Ռուբեն Գաբրիելյան (նկարիչ)

Անվան այլ կիրառումների համար տե՛ս՝ Ռուբեն Գաբրիելյան (այլ կիրառումներ)

Վիքիպեդիայում կան հոդվածներ Գաբրիելյան ազգանունով այլ մարդկանց մասին։

Ռուբեն Գաբրիելյան
Ծնվել է	հուլիսի 27, 1926(1926-07-27)
Ծննդավայր	Բաքու, ԱԽՖՍՀ, ԽՍՀՄ
Վախճանվել է	օգոստոսի 1, 2015(2015-08-01) (89 տարեկան)
Մահվան վայր	Երևան, Հայաստան
Կրթություն	Սանկտ Պետերբուրգի գեղարվեստի ակադեմիա
Մասնագիտություն	նկարիչ
Ամուսին	Քնարիկ Հովհաննիսյան

Ռուբեն Իսրայելի Գաբրիելյան (հուլիսի 27, 1926(1926-07-27), Բաքու, ԱԽՖՍՀ, ԽՍՀՄ - օգոստոսի 1, 2015(2015-08-01), Երևան, Հայաստան), հայ նկարիչ։

Գեղանկարչուհի Քնարիկ Հովհաննիսյանի ամուսինը։

Կենսագրություն

1949 թվականին ավարտել է Բաքվի նկարչական ուսումնարանը, 1955 թվականին՝ Լենինգրադի Իլյա Ռեպինի անվան նկարչության, քանդակագործության և ճարտարապետության ինստիտուտը։ Գործերից պահվում են Հայաստանի ազգային պատկերասրահում, Դրեզդենի, ՌԴ քաղաքների թանգարաններում ու պատկերասրահներում։

Ստեղծագործական ուղի

Գործերի հիմնական մոտիվն Արցախն է, ազատության և ազգային զարթոնքի թեման։ Ստեղծել է կոմպոզիցիաներ, բնանկարներ, դիմանկարներ և այլ գործեր։

• «Տոն Ղարաբաղում», 1971 թ.
• «Ուղերձ», 1980 թ.
• «Աշունը լեռներում», 1985 թ.
• «Արցախի Պրոմեթևսը», 1988 թ.
• «Արցախցիներ», 1993 թ.
• «Նավասարդ», 1987 թ.
• «Հողը և մարդիկ», 1978 թ.

Հեղինակ է նաև գրքերի ձևավորումների։

Ցուցահանդեսներ

Անհատական ցուցահանդեսներ է ունեցել Չելյաբինսկում (1971 թ.), Մոսկվայում (1973 թ.), Երևանում (1989 թ., 2001 թ.), Ստեփանակերտում (1993 թ.), Մոնրեալում (1993 թ.), Սան Դիեգոյում (1996 թ., 2002 թ.)։

Պարգևներ

• ԼՂՀ Եղիշեի անվան մրցանակ (1995 թ.)
• Վաչագան Բարեպաշտի մեդալ (2002 թ.)