Ռուբեն Անգալադյան

Վիքիպեդիայից՝ ազատ հանրագիտարանից
Ռուբեն Անգալադյան
ԱԱՀ՝ Ռուբեն Անգալադյան
Բնագիր
ԱԱՀ՝
Ռուբեն Սարգսի Անգալադյան
Ծննդյան օր՝ հունիսի 10, 1947
Ծննդավայր՝ Ախալցխա, (ՎՍՍՀ)

Ռուբեն Սարգսի Անգալադյան (ծնվ. 1947, հունիսի 10), հայ բանաստեղծ, թարգմանիչ, մշակութաբան, փիլիսոփա, ԽՍՀՄ գրողների միության անդամ 1982-ից, Հայաստանի Հանրապետության մշակույթի վաստակավոր գործիչ (2011)։

Ծնվել է Ախալցխա քաղաքում։ Միջնակարգ կրթությունն ստացել է տեղում։ 1965-ին ընդունվել է Լենինգրադի պոլիտեխնիկական ինստիտուտ, ապա փոխադրվել է Լենինգրադի համալսարան, որի դասընթացն ավարտել է 1972-ին։

Ռուսերեն լույս են տեսել նրա «Խորալ» (Երևան, 1975), «Կիրճ» (Երևան, 1979) բանաստեղծությունների ժողովածուները, «Լուսնյակը և ձկնիկը» (Լենինգրադ, 1985) բանաստեղծությունների և հեքիաթների ժողովածուն։

Նրա գործերը թարգմանվել են իտալերեն, վրացերեն, հունգարերեն, անգլերեն, էստոներեն և այլ լեզուներով։ [1]

Աղբյուրներ[խմբագրել]

  1. (1986) Գրական տեղեկատու։ Երևան: «Սովետական գրող», էջ 48։