեմիկոս
Մասնագիտություն	երկրաբան
Աշխատավայր	Երևանի պետական համալսարան
Պարգևներ և մրցանակներ	Հայաստանի Հանրապետության գիտության վաստակավոր գործիչ և Վիկտոր Համբարձումյանի անվան միջազգային գիտական մրցանակ

Ռուբեն Տիգրանի Ջրբաշյան (դեկտեմբերի 13, 1934(1934-12-13), Երևան, Հայկական ԽՍՀ, ԱԽՖՍՀ, ԽՍՀՄ), հայ երկրաբան։ Երկրաբանա-հանքաբանական գիտությունների դոկտոր (1990), պրոֆեսոր (1994), ՀՀ ԳԱԱ ակադեմիկոս (1996)։

Երկրաբան, պրոֆեսոր Տիգրան Ջրբաշյանի որդին է։

Կենսագրություն

1957 թվականին ավարտել է ԵՊՀ։ 1957 թվականից աշխատում է ՀՀ ԳԱԱ երկրաբանական գիտությունների ինստիտուտում. 1993-2006 թվականներին՝ տնօրեն (1994 թվականից միաժամանակ դասախոսում է ԵՊՀ-ում)։ 1984-1991 թվականներին՝ Կովկասի հնահրաբխագիտական հանձնաժողովի, Հայկական երկրաբանական ընկերության նախագահ (1993), ՀՀ ԳԱԱ նախագահության անդամ (2004)։

Աշխատանքները վերաբերում են հրաբխականության զարգացման և տեղաբաշխման օրինաչափություններին, դրանց նշանակությանը երկրակեղևի ձևավորման և օգտակար հանածոների առաջացման գործում, հրաբխային շարքերի ու կազմավորումների դասակարգմանը, տարբեր երկրադինամիկական պայմաններում հրաբխայնության և տեկտոնիկայի փոխկապակցվածության բացահայտմանը, երկրաբանական վտանգավոր երևույթներին ու նրանց ազդեցության նվազեցման գիտական խնդիրներին։

Մասնակցել է «ՀՍՍՌ երկրաբանությունը» բազմահատորյակի 3-րդ և 4-րդ հատորների ստեղծման աշխատանքներին։

Ռուբեն Ջրբաշյանը համահեղինակ է «ԽՍՀՄ առաջին հնահրաբխագիտական քարտեզի» (Մոսկվա, 1990)։ ՌԴ բնական ԳԱ անդամ (1999)։ ՀՀ ԳԱԱ «Գիտություններ Երկրի մասին» տեղեկագրի գլխավոր խմբագիր (2001 թվականից), ՀՀ ԿԳՆ «Գիտություններ Երկրի մասին» բնագավառի փորձագիտական հանձնաժողովի նախագահ (1992 թվականից), Հրաբխագիտության և Երկրի ընդերքի քիմիայի միջազգային ընկերակցության անդամ (1994 թվականից)։

Մրցանակներ, պարգևներ

• ԱՄՆ-ի հայ գիտնականների և ճարտարագետների միության Վիկտոր Համբարձումյանի անվան մրցանակակիր (1995)
• ՌԴ Պ. Կապիցայի (1998) մեդալ
• Ալբերտ Էյնշտեյնի (2002) մեդալ
• ՀՀ Անանիա Շիրակացու (2003) մեդալ
• Հայաստանի Հանրապետության գիտության վաստակավոր գործիչ (2012)։

Երկեր

• Геология и перспективы нефтегазоносно- сти мезокайнозойских седиментационных бассейнов центральной части Армении, Е., 1999 (համահեղինակ)
• Главнейшие месторождения цеолитолитов Армении, Е., 1999 (համահեղինակ)։

Մամուլ

• Հոդվածների մատենագիտություն։

Ծանոթագրություններ

Վիքիդարանն ունի նյութեր, որոնք վերաբերում են «Ռուբեն Ջրբաշյան» հոդվածին։