Ռոս Բաղդասարյան

Վիքիպեդիայից՝ ազատ հանրագիտարանից
Ռոս Բաղդասարյան
Ross Bagdasarian Sr.jpg
դաշնակահար, երգիչ, դերասան
Ծնվել է 1919 թ., հունվարի 27 (1919-01-27)
Ծննդավայր Ֆրեզնո (ԱՄՆ)
Մահացել է հունվարի 16, 1972 (52 տարեկան)
Մահվան վայր Բևերլի Հիլզ (ԱՄՆ)

Ռոս (Անդրանիկ) բաղդասարյան (անգլ.՝ Ross Bagdasarian, Sr., Ռոս Բաղդասարյան Ավագ, լրիվ անունը՝ Ռոստոմ Սիփան Բաղդասարյան) (հունվարի 27, 1919, Ֆրեզնոհունվարի 16, 1972, Բևերլի Հիլզ), ամերիկահայ դաշնակահար, երգիչ և դերասան։

Կենսագրություն[խմբագրել]

Ծնվել է Մեծ Եղեռնը վերապրած բիթլիսցիների ընտանիքում, Կալիֆոռնիայի Ֆրեզնո քաղաքում։ Եղել էՎիլյամ Սարոյանի մորաքրոջ որդին։ Վաղ տարիքից գրել է երաժշտություն, բանաստեղծություններ, սցենարաներ։ Ռոսս Բաղդասարյանը բացահայտել է երաժշտություն ձայնագրելու հատուկ տեխնիկա, որը ձայնի ներմուծման և վերարտադրման արագությունների տարբերության շնորհիվ ապահովում է երեխաների համար սիրելի ձայնի տատանվող բարձր տեմբռ։ Նա հորինել է հեքիաթային հերոսների, որոնք իբր կատարում են այդ երգերը՝ «Էլվին շերտավոր սկյուռիկը և նրա ընկերները», «Սեյմանը և Թեոդորը»։

Ունեցել է նվագախումբ, թողարկել ձայնապնակներ։ Որպես երաժիշտ հանդես է եկել Դեյվիդ Սեսիլ անվամբ (ի պատիվ իսպանական Սեվիլ քաղաքի)։ Գրել է երգեր Սարոյանի խոսքերով՝ համադրելով փոփ երաժշտությունը հայկական մեղեդուն։ Ժողովրդականություն է վայելել նրա «Եկ իմ տունը» երգը, որ կատարվել է Սարոյանի «Որդին» պիեսի բեմադրության ժամանակ[1]։ Նշանավոր է դարձել «Շերտասկյուռի երգը» (1958) ձայնապնակով, որից 3,5 միլիոն օրինակ է վաճառվել հինգ շաբաթում։

Նկարահանվել է ֆիլմերում՝

  • Ալֆրեդ Հիչքոքի «Հետևի պատուհանը»
  • «Կարմիր այրին»
  • «Երեք սարսափազդու մարդիկ»
  • «Գոռոզն ու սրբապիղծը»
  • «Չինացի Վիկտորը»
  • «Վիվա Զապատա»

Առանձնապես հայտնի է դարձել ԱՄՆ կինոյի աշխարհում իր ստեղծած «Ալվինը և բուրունդուկները» անգլ.՝ Alvin and the Chipmunks մուլտիպլիկացիոն ֆիլմերի հռչակավոր սերիայի շնորհիվ։

Մրցանակներ[խմբագրել]

3 անգամ արժանացել է Գրեմմի մրցանակի։

Ընտանիք[խմբագրել]

Ռոս Բաղդասարյանի վաղաժամ մահից հետո իր գործը շարունակեց որդին՝ Ռոս Բաղդասարյան Կրտսերը[2]։

Դուստրը՝ Քերոլ Բաղրամյանը[3], նկարահանվել է մի քանի շարժանկարներում («Ութանկյուն», 1979)։

Ծանոթագրություններ[խմբագրել]

Արտաքին հղումներ[խմբագրել]